مەلا حەسەنی بەرزنجی كە خاوەنی ئەم دەستخەتەیە كوڕی مەزڵوم بەرزنجی و كوڕەزای محەمەد ڕەسوڵی باوە گەورەی بەرزنجییەكانە. مەلا حەسەن لەدایكبووی شاری مەدینەیە (1099 ك/ 1688 ز)، بەهۆی تۆمەتباركردنیان بە پاڵپشتی "ئاغەوات" كە كرێكار و خەڵكی هەژاری مەدینە بوون لەگەڵ باوكیدا فەرمانی كوشتنیان بۆ دەرچووە، ناچار پاش كوشتنی مەلا عەبدولكەریمی باوكی "مەزڵوم" بەنهێنی هەڵهاتووە بۆ میسر و خۆی دەرباز كردووە لەسزای كوشتن و لەوێ سەرقاڵی كاری نووسین و وتاردان بووە، بەڵام دوای چوار ساڵ لەئاوارەیی لە (1138ك/1726 ز) بەنەخۆشی تاعوون كۆچی دوایی كردووە.

جگە لەم بەرهەمە مەلا حەسەن دیوانێكی شیعری هەیە كە 85 لاپەڕەیەو لە كتێبخانەی عارف حیكمەتی مەككە پارێزراوە. دیوانەكە بەناوی "ناڵەی دەروون" _ وەیە و لەوێدا جگە لەلاواندنەوەی باوكی شیوەن بۆ غوربەت و دابڕانی خۆی دەكات لە شاری مەدینە و ئاراستەی وەزیرێكی عوسمانی كردووە بەناوی ئەبی نائیلەی عەبدوڵڵا، بەهیوای ئەوەی تكای بۆ بكات و بگەڕێتەوە شاری مەدینە بەڵام دیارە مەگ پێشی پێ گرتوەو ئەم ئاواتەی بەدی نەهاتووە.

ئەرشیفی #ناوەندی_كوردستان، #زانكۆی_سلێمانی