און אויך די אַפּהיטונג פון כשרות אין עסן און טרינקען איז אָפּהענגיק (בעיקר) אין דער עקרת הבית - וואָס דאס איז אין דער הנהגה פון טבע העולם אין אַלגעמיין, אַז די פרוי איז די וואס פירט אן מיט דער צוגרייטונג פון שפייז, מיט דער קיך אא"וו;

בשעת די אידישע פרוי וועט ביי זיך מגלה זיין, ארויסרופן דעם שטארקן רצון און החלטה אז אלע שפייזן און געטראַנקען אין הויז מוזן זיין כשר ווי דער אויבערשטער הייסט, קען זי דאָס דורכפירן מיט הצלחה און אין דער פולסטער מאַס.

און זי קען דאס אויספירן ניט בלויז אין דער הויז: אויב אפילו דער מאן, אדער עמעצער אַנדער פון דער משפחה, איז נאך דערווייל ניט אינעם צושטאנד צו באַגרייפן אַליין די לעבנס-וויכטיקייט פון כשרות - דורך דעם אבער וואס זי שטעלט איין און געוויינט איין, אז אין קיך, אינעם גאנצן הויז ווערט פולשטענדיק אַפּגעהיט די כשרות פון מאכל ומשקה, פועל'ט עס אן ענדערונג אין די תכונות הנפש, און עס ווירקט אויפן געדאנקן-גאנג פונעם מאן (אדער עמעצן אַנדער פון די בני-בית), ביז ער ווערט אפגעהיט אין כשרות אויך אויסערן הויז;

און בפרט אַז זי וועט דאך זיכער באמיען זיך צו פועל זיין אויף אים אין דער ריכטונג מיט איבערצייגנדע רייד.

און אזוי ווי אין ערשטן ענין - טהרת המשפחה - איז עס דאַך אַ זאַך וואס האט צו טאָן מיטן יחיד, אויך מיט דער גאַנצער הויזגעזינד, מיט דעם בנין פון בית ישראל און במילא מיט דעם כלל ישראל ( וואס איז מיוסד (באזירט) אויפן בית ישראל); אַזוי אויך אין דעם צווייטן ענין, די כשרות פון אכילה ושתי', איז עס א יסודות'דיקער ענין וואס רירט אַן דעם יחיד, די משפחה, דעם גאנצן כלל ישראל.

ליקוטי שיחות חלק י"ג ע' 261

לע"נ

משה יהודה בן ראובן

רבקה עלקא בת יששכר דוב

Proper observance of kosher food and drink is dependent (mainly) on the akeres habayis. As is the nature of the world, that the woman in the home is the one that engages in preparing the food, the kitchen etc.

When a Jewish woman finds it in herself to arouse a strong will and resolve that all the food and drink in her home must be kosher as Hashem commanded, she will be successful.

Her husband or other members of her family may not yet properly understand the necessity of the laws of kashrus. By being strong and keeping the laws of Kashrus in her kitchen and in the whole house, this affects the character of the soul and the thoughts of the husband, (or another family member) until he too will be careful with Kashrus even outside of the home.

And especially when she will try to influence him in this direction with proper explanation.

Just like “family purity”, kashrus is connected to the individual, the entire family, all the Jewish families and thus all of the Jewish people (which is based on the Jewish home).

(Free Translation)

Likkutei sichos 13, page 261

לע"נ

משה יהודה בן ראובן

רבקה עלקא בת יששכר דוב