King metung a maliwalas a gubat, ating tinubung pun ning kamatsili a mikimalabung a sanga. Lele na niti tinubu la reng miyali-alians pun, atinang mangasanting ampong mangabanglung sampaga a makaengganyu kareng maglakbe. Ing kamatsili mu kabud ing alang sampagang maragul, dapot masanting naman ing panga-ulma ning malabung at malabay nang sanga. Dapot ere man ababalikdan agiang bagia mung lawe iting pun ning kamatsili. Metung a aldo, masikan agulisak ning kamatsili ing sakit nang lưb. 'Aru?' Nanung lungkut neman ning bie. Nung magtagle ku sang sampaga kapara ning siping kung pun, sana makayagkat ku muring tau a kenia dumalan. Ing saldak nang mangisnawa miras king pamakiramdam ning kadena-de-amor a mangunyabit king kabitisan na. Anya ing saingsing nang kamatsili apakibatana. "Malaguwang gawan ine, nung bisa kang mikasampagang makaengganyu, paburen mukung kulate king kekang sanga. Mebisa ya ing kamatsili king masanting a sinabi ning cadena-de-amor. E milabas ing aldo ing sadyang magdili-diling pun ning kamatsili maracal bubuyug a keya maralas mimag-umpuk-umpok. Dapot milabas ing mapilang duminggo, ene mekapaglambat kareng makabalut king sanga na. Ania eya mekapibatang makapaniabi king keang aramdaman. Wa pin tatalangan daku reng marakal a tau, eku man mu asilipan ing masalang aldo at ing dilo mang banua king kapal ning baging a peluput mu kanaku. " Agiang nanumang pamakisabi ning makalunus a pun ning kamatsiti mewalan yang sese king lubus a maligaya a cadena-de-amor. Dapot king maragul a lunus ning Linalang pigkaluban nang Ginung Jesukristo ing kamatsili ning marakal a suksuk king katawan at kareng sanga na salang Kareng mapanyirang baging. Meko ya ing cadena de amor.