Colgar música
(amenizando o blog)
Para engadir música ó noso blog hai moitas páxinas que nos ofrecen o código que precisamos para facelo: www.goear.com, www.radioblogclub.com, www.skreemr.com, www.mixwit.com , etc. O xeito de traballar en todas eles é sempre o mesmo:
1) entramos na páxina de música que queiramos (por exemplo www.goear.com) e na caixa de texto correspondente introducimos o texto relativo á canción que estamos buscando (por exemplo, Banda Eva) e pinchamos no botón ‘Search’:
2) de seguido, aparecen tódolas cancións almacenadas relacionadas coa nosa búsqueda. E pinchamos na canción na que estemos interesados:
3) á dereita da canción, na caixa de texto que está debaixo de ‘This song in your site’ está o código que nos interesa e que temos que pegar no noso blog. Así pois, copiamos ese código; e
4) pegamos o código na pestaña de ‘edición HTML’ e publicamos a nosa entrada (na que aparecerá a canción que buscamos).