Text

بەڵگەنامە:

ئەم بەشە هەڵدەستێت بە: کۆکردنەوەی بەڵگەنامە و بەڵگەنامەییکردن(التوثیق) تایبەت بە کوردستانناسی لە ئەرشیفی ناوخۆ و هاماهەنگی لەگەڵ ئەرشیفی وڵاتان، بە تایبەت ئەو وڵاتانەی کە ئەرشیفەکانیان بەڵگەنامەی تایبەت بە کوردستانیان لە خۆگرتووە (وەک ئەرشیفەکانی ئێران، تورکیا، عیراق، بەریتانیا، فەرەنسا، ئەرمینیا و روسیا و هندستان و تاد) تا بە هەرشێوەیەک (ئۆرجیناڵ یان کۆپی یان دیجیتاڵکراو بهێنرێنەوە و لە کتێبخانەی سەنتەردا پێشکەشی خوازیاران بکرێت). لەمەشدا جگە لە پەیوەندیەکانی خودی سەنتەر هەوڵدەدرێت سود لە پەیوەندی زانکۆ و وەزارەت و حکومەتی هەرێم وەربگیرێت. سەرەڕای ئەوەش لە رێی بەشەکانی زانکۆ و توێژەرانییەوە و ئەو خوێندکارانەی کە دەچنە وڵاتان هەماهەنگی و پشتیوانی بکرێن تا ئەرشیفی بەڵگەنامەیی دەوڵەمەندتر بکرێت. ئەمانە بەشێکن لە ئەرکی ئەم بەشە.

لە ئێستادا ناوەندی كوردستان خاوەنی 6 هەزار بەڵگەنامە بە زمانی فارسی و 10 هەزار بەڵگەنامە بە زمانی توركی-عوسمانییە و لەم رێژەیە 3 هەزاریان كاری پۆلێنكردن و ناساندنیان بۆ كراوە و تۆماركردنی بەڵگەنامەكانیتر بەردەوامە.

بۆ ئاسانكردنی كاری توێژەران لە كاتی گەڕاندا بەناو سوفوێری تایبەت بە ناوەندا و هەروەها دواتر ئاماژەدان بە بەڵگەنامەكانی ناوەند لە كاتی بەكارهێنانیان وەك سەرچاوە، هەر بەڵگەنامەیەك كۆد و ژمارەی تایبەت بە خۆی پێدراوە. بۆ نمونە بەڵگەنامە فارسییەكان كۆدی D.F و بەڵگەنامە توركییەكان كۆدی D.T یان پێدراوە.