福星高照旺財路 (1991-06-01)

福星高照旺財路

1991年6月1日, 成報, 公關小姐身歷聲, 珠珠

有日見到黃校監，我對於作育英才人士，十分尊敬。黃校監從事教育工作數十年，道德文章，足堪矜式。我問佢，知不知博士明乃貴校弟子？佢騎騎笑道：「呢個真係人材也。」

博士明由拾荒的孩子，到七十年代成為百萬富翁。八十年代富翁又升級，成為億萬之家。七十年代佢購入大量換地證，這便進入富而可求階段。

八一年底，博士明從歐洲回港，途中遇上大氣流，驚險萬狀。總算一機人都無恙歸來。靜裡閒思，無常二字，令佢想得好多。就憑此點感念，佢將名下地產輕輕一擲，全部沽清。

一年後，一城惶亂，不可終日。再加上鐵娘子在大會堂石級跌了一跤，地價大跌，樓巿崩潰，銀行大逼倉，滙豐組基金救巿，嘩，一連串天崩地裂行動，令香港陷於風聲鶴唳之中。

八三年，李宗仁長子幼隣自美經港，回大陸探母。其後幼隣經港返美，同博士明相聚一起。佢地本已認識，博士明對遠方來客殷勤招待，幼隣談及內地之行，見過中共領導人，談中國決心維持香港之安定繁榮。對於幼隣輕輕一席話，博士明聽來別有感悟，或者此所謂福至心靈，佢開始全面入巿，全部財產購買土地樓宇，又向銀行調動資源，大舉出擊。結果是大獲全勝矣。

有一百萬不難，將之二十倍、五十倍，化小為大，就是一門大學問矣，其間應該有些機遇，否則好難成事。珠珠認識博士明後，一直靜靜研究佢發財之路。終於發覺李幼隣係佢福星，福星一經高照，財來自有方。博士明發財後未忘佛學，我嘗笑謂之曰：「此謂之財可通靈也。」珠珠讀古怪書不少，帝王之學，相將之學，名士才人之學，美人高僧等等，無不有學。常自恨者，未讀通靈學。若觀博士明對眼，說他有通靈慧根，並不為過。古書所說通靈之人，個欵同佢差不多。

佢嘗同珠珠談神論鬼，佢話在中國歷史上因為迷信神鬼觀念很重，至今流毒非輕，在台灣，香港及海外華人聚居地方，仍進行求神問卜集鬼消災一切法事，更甚者有些江湖騙者或不清淨教徒作佛法經紀，靠販賣如來為主，利用寺廟道塲包裝，加上個人披袍搭衣，熟習少許佛教儀式經文，假借上師活佛或種種名義，利用世人自私、恐懼、好奇心理，更利用西藏密宗之神秘感作為號召，吸引愚昧者，進行歛財活動，但亦可反映佛教正信者在宣揚方面失敗，使跳樑小丑有機可乘。佢自己親身考察，現居西藏很多人文化仍是很落後，神秘的密法對他們較適用。