بە گوێرەی فەرمانێکی شاهانە و نوسراوێکی وەزارەتی ناوخۆ کە ئاراستەی سکرتاریەتی ئەنجومەنی وەزیرانی عێراق کراوە لە ١٩ئەیلولی ١٩٣٥دا، هەریەک لە عومەر یەعقوبی و جەمیل ڕوحی دەکرێنە قایمقامی شارەکانی ئاکرێ و کفری، مستەفا عومەر یەعقوبی پێشتر قایمقامی کفری بووە و پێش کفریش قایمقامی چەمچەماڵ بووە، دەگوازرێتەوە بۆ ئاکرێ و جەمیل ڕوحی-یش کە هاودەم(مرافق)ی سەرۆکوەزیرانی عێراق بووە، دەکرێتە قایمقامی نوێی شاری کفری.

دەقی وەرگێڕدراوی بەڵگەنامە:

لای ڕاستی بەڵگەنامە:

هۆبەی کاروباری خۆیەتی

بەپەلە

نهێنی

لای چەپی بەڵگەنامە:

٢١/جەمادی دووەم54{13}

19/ئەیلول/١٩٣٥

{بۆ} سکرتاریەتی ئەنجومەنی وەزیران

بابەت / گواستنەوە و دامەزراندن

پاڵپشت بەوەی دەرکەوتووە پیویست دەکات بە گواستنەوە و دامەزراندنی ئەم دوو قایمقامەی لای خوارەوە:

١. گواستنەوەی مستەفا عومەر یەعقوبی قایمقامی کفری بۆ قەزای ئامێدی(عمادیە).

٢.دامەزراندنی موقەدەم جەمیل ڕوحی هاودەمی فەخامەتی سەرۆکوەزیران، وەک قایمقامی قەزای کفری .

بۆیە داواکارین لە ئیرادەی شاهانە ڕێکاری پێویستی بۆ دەربکەن و ڕابگەیەنرێت.

ناو و ئیمزای

وەزیری ناوخۆ

ئامادەکردن و وەرگێرانی بەڵگە: هەردی مەهدی میکە

ئەرشیفی #ناوەندی_کوردستان #زانکۆی_سلێمانی #کوردستان #کفری #ئاکرێ #چەمچەماڵ #العمادية #بەڵگەنامە #ئەرشیف #مێژوو #العراق