3. Busca de documentos na biblioteca
Nesta actividade aplicaremos na propia biblioteca o aprendido nas dúas sesións anteriores.
A actividade consistirá en facer unha busca de documentos en todas as seccións da biblioteca e de todo tipo de documentos.
Organizaremos ó alumnado en grupos de tres, dos que un deberá quedar sentado anotando os datos do documento que terán que buscar. Os seus compañeiros deberán realizar a busca na Biblioteca, pero ós 15 minutos deberán cambiar de papel e pasará a notar os datos outro membro do grupo. O mesmo faremos de novo depois de pasados outros 15 minutos para conseguir que todo o alumnado participe na busca e na toma de datos.
Os datos que terán que anotar son: nº de rexistro, autor, CDU e editorial.
Cada ficha de busca terá sete documentos e cando un grupo remate coa súa ficha se lle entregará outra.
As normas serán:
Face-la busca con orde e silencio (no posible).
Cando se localice un documento ensinarllo ó profesor que dirixe a actividade para comprobar antes de anotar ningún dato se é o documento polo que se pregunta.
Fixarse ben na localización do libro para que ó devolvelo ó seu estante non se equivoquen e o desordenen a colección.
O profesor orientará todo o proceso e recollerá o material ó final.