شكەستن

شكەستن: الکسور - fractures

شکەستن: ژکەستنا هەستیکی یە، هەر وەکی کەلاشتنێ یان شکاندنێ، دبیت هەستیک ب هێتە شکەستن ب تەمامی وب درستی یان ژی بەشەک یان پارچەک ب هەر شێوەکی بیت چ راست، درێژ، یان ژی ب گەلەک پرتان.

چارەسەری: هوستا وجەبار وبسپۆرێت ڤی بابەتی ل دیف شەهرەزایا خۆ ئەو جهێ شکەستی ڤەدگرت ب رێکا پارچیت تەحتیکان یان پاتان ب هاریکاریا چەند دەپکێت داری یان لەڤەنکان و ب بەندکان تێدئالاندن دا کو ژجهی نەچیت جارەکا دی وزۆربەی جاران چارەسەردبون. ل دەمێ نۆکە چارەسەری دهێتە کرن ب رێکا نەشتەگەریی.

ئەنجامدانا شکەستنێ: هندە جاران ژئەنجامدانا شکەستنا هەستیکێ لەشێ مروڤی ئەڤ رەوش وئازار پەیدادبن ل نک نەخوشی وەک: سەقەتی، شلی، فشیان، قوینخاری، قۆپی، لەنگی، نجمین یان ژی ژئەگەرێ هندەک ئێشان ودەردان وەک شەلەلێ و فالنجیێ.

چەند تەرزێت شکەستنێ

زۆربەی شکەستنان دکەڤن دبن ڤان رەنگان: خراببون، خەلیان، دەرزین، زەلیان، هەرشین

١- خراببون: چ دەست وتبل بن یان ژی پێبن سست وخاڤدبن دئێشن ونەشێن تشتان بگرن وراکەن. ژلایێ هوستاڤە دهاتە کێشان وڤەگرتن.

٢- خەلیان: ل خلیانێ رەوشا بەر ئاتەفی سڤکترە ژخراببونێ، ب کێم دەمی چێدبو و نە جهێ ترسێبو. ب ساناهی جهێ خلیانێ دهاتە پەرەخاندن وڤەمالین ب هاریکاریا زەیت ومەلحەمان.

٣- دەرزین: هەستی ب درستی نا شکێت، بەلێ هندەک دەرز وتیکبون دکەڤنە وی جهی نیڤ شکەستی، نە وەکی شکەستنا درستە یا پر ئێش وژانە وئاریانە. رەحەتی وتەناهی وبێهنڤەدان دڤێت بو مروڤێ تویشی ڤی چەندێبوی پشتی دهێتە گرێدان ب شێوەکێ رێک وپێک حەتا دەمێ چێبونێ ب درستی.

٤- زەلیان: زەلین: چ ل کەتنێ یان ژی تەحسین وهلنگڤتنێ گەهێت مروڤی ژجهـ دچن ئانکو ژبەرئێک دزەلن  وشوینێت وان دوەرمن وپف دبن. ب ڤەمالین وڤەکێشانی وان گەهێت ژبەرئێک چوین دهینیت جهێت وان ب درستی وپاش گرێددەت.

٥- هەرشین: ئەڤ تەرزێ شکەستنێ نە وەک یێت ژۆری نە، چێبون نە یا ئاسنە وساناهی یە، دەم پێ دڤێت حەتا چیبیت، چنکی جهێ هاتیە هەرشاندن شکەستنەکا ڤەدای وبەلاڤە یا پەیداکری، ڤێ شارەزایەکا باش پێ دڤێت دا کو بشیت وی جهێ هەرشی چارەسەرکەت بێ کو زیانێ ب گەهینیت وان جهێت تایبەت ل وان شوینان.

٢٤- ٩- ٢٠٢٣ – ئەحمەد عەلی