Teymi um nemendur

Meginhlutverk teyma um nemendur er að stuðla að farsælli skólagöngu og besta mögulega árangri þeirra náms- og félagslega, stuðla að auknum skilningi og tryggja upplýsingaflæði milli aðila. Ef nemandi er með einstaklingsnámskrá þá eru haldnir reglulegir teymisfundir.

• Fundir teyma snúast um gengi nemandans í skólanum og hafa m.a. það hlutverk að styðja við starfsfólk skólans og foreldra við að finna bestu lausnir til hagsbóta fyrir nemandann.

• Tryggt er að raddir nemenda fái rúm á teymisfundum með beinni þátttöku eða gegnum þá aðila sem mest vinna með þeim.

• Deildarstjóri stoðþjónustu hefur yfirsýn yfir fjölda teyma í skóla, virkni þeirra, setu starfsmanna í þeim og stjórnun þeirra.

• Góð stjórnun teyma tryggir virkni þeirra og framkvæmd ákvarðana sem teknar eru svo og eftirfylgni með þeim.

• Þverfaglegir starfshættir teyma miða að því að samhæfa úrræði, tryggja skilvirka þjónustu, stytta boðleiðir og tryggja upplýsingamiðlun.

• Stuðningsmiðaðir starfshættir teyma miða að því að miðla þekkingu um dagleg störf þeirra sem eru virkir í daglegu umhverfi nemandans, auka skilning og samræma væntingar til nemandans með það að markmiði að stuðla að sterkri sjálfsmynd og sjálfstæði hans í skólasamfélaginu.

• Einstaklingsnámskrá og stuðningsáætlun nemanda er ætíð til umfjöllunar í teymum um viðkomandi nemendur.

• Skráning teymisfunda og ákvarðanir fylgja einstaklingsnámskrá og stuðningsáætlun nemandans.