Espazos de lectura

Dentro do centro educativo haberá dous grandes centros de actuación para o desenvolvemento do Proxecto Lector, a Biblioteca e a Aula.

• Biblioteca

É o lugar privilexiado para o desenvolvemento da práctica lectora. Para eso necesita como sabemos que o lugar sexa xeito atractivo e eficaz para que o alumnado o escolla como lugar de lectura (decoración, iluminación, comodidade, relativo silencio,…) cousa que pensamos que se cumple no caso da nosa biblioteca.

Pero tamén fai falla que dispoña dun catálogo o suficientemente suxerente e de calidade como para que os estudantes atopen material de lectura.

Por último tamén será importante que o encargado da biblioteca facilite o uso deste espazo para alumnado (trato amable, vixianza das normas, axuda á hora de seleccionar as lecturas,…).

• Aula

O espazo da aula ten que ser capaz de facilitar a lectura. Para eso creamos e temos que manter nos vindeiros cursos a chamada biblioteca de aula, que pretende abastecer ó alumnado dunha serie de lecturas accesibles, variadas, atractivas e de calidade para que nos momentos mortos da sesión educativa se poida levar a cabo esa práctica lectora: tempos mortos, horas de garda e como non durante a hora de lectura semanal da que falaremos máis adiante.

• Casa

No tocante á casa haberá que elaborar unha serie de recomendacións ós pais e titores para que creen dentro do fogar un lugar ou lugares nos que os seus fillos e fillas poidan exercer esa lectura: salón, habitación, …