بریسی وگورگر
بریسی وگورگر - lightning and thunder
جوداهی دناڤ بەرا گورگرێ وبریسیێ؟
بریسی دەنگێ پێلا لێگدانێ یە ژئەنجامدانا زێدەبونا فشارەکا بلەز دپارچیت غازاندا، بەلێ دەما دارێژتنا کارەبێ ب دژواری چێدبیت دناڤ بەرا عەران وتشتەکێ بارکری ل سەر عەردی کو دبیتە ئەگەر بو پەیدابونا گوریەکا کارەبێ یا دژوار ودبێژنێ بریسی، بەلێ هندی گورگرە ئەو دەنگە یێ دەردکەڤیت ژوێ دارێژتنێ.
کێژک چێدبیت بریسی یان گورگر؟
ئەگەرێ دیتنا مە بو بریسیێ بەری گورگرێ چنکی روناهی گەلەک بلەزترە ژلەزاتیا دەنگی ژبەر هندێ ئەم روناهیا بریسیێ دبینن بەرێ ئەم هەستێ بکەین ب گوهلێبونا گورگرێ، نە خاسمە هەردو پێگڤە چێدبن.
سود وبهایێ گورگرێ وبریسیێ
ئەڤ هەردو دیاردە دبنە ئەگەر بو ئەنجامدانا حەلیانا خیزی وکانزان یێت دبن عەردی ڤە ودگوهێریتە شیشێت بریسیێ کو دبیتە هاریکار بو دەرئینانا چاڤکانیێت مەعدەنان. هەر وەسا رێکێ ددەتە پەقینا کانیێت ئاڤێ ل چیان ب تایبەت ل دەمێ بهارێ چنکی ل ڤی حینی بن عەرد یێ دمدمی وپربو ژئاڤێ ژوەرزێ زڤستانێ.
ئەرێ بریسی هەر گوریا ئاگری یە؟
هندێ بریسی یە چێدبیت ژپارچێت عەورێت جێواز ل ئەسمانی، بەلێ نەتلا ئاگری دارێژا کارەبێ یە چێدبیت دبن عەوراندا یا پر ژبارکریێت نەرینی وهندێ عەردە یا پرە ژبارکریێت ئەرنی یە.
ئەو چ سود ژگوریا ئاگرێ بریسیێ چیدبیت؟
سود دزۆرن وەک: هوینکاتیا کەشوبای، بەردەستئێخستنا مادێت کیمیاوی ژتەخێت ئوزونێ، ئاڤاکرنا بروتینان ب رێکا شکاندنا بەندێت نایترۆجینێ، زێدەکرنا ئوکسجینێ، حەلیانا رەمل وخیزی، پەقینا کانیان، زبلێ نایترۆجینێ.
٢٣-١٠-٢٠٢٣ – دهوک – ئەحمەد عەلی