ZELEMELE
ZELEMELE
Hayleme
Verê bonî ra vêron ra
Verê bonê çê cirani ra
Cirana ma hawa bervena
Eve domonunê xo ra
Pisingê sit verdo de
No hurê cîranunê ma, na qeşî sero
Cîranî do ve cîrana maro
Kerdo hayleme
Hayleme hayleme
Pisinge sero hayleme
Derjênî u desteke sero hayleme
Şîndorê hêgay sero hayleme
Dîk verdano kerge dima, hayleme
Çi pers kena biraêm’
Hal-waxtê ma nîaro dêsimî de
Werdê mao nîwerîno
Simitena mawa nîsimîna
U kam ke miso ci, bê dey qe nîbeno
Qey dürî vineta bira, tu kî bî nata
Çiyê bizê ra xo dest, bike hayleme
Qeyde û Kilame: Mem
Oli’ra
Daê waxtê verasonî ra
Vêrdune kaleka bonî ra
Çimê mi henî mendî pira
Oncî marê xêr vo Olî ra
Dot ra a rastê mi bîye
Ju çêneka de ozeve
Zerrê m’çêneke re verdîya
Oncî marê xêr vo Olî ra
Tu ke yena, mirê helala
Eke eve zerre zelala
Mi zerrê xo to rê kerdo ra
Oncî marê xêr vo Olî ra
Qeyde û Kilame: Mem
Zelemele
Veyve bî, şîme dawate
Govende cinîna, lingu rê qewete
Zerrîa m’ halê xo ra kote
Hey hey hey hey
Çimêm ginay ju çêneke
Lew u pirnike tenike
Zerrîa m’çêneke rê thîkê
Hey hey hey hey
Çêneka delal uste ra
Porê xuyo şîa kerd ve ra
Hetê mi sero sana ra
Hey hey hey hey
Esqîyune, bê tu se b’kerî
Vinde çênê, to de bêrî
Nîvindena makîna zerrî
Hey hey hey hey
Zele-mele hey
Zele-mele hey
Zele-mele
Hey hey hey hey
Qeyde û Kilame: Mem
Şêrîmê Şêrîmê
Tornê Sey Rizaymê, mosimê Kerbelayme
Binê bandire derîme, halê xo ra bêzarîme
Bandîre marê kar nîkena, ma ke reê raqilayîme
Saneme xo ver cême beme
Jî pukaleke u jî vayîme
Nika uştîme ra, avê şîyaene şîkîna ro ma, şêrîme
Nika welat newe roa eve raxeleşîyaena mawa
Na dawa dawa mawa, na dawa ma rê sewdawa
Eve rext u tifongu ra fetelîme gilê kou ra
Na sanike hona vajîna, olojîna kounê dêsimî ra
Koy ma rê raê, çhekî hevalîê
Pîl-qiz çêna-laz saneme pa eve haz, şêr’îme
Qeyde û Kilame: Mem
Savana
Oncîa şiya eve ney ra hîrê rayo
Membra! Nu çi halo derdê tu çivao
Vaze belka vengê to reseno kou
Na rindeke dest halê to yamano
Daê, Haq vo sucê minê bêkeşî çîno
Bao, Haq vo sucê minê bêkeşî çîno
Zerrê mi vêseno, dar kemer nîvîno
Şêrê vazê, mem bê tu mireno
Nîzon, eke şêrê, ci ra vazê, yena mi ra savana
Zerrê mi de adir kerdo we, vêseno
Xevera keşî çîna, ez nao vêseno
Derdê dae nîşto min’a, ez vêsno
Dest mi ra menê zerrê mi dezeno
Qeyde û Kilame: Mem
Mire ron
Sodîro çhîke ra
Usta ra şêpîy sanê pê, do sanena
U çêna qize usta ra
Ama, lewe de ronîştîya
Amaena şîyaena meske ro nîadana
U do sanîya ro
Ardê meske kerda ro
Do vet hetê ro
Ron vet hetê ro
U îşta xo şîya ci bervena vana :
“aney milê lon pila ke (ane mi rê ron pira ke)”
Wey vaze ron –lon
Erê çênam to ra van, vaze ron –lon
Erê çênam to ra van, vaze ron –lon: “wey ma kî xo sas kerd”
Qeyde û Kilame: Mem
Silo Sur
Silemanê mi meso Halborîye
Keşide meke yaraniye
Veyveo aşir benê top kay benê
Silemanê mi kayide meqriye
Silemanê mi Hesenîa mene
Werte sımade iqrar imano
Silemanê mi Uşenîa mene
iştîrî riyê xo nî sano
Silemanê mi Qeremanîa mene
Va cira az bımano
Vano dayê ez ke Qeremania nêni
Qerema ke wes bimano mara az niverdano
Biko, raa koy ra meso
Dismen virênîya lazê mi dero
Vano: da daê, vişt pê niresona
Des u phonc lazê to ra terseno
Lınga tıfongi zor nîwazena
Onderê tifingî hermete kî erzena
A qersuna qere ke kamji polati rao gıno
Dêm dana, sanena xo ver, cêna bena
Silemanê mi xo sas meke
Dest berze qevda ses adirî
Qanunê u Xizirê dismenenî çîno
Zalımu eve xayineni çhek u tifongi mi ra fîşte dürî
Misaîv Hesê Gewe nao yeno
şiaxê Sılemanê mınê tey
Isu'ke wayirê dismenî vo
Dîna de wes nîsono dîarê çêî
Qeyde û Kilame: Sarê Dêsimî
Şiware
Ezo verva pukê zimişti dero
To tedera, zerrê mi germino
Oncîa vengê tifongu nao yeno
Ezo wertê hazar adirî dero
Serva xeleşiya sewdaunê binê deştî
U serva azadîya domonunê zerrê roştîu vîye
Kou ser têserdaena ma
Fetelîyayme kounê Dêsimî ra, nat ra dot, dot ra nat
U na sanıke eve haz olojîya
Qersunê qereşiay amey, ginay zerrê mi ro, dîlana m
jê mirçikunê pesewe eve xele ca guret zerrê mi de
Des u çorînera cor bese kerd bimorîne
Wertê vore de ke gınune vora serdıne sero
şîa gîrê mede serva mi
Tim ginê waro xortê sarî
U tim bîyê halete hardunê dewrêsu rê cengdarî
Ma nîwast ke hazkerdena ma bimano
Tariyunê çımê dismenî de
U ma nîwast ke axiriya domonunê ma
Halete vo dismenî rê
U ma nîwast ke gilêjia dismeni ostikunê binê wele ra niso
Na ma rê merdene nîya
Zu şÎyaena de derga
U sIma rê haleta na lawIka ma
Domonu rê mêreso namê ma
DÎna rê sana sanika ma
Xo vîra mekerê a sanike
U bızonê ka eve xovira-kerdene
Vileşano ra, gedina biyaena ma
Qersuna qere ama, gina zerrê mide
Ez bervon, tu meberve zerrê mide
Virara xo rake mire welat ke
Mi tede hewn fîye serdin meke
Qeyde û Kilame: Sarê Dêsimî