Biblioteca
A biblioteca ten dúas formas de colaborar activamente no obxectivo de conseguir que o alumnado acade competencia na lectura, a formación de usuarios da biblioteca e a aprendizaxe de destrezas que lles axude a buscar información na maior variedade posible de documentos.
A esto tamén lle poderemos engadir a actividade realizada nos clubes de lectura que se desnvolven no centro.
1. Formación de usuarios. O obxectivo principal é que o alumnado coñeza:
A forma en que funciona a biblioteca e os procesos ou mecanismos que a poñen en funcionamento (compra, rexistro, catalogación, clasificación, préstamo e devolución, expurgo,...) debería ser unha actividade obrigatoria para todo o alumnado polo menos unha vez no seu paso polo centro.
A forma en que está organizada a biblioteca, atendendo ós estándares internacionais da CDU, e mediante o Proxecto Meiga.
Forma de presentar a información nos distintos tipos de documento e a súa estructura, sobre todo no soporte papel.
A forma en que se atopa a información en Internet.
2. Busca de información. Deberemos deseñar actividades que axuden ó alumnado a buscar información de xeito eficiente.
A biblioteca pode ser o espazo no que o alumnado desenvolva aqueles traballos encargados polo profesor. Para eso o alumno contará cós recursos propios da biblioteca e có asesoramento puntual dos profesores que xestionan a biblioteca.
Pero a biblioteca pode ser tamén un lugar onde os alumnos perfeccionen ou simplemente aprendan a buscar información. Como? Mediante as seguintes actividades:
Buscar documentos (seguindo de novo a CDU) que lles permitan responder a unhas cuestións moi básicas pero o mesmo tempo moi variadas, nas que teñen ademáis que manexar índices, capítulos e mesmo combinar fontes diferentes.
Unha serie de preguntas encadeadas que xiran sobre un tema concreto e que se poden resolver nalgún caso coa busqueda en Internet e noutros só en documentos da biblioteca: libros, enciclopedias, revistas,...
Ambas actividades queren servir de exemplo para que calqueira profesor ou departamento considere a posibilidade de realizar actividades semellantes coa súa disciplina e cun cuestionario elaborado por eles.
Farase unha actividade concreta de busqueda de información en internet na que se deberían deseñar algunhas actividades trampa nas que o alumno tería que enfrontarse a algúns dos problemas desta ferramenta: demasiada información pouco seleccionada, posibilidade de atopar información errónea ou contradictoria, manexo do inglés,...
Usaremos ferramentas de carácter dixital tales como webquest, cazas do tesouro,...
Deseñaremos actividades que xirarán explicitamente sobre a lectura comprensiva e na que terían protagonismo os diccionarios normais pero tamén os de sinónimos, frases, etimolóxicos,...
O traballo coa prensa como unha ferramenta moi práctica á hora de abordar o problema da lectura comprensiva, xa que xunta temas de actualidade que podemos coñecer por medios de comunicación masivos como a TV, a radio ou a propia prensa e nos que ademáis podemos comparar distintas formas de conta-la mesma realidade. Para eso dispoñemos na biblioteca da suscripción a 5 xornais ademáis dos recursos propios de internet.
Posibilidade de realizar concursos trimestrais ou ó longo de todo o curso que teñan como base a busca de información simple, elaborada ou de resolución de problemas, ó mesmo estilo que concursos que se están a acelebrar noutros centros: preguntón, olimpiada,...
3. Clubes de lectura: o debate e a discusión en grupo en torno ás lecturas destos clubes mellorará a capacidade comprensiva dos seus membros, así como a fomentar a lectura.