تین سال سے میرا شوہر بھارتی جیل میں قید ہے

زبیدہ خاتون کے مطابق، ان کا اپنے شوہر سے بھارتی جیل میں قید ہونے کے تین ماہ بعد اُن سے فون پررابطہ ہوا تھا۔ ان کا مزید کہنا تھا کہ، میرے شوہر نے مجھےصرف اتنا بتایا کہ وہ بھارتی جیل میں قید ہیں،اس کے علاوہ اُنہوں نے مجھے کوئی معلومات نہیں دی شاید اُنہیں اپنی جان کا خطرہ تھا، یہی وجہ تھی کہ اُنہوں نے فون پر مجھ سے صرف اتنا کہا کہ زبیدہ اپنا اور ہمارے بچوں کا خیال رکھنا۔

زبیدہ خاتون چھ بچوں کی ماں ہیں۔ ان کے مطابق، جس وقت ان کے شوہر کو بھارتی جیل میں قید کیا گیا ، وہ اُس وقت حاملہ تھی اور شوہر کی قید کے چند ماہ بعد زبیدہ خاتون کے یہاں بیٹی کی پیدائش ہوئی جو اس وقت ڈھائی برس کی ہے۔ زبیدہ کا کہنا ہے کہ, اُس کمسن بچی کو ابھی تک اپنے والد کی گود کا پیار نہیں ملا۔

زبیدہ خاتون سرطان کے مرض میں مبتلا ہیں اور آپنا علاج کرانے سے قاصر ہیں۔ شوہر کی قید کے بعد سے ان کا گھر مالی مشکلات کا شکار ہے۔ زبیدہ خاتون کا کہنا ہےکہ، ان کے بچے دینی و دنیاوی تعلیم حاصل کرنے سے بھی محروم ہیں، وہ لوگوں سے بھیک مانگ کر اپنے گھر کا چولہا جلا رہی ہیں جبکہ ان کے سُسرال والے ان کی یا ان کے بچوں کی کوئی مدد نہیں کرتے ہیں۔

زبیدہ خاتون کا حکومت سے مطالبہ ہے کہ، ان کے شوہر کو بھارتی جیل سے آزاد کرواکر پاکستان اُن کے بچوں کے پاس لایا جائے اور جب تک ان کے شوہر واپس نہیں آجاتے تب تک ان کے گھر کے تمام اخراجات حکومت اُٹھائے۔

Writers are the Students of Journalism in Sindh Madressatul Islam University-Karachi.

Sumair Ahmed Tweets @sumairahmed

Bakhtawar Zakir Instagram @bakhtawarzakir