هوزان
زاروکێت مە
کور لنک دەیک وبابا دلە
دەف باب وباپیرا نەڤی کاکلە
دندلاندی سەر ران وسەر ملە
هەریێ پاقژ وبژینە یێ چاڤ کلە
لێ هشیارن هەردەم یێ چاڤ زلە
شەمالکن د رێدا، چرایێ رون وهەلە
چێ بخازن دێ بو ئینن هەتا هەسپێ دندلە
ژێ تورە نابن چ جارا قەت تو نابینی یێ سلە
بزن وبێری وشڤان
هەر دو پێگڤە دبەزن چنکی شڤانە
بو چاڤدانێ بو سەخبێرێ بێریڤانە
بتبلێت قەشەنگ د دوشیت گوهانە
د کەتە ماست ، دانیت بەر مێڤانە
بزنێ نە ترسە یێ ل بەر تە شڤان
شاخ مەزنێ هاتە رەخ تە بێریڤان
زاروک لپشتێ دەستا دەتە گوهان
ماستێ قەرستی دانیت بەر مێڤان
بزنێ شڤانێ خورتە یێ هشیارە
تە د گێرینیت ل چول و بەیارە
ل گر وملا، هنداڤی چییا دیارە
بو ژیانا مە خوش کارە،ژیارە
زڤستانە
زڤستانە تێگدا به فرو بارانه
بهاره نەگەرمە نه ساره
هاڤینە تەحرو گەرمینە
پائیزە دار وبار یێ زيزه
ئەو چنینن
گەلو: ئەو نە گوندە
ئەو گوندێ وێرانە
ئەو گوندێ
لێ نە بن رەز
بو چییە ئەو کوین
بمینن ل دەشتێ
گەر تێدا نەهێت
دەنگێ شڤانێ خورت
بمینیت بێ پەز
پشتێ بدە وان
توڤ کەسان
یێ ناڤا ل خودەت
بدەنگەکێ بلند
ب رەنگەکێ بلەز
دبێژیت کەس نینە
بەرامبەر من
هەر ئەزم ئەزم ئەز
نعمەتێت خودێ
ئێک ژ نعمەتێت خودێ دو چاڤن
گوهو دەست و پێنە هەر دو گاڤن
دل ومێلاک وسیهن یێ دی هناڤن
خودێ مەزن ژ تە دان ژمە لاڤن
ئەز کیمە ؟
ئەز،ئەز کیمە؟ ئەزێ دانایمە ڤێ دنێ
سوبە دێ وەغەرکەم، دێ دەرچم پتنێ
من دەست نە ڤەکر بو کەسێ ب خازم
خودێ بچاکیا خو، ژێ ببە ڤێ کەتنێ
لاڤ
تو خودێ هەمی خەلکی
زورداری سەر مە راکی
ئێشێ ببەی،مە ساخکەی
بی شفا تە مە نینە شفاکی
نە هێلە دەردا بن برکەی
دلێ پاقژ
کا ئەو دلێ پاقژ و دلێ سپی
نە هێلە رەنگێ رەش تێدابی
خۆژکەرب وکینیێ بدە پاش
داسەر بلند وسەر فەرازبی
مار..... نەیار
دوژمنێ مە وەک ڤی ماری یێ رەنگ ورەنگە
دحولیسیت ل خر رەخ و جها بێ پێژن و دەنگە
د گەزێت، پێڤەدەت بلەزوبەز وەک تیروتڤەنگە
تاری د کەت ژیانی لمە وەکی شکەفتەکا تەنگە
٢٠١٦ / دهوک / ئەحمەد عەلی
هەکە = ئەگەر
هەکە راست ژرستێ بیت
د ڤێت ماست ژ مستێ بیت
هەکە هەست ژهەستی بیت
بلا دەست سەردەستی بیت
ئەگەر درست درستی بیت
گوتنا راست ژقەستی بیت
راستی ژپیا هلاویستی بیت
زمان ڤەبوری ڤەبستی بیت
هەکە تبلا درێژهات گەستن
نە هێلە هەرا گەستی بیت
ئەگەر تەڤن نە هات رستن
نەهیلە وەسا نە رستی بیت
٢٤ / ١٠ / ٢٠١٦ دهوک