009．支援大陸優秀文藝工作 (2016年10月3日)

慧影禪跡（九）

支援大陸優秀文藝工作 (2016年10月3日)

只有人類才可以創造優質的文化，但大陸經文革期間，很多優秀文藝工作者都被批鬥，到改革開放後才逐漸恢復，惜資源不夠，吾等惟盡棉力給予支援打氣。

郭謹泐！

非色非空悟無生（成報，公關小姐繽紛筆，珠珠。二零零零年五月廿六日）

博士明（郭兆明博士）攜眷遊俄，鳥倦知還之日，邀珠珠茶敘。佢昨夜聽新聞，得知趙居士以九三高齡返駕西天，頓起哀思，在堂前踱步，不時望住壁上一副對聯，回念長者之音容。該聯係趙居士八十年代中訪港時，與博士明有一段因緣之見證。趙居士獲知博士明是佛教中人，卻又入世修持，乃自撰並書一聯相贈，聯曰：六波羅蜜施居首；四無量心捨最尊。

博士明以鏡屏鑲起，懸掛堂上。忽聞趙居士下世，思潮起伏，中夜不寐，自撰輓辭，辭曰：示維摩身於五濁惡世，難行能行興正法；乘般若船歸常寂光地，非色非空悟無生。

至早晨，令秘書電傳至北京，以誌哀思。

珠珠問佢，俄羅斯之行，印象如何。佢話，估唔到俄羅斯有咁多新富翁，不過，不少富翁來自黑道中人，佢地勾結官方，亦邪亦正，大家矇查查發達。

城中好多陷阱，城中人會不自知受害。舉例說，一條馬路，中間雙白線，顯示不能過線。但坑渠停咗一部工程車，霸佔了路面，佢坐後來車，逼得繞出雙白線，再入正常路面。前邊已有警察恭候。犯了交通規例，抄牌上堂罰一千。求情乎？得，警員作主，自判自收五百可掂。佢出示領事公函，證明自已是普京朋友。看真果然，就畀個人情收一百。換言之，總統面子非全免，價值僅四百元耳。

商店掛招牌，也是大製作。一個大招牌，得與巿民相見，殊不容易，蓋牌主須繳付十萬八萬美元費用也。呢類費用，對盧布並不信任，所以用美元做單位。聽當地居民講，通脹不高，物價相當穩定。名店名牌甚多。冒牌乎？唔係喎。何來高消費客人？有，新發財之輩是也。

巿面上食店，一般抵食，但遊客區則貴矣。粵菜有兩間，東主分別來自兩岸。因作料幾千里運來，費用較大，售價不得不貴。一碟揚州炒飯，大約一百港元，貴不過香港的星級酒店也。

博士明此行，欲與俄商合作，搞兩件科技產品，以民主用途為主，若能成功製造，將註冊專利，行銷全世界。

俄羅期要將經濟搞上去，可以，但需漫長時間之努力。

廿二日見報本欄，兩項更正如下：蝶襯往來風，錯，應為蝶趁往來風。知父莫若女，錯。應該知女莫若父。並致歉。