ئێشێت نهێن وکێمبەلاڤ
ئێشێت نهێن وکێمبەلاڤ - أمراض غامضة ونادرة
هندەک ئێش ودەردێت دهەین یێت سەیر تویشێ مروڤا دبیت دکەڤندا، هندەک ئەندامی نە وهندەک رەوانی نە، و هندەک نفشی نە. چارەسەری بو ڤان ئێشان هەیە یان نە، ئەو ژی ژبەر سەتیریا وان ل نک نوژداران.
١- عەجیبیا ئێشا دەستێ بەردەوام - متلازمة اليد الغريبة
شاشیەکە ددەماراندا، نەخوش نەشێت موکمیێ ب دەتە دەستەکێ خۆ، هەستێ پێ ناکەت کو ئەندامەکە ژلەشێ وی، هێرشێ دکەتە ل سەر خودانی، وهندەک جاران دئێشینیت ب درستی، هەر وەکی نە یێ وی، ئەڤە ژی ئەگەرێت ئاماژێت نە یێت درست ژمەژی، ئەڤە ل نک نەساخی پەیدادبیت پشتی نەشتەگەریان، چارەسەری بو ڤێ دەردی دراوستیێت ل سەر راهێنانێت بەردەوام وکارتێکەر ژلایێ بسپورێت ڤێ ئێشی دا کو مێشک ب شێت ئیشارەتێت سروشتی ب شینیت بو مەژیێ نەخوشی.
٢- پێشوەختیا پیرەکالیێ - الشيخوخة المبكرة - Progeria
ئەو کەسە ژروی دقورمچیت، حوچدبیت، ددان لێ دکەڤن، سست ولاوازیا پێشین لێ پەیدادبیت، ئەڤە ڤەدکێشیت ل سەر رەوشەکا نفشی یا کێمبەلاڤ.
٣- نەخوشیا مروڤێ گورگانە - متلازمة الذئب البشري
دیاربونا مویان ب مشەیێ ل سەر رویێ نەخوشێ ڤێ ئێشێ، ب راستی ئەڤ نەخوشی یە زۆرا کێمە، چنکی وەکهەڤی یا هەی دناڤ بەرا نەخوشی وگورگی، دەرمان وچارەسری بو ڤێ ئێشێ نینە وموی برین یا ژ خویە چنکی دهێتە ڤە ل دەمەکێ نێزیک.
٤- ئێشا هەستیکی یان رەقبونا لەشی - مرض التعظّم أو الجسم الحجري
نەخوش دهێتە گوهورین وەک پەیکەرێ هەستیک دگەل بورینا دەمی ل سەر وی نەخوشی، دبیتە قەرقودە بێ زەبلەک یێ حشک ورەقوتەق، دژیت بەلێ لڤینا مریانە، ئەڤ دەردە زۆرێ کێمە دجیهانێدا.
٥- ئێشا تەرمێ مری - مرض الجثة الحية - Walking Corpse Syndrome
نەخوش هەستێ پێدکەت کو وی تشتەک ژئەندامێت لەشی یێ ژدەستدای یان ژی ژئەرک وکاری یێ کەتی، ودبیت پشتی دەمەکی بەرەف هزرا مرنێ ڤە ب چیت کو یێ بویە تەرم وهەولدان دا ل خو ڤەگرێت یا بێ سۆد وبهایە، زۆربەی دەمێ خۆ دبورینیت دناڤ گورستانان دگەل مریان وەر وەکی ئەو ژی ئێک ژوان کەسێت مری.
٦- ئێشا بیکا - مرض بيكا
ناڤەکێ ئەغریقی یە یێ کەڤن ئاماژەیە بو بالندەکێ بەرنیاس کو دشیت خوارنێ بخوت ب زێدەهی، هەر وەسان نەخوشێ ڤێ ئێشێ ژی دخون ژئاخێ وتەقنێ وشویشان وهەر تشتەکێ ب بەر دەڤێ وان بکەڤیت، دبێژن ئەڤ ئێشە ئێسەکا دەرونی ورەوانی یە.
٧- ئێشا خەوا بەردەوام - متلازمة النوم المتواصل
ئەڤ ئێشە زاروکان دگریت ونامینیت ل دەمێ بیست سالیێ، نەخوشێ ڤێ ئێشێ بەردەوام دنڤیت وڤەدکێشیت بو حەفتیەکێ، وپشتی هشیاربونێ نەخوش ڤەدگێریت ڤە ل سەر ژیانا خۆ یا سروشتی.
٨- ئێشا بێهنا ماسیێ - متلازمة رائحة السمك
ئەو کەسێ تویشێ ڤێ رەنگە ئێشێ بیت بێهنا ماسیا گەنی ژێ دفریت بەردەوامی، ئەڤ بێهنە ژێ ناچیت ب چ دەرمانێت بێهن خوشیێ یان گولاڤان، ئەڤە ژی ئەگەرێ هێلهێلانکێت خوهدانێ یە دەردەکڤن دگەل خوهێ، ج دەرمانێت تایبەت نینن بو ڤێ ئێشێ بەس دهێتە کێمکرن نەخارنا هندەک زوارنان دا کو ڤێ ئاستنگێ کێمکەت.
٩- ئیشا ریشالێت ماسولکان - الألمُ العضلي الليفي – الفيبروميالجيا – fibromyalgia
ئەڤ ئێسە یا نوی یە، نەخوش هەستێ وەستیان وکەرخینێ دکەت ل هەمی ئەندامێت لەشی، نیشانێت ڤێ ئێشی ب ب ئیزانە و وهەر وەسا ئەگەر ژی نە دیارن، پشتی دەمەکێ نێزیک نوژداران ئاشکراکر ئەڤ ئێشە دهێت پشتی شکەستنەکا ساخلەمی یا ژی نەشتەگەریەکێ، یا ژێ هەودانەکا دژوار، دبیت ئەڤە چێبیت پشتی تویشبونا فشارەکا رەوانییا دژوار، ئەڤە ژنان دگریت پتر ژزالامان.
2023 – Ahmed Ali