Dengbej Maruf

DENGBEJ MARUF

Eba Reşo

Eba reşo ho ho ho lo eba sûrme kuro boz

Dibînê lawkê mi da kirme kirme lo lo kuro

Jina çi têkeve destê kotîyê mêra ne tê kuştin li dara

Dunyayê ne tê berdan

Çiqa zûlme eman eman eman gidî

Hêdî bajo, siwaro ez bi tere

Eba reşo ho ho ho lo eba kezî

Kuro eba li nava ca dihejî lo lo

Kuro ew agirê di dilê mi da dişewite

Hêvîya min heye ji Xwedê çîkekî

jê bifire dilê te jî eman eman eman

gidî hêdî bajû siwaro ez bi tera

Eba reşo ho ho ho lo eba tazî kuro

Tu pê bi pê di ser serê min û bavê mira

Hati lo lo kuro lawo te ne ez kuştim,

ne ez revandim li serê rê û dirba kirim

fena kewek petî eman eman eman gidî

Hêdî bajû siwaro we te ra

Gotin û Muzîk: Dengbêj Reşo

Herêm :Serhed

Mîrê Min

Mîrê min, mîrê min mîrê min...

Heyla dayê çavê xwe digerînim nagerênim kanê Şêxê min

Mîro de rabe bi çiyayê Bîngola şewitî diketim ji dilê min û tera bi mije lê bi dûmane,

Lê belkî agirê kulê têkeve mala Misto Kemale

Çawa rakirin fermana serî Kurda

Birîna serê Şêxan û melane hela binêr meclîsa Enqerê de dayê lê lê hev

civyane

Ji bo xeniqandina Şêx Seîd efendî bavê Şêx Elî Riza temamê mebusa wê qirar dane

Hela rabe binêr li tivingê destê teresê cendirmane, lawo mêzebike li sîtemê milê wê polîsane

Ez çûme Diyarbekira rengîn min bala xwe dayê temamê sofî, mirîda lo lo hev civyane

Xorta pişta xwe dane dîwara, dibarînin hêsirê belek çavane

Mi gotî keko ez nizanim çi bû, çi qewimî, çi cirîya?

Ji mi ra digotin mala te xirabe tu nizanê dunzde heb milletwekîlîyê Tirkan, li Bitlîsê lo lo hev civyane

Rakirine fermana serî Kurda dayê birîna serê Şêxane.

Şêx Seîd efendî anîne Diyarbekirê li ber bendane,

Bend avêtin qirika Şêx Seîd efendî ewê gavê teze min zanîbû xwelî li nava çavê me hemyane...

Mîrê min, mîrê min, mîrê min, mîrê min...

Le dayê wezê çave xwe digerînim nagerînim nizanim kanê Şêxê min?

Mîro de rabe bi çiyayê Bîngola şewitî diketim lo lo ha bi ceye

Agirê kulê têkeve mala Misto Kemal çawa rakirê fermana serê Şêx û Mellê me ye

Hele rabe Eskerê Misto Kemal derketê ji çiyayê Bîngolê tê ji pale tokan da dayê firqe bi firqeye.

Kesekê tune cewabê bide Celalîya li peyê Silêmanê Ehmed dayê bavê Ferzende ye

Jêra bibêje mala te xirabe Şêx Saît efendî birin Dîyarbekir li ber benda

Bend avêtin qirika Şêx Saît efendî

Şer’a dînê Nebî Mihemed Peygamber evê tiştê qebûl nakin, di nava me de pir gune ye...

Mîrê min, mîrê min, mîrê min....

Heyla dayê çavê xwe digerînim, kanê Şêxê min...

Gotin û Muzîk: Gelerî

Herêm: Serhed

Çavkanî: Dengbêj Zahiro

Mîr Beg

Lo lo Mîro bejina bavê Mîrbegê min zirave pepuk ezim ji taka rihana li dev beyara hey were hey were...

Mîro ne mij’ tera digo neke bi gura alaybegê sozê Şêxê wara.

Pepûk ezim berê bavê Mîrbegê min dan bajarê Stembola şewitî dûrê dera be

Destê min nagê jî Mîrbegê min derbaskirin ji sindaqê bîstûçar duwale ecnebî li nav neyara hoy were hoy were...

Eman were eman were...

Mîro ne mi ji tera digo bi gora min bike

Ne ji berê da Rom xayîn e me dixapîne

Ax ez dimirim dimrim lo wez nemînim

Ez ditirsim bimirim lê bavê Mîrbegê xwe nebînim.

Lo lo Mîro bejna bavê Mîrbegê min zirav e pepûk ezim ji tak rihana

Ro bi ro ye iro li kêleka milê bavê Mîrbegê min dihatî dengê borîna delu Qasoye, hoy were ê hey hey hey were hey were.

Eman were eman were mîro min ji tera digo tu bi gura min bike neçe lezke ha lezke were. ax ez dimirim ez dimirim Ax ez dimirim lo wez nemînim ez ditirsim dawîya dûnyayê mirine hewî ez bavê Mîrbegê xwe nemînin Lo lo Mîro vê sibê walîyê Mûşê mistesarê Bilîsê rûniştin bi hevra şêwirkirin bi xayînî şandin pey bavê Xelîlê min ji mal siwarkirin di nava qîz û bukên Xûytira derbas kirin. Mîro nê mi ji tere digo xema neke xem xirave çiqas qeyd û zincîr Sultan Ebdulhemîd Paşa hebûn mi bihistîye pepuk ezim gişt ji bo xatirê mala me çêkirin hazirkirin hey were hey were ...

Eman were eman were...

Mîro ne mi ji tera digo bi gora mi bike Rom xayîne me dixapîne Ax ez dimirim lo wez nemînim ez ditirsim bimirim dawiya dinyayê mirine bavê Mîrbegê xwe nebînim....

Gotin û Muzîk: Gelerî

Herêm: Serhed

Çavkanî:Dengbêj Şakiro

Hêy lê (Xezal)

De hey lê hey lê...

Were heylê heylê heylê... ku heylê.

Delê lê... bedewê minê Xezalakî rakir ji desta Muşê,

Berê xezala min ketî Hazro û Diyarbekir,

Kêleka Xezala min ketî Meraş û Entabê,

Xezal derbas bu berya vê Mêrdînê

Ezê dikim rabim herim li ba apê xwe jêra bibêjim

Apo xezal guneye li çira xezal diketî destê Roma xayîn

Tirk û Ereb û Ecem li ser Xezalê kombune,

Rûyê wana bi kenîn, devê wan bi xwîne,

Apê min gazîkir digo sûnva herin xezal bêxweyî nîne

Hey lê, hey lê hey lê hey lê...

Were hey lê hey lê hey lê ...

Delê lê bedewê minê xezalek rakir

Ji Qazgol û Bingolê Sûsar û Tekmanê

Berê xezala min ketî Patnos û Tutaxê,

Kêleka xezala min ketî cepheyê Ûris

Xezal derbasbû li bajarê Simko welatê Kurdistanê,

Ezê dikim rabim herim li ba apê xwe jêra bibêjim

Apo xezal guneye çira diketê destê roma xayîn,

Tu gazîke li kal û pîrê Kurda

Bira bibêje keç û xortê hemî bi xezalê bêne îmanê

Hey lê hey lê, hey lê hey lê, ... Were hey lê hey lê hey lê... Were hey lê hey lê hey lê hey lê...

Eman hey lê hey lê hey lê...

Delê lê bedewê minê Xezalek rakirî ji Kerkûkê ji Kirmaşanê,

Berê xezala min ketî Zaxo û Dihokê

Keleka xezala min ketî Qamişlokê, Amudê, Afrînê,

Ezê dikim rabim herim li ba apê xwe jêra bibêjim:

Apo xezal guneye çira xezal diketî desta Roma xayîn?

Tu qazîke li keç û xortê Kurda, bibê ne Xezal li benda we hemî ya sekinîye Hey lê, hey lê hey lê hey lê hey lê ku hey lêê...

Gotin û Muzîk: Dengbêj Maruf

Gorî

Gorî gorî gorî kuro mala gede lawkê min li taxa jorîn. Mala mi bi xulama bejn û bala zirav li ew lazê şîrîn law lingê xirxal qirika bi morî gorî gorî gorî goriya teme Gorî heyran mala gede lawkê lo min pês girê lolo law welle ba tê ji baranê xirabtire kuro çît û perdê konê mala bavê min girane lawo şirîtê kona rana gire ew kesekî fesadîya min û lawikê min bikin law belkî derguşa li ber pêsîra wan bimire

Gorî gorî gorî gorî ya teme

Gorî heyran hatî gundê me Xeftanê

Jina min xeftanek kirî ji kewa

Xwera bi sed û sî û sê bizinan

Xeftanê kewa min kine

Nagire zenda zer bazinan

Gorî gorî gorî gorî gidî

Gotin û Muzîk: Gelêrî

Çavkanî: Dengbej Huseyno

Ha Kuro Mermere

Ha kuro mermere lo, wî kuro mermere

Ha kuro mermere lo, kanê mermere

Tê da digere lo, marê ser zere

Kêrsimê keçika lo, kê li kembere

Ha kuro tutune lo, şewitî tutune

Tê da digere lo, marê ser cune

Kêrsimê kalan lo, kîs û qelune

Ha kuro saçaxe lo, wî kuro saçaxe

Tê da digere lo, marê qaçaxe

Kêrsimê xorta lo, kêr û biçaxe

Gotin û Muzîk:Gelerî

Herêm:Serhed

Berhevkar: Maruf

Yar Wezo

Yar wezo birîndarim min bavên zozana

Yar bavêjin ser min qetê organa

Yar derdê hewîyê, êşa dirana

Yar wezo nexweşim, min bavêjin mesila

Yar bavêjin ser min, qetê qesîla

Yar derdê (kula) hewiyê, êşa pêsira

Yar wezo nexweşim, min bavên odeyo

Yar bavêjin ser min, qeta cileyo

Yar derdê hewiyê, êşa dilêyo

Gotin û Muzîk:Gelerî

Herêm: Serhed

Berhevkar: Maruf

Ha bi derenge (Selîmo lawo)

Ha li me çikir wî li me çikir

Lawino baranê li me çikir

Îniyê lêkir şemîyê vekir

Eceb dinya xirab nekir.

Ha li hewaye wî li hewaye

Konê Evdalo li hewaye

Qeyd û benda girêdaye

Bavê bukê xweş axaye

Ha bi derenge wî bi derenge

Bavê bukê li me derenge

Pêsya siwara çû bi heft renge

Li bavê bukê nema renge

Gotin û muzîk: Gelerî

Herêm: Serhed

Berhevkar: Maruf

Evdalê Zeynikê

Evdal dibê qolingo bihar e bi ser me da

Me qîrîne dibê per û baskê qolingê mi şikestîne

Çavê Evdalê Zeynikê kore rê nabîne kesek

Xwedan xêr tune bi destê Evdalê Zeynikê

Bigere bavê ser ocaxa Şêx Badîne belkî dûakê bixwaze ji xaliqê alemê rebê jorîn

Xwedê çavê Evdalê zeynê saxke, per û baskê qolingê min bicebrîne

li min wayê li min wayê

Temo lawo felek xayîne bi bavê tera cibikim nayê rayê

Temo lawo bihare dilê bavê te ha bi naze.

Bavê te korbûye,li pey koç û kerîya digere gaz bi gaze.

Kesekê xêrxwazê xêra tune bi destê Evdalê Zeynê bigre bavê li ser ziyareta Hacî Elî, Şêx Şeref sehîdê

Mixakomê li ber derê Şêx Miaze.

Li min wayê li min wayê way Ax limin wayê limin wayê Temo lawo felek xayîne bi bavê tera cibikim nayê rayê

Temo lawo birek qîz û bukê cemaldîna cêrê wan li milan bu mesîya bun kanîyê.

Bûkekê esilpîs di navda hebû dikenîya digo eva kalê korê peritî kîye

Keçikek esilzade di nav da hebû go qîzê Tu korbibî tu nasnakî, eva Evdalê Zeynê bavê Temo siwarê gogerçîne

Dengbejê Surmelî Mehmet Paşa lawo korbûye ketiye feqîrîyê.

Kesekî xêr xwezî xwedanî xêra tune bi destê Evdalê Zeynê bigre bavê li ser rêka vê kanîyê.

Li min wayê li min wayê ax limin wayê limin wayê.Temo lawo felek xayîne bi bavê tera çibikim nayê rayê

Gotin û muzîk: Gelerî

Çavkanî: Dengbêj Sidiqê Resula

Xezal Xamirpet

Xezal heyran wezê xezalim xezala çîyayê Xamirpêtê me

Ezê qîza Xiyasim delalîya Xasê û Ax Cemîlkê me

Xuşka Selman gula li devî rê me

Hoy...Xezal, hoy Xezal, hoy Xezal....

Xezal heyran me çikir lo me çinekir

Meyê ji bona doza Kurdistanê şer girankir

Heyfa bav û kala me ji dujmina derkir

Ano û Memo û Sefkan ji bona doza Kurdistanê canê xwe fedakir

Hoy Xezal, Hoy Xezal, hoy xezal...

Xezal heyran wezê diçûme Tekmanê wê liyane

Li şer serê hersê gêrîlayê ARGK,bavo şer girane

Leqe leqê topan, tifing û firokane

Ano û Memo û Sefkan

Bu şehîdê Serheda Kurdistanê

Hoy Xexal, hoy Xezal, hoy Xezal...

Gotin û Muzîk: Dengbêj Maruf

Hoy Can Canê

Hoy canê canê canê

Tu namirî bi ramusanê

Hoy can canê hat buhurî

Hoy canê canê canê

Hat bi desta da elba tiri

Can canê canê canê

Bi ramusané tu namirî

Kotîyê mêrê te bi qurbanê

Dîsgotin

Hoy can canê tê ji Xarpêtê

Sing zozanê Xamirpêtê

Can canê canê canê

Te law kuştin xewka kê tê

Kotîyê mêrê te bi qurbanê

Dîsgotin

Hoy can canê te ji xweziya

Can canê canê canê

Sing zozanê wan moriya

Can canê canê canê

Te law kuştin bi laqirdiya

Kotiyê mêrê te bi qurbanê

Gotin û Muzîk:Gelerî

Herêm: Serhed

Berhevkar:Maruf

Lê can

Lê can lê can lê canê lê lê can

Ewrê resê Nîsanê lê lê can

Hur hur taviya baranê lê lê can

Kon maye li ber wêranê lê lê can

Lê can lê can lê canê lê lê can

Serê malê me bi kaye lê lê can

Çivîka ka vedaye lê lê can

Cemo li ser rê razaye lê lê can

Min payînek lê daye lê lê can

Ji xewka şirîn bazdaye lê lê can

Lê can lê can lê lê lê can

Mêrê Cemo eskere lê lê can

Sê ro maye teskere lê lê can

Jêra hate xebere lê lê can

Teskerê bigre were lê lê can

Heyrana singê zere lê lê can

Gotin û Muzîk:Gelerî

Herêm:Serhed

Berhevkar:Maruf