16.pini

tenpo ni la mi wile toki tawa sina kepeken toki pona taso tan ni: sina kama sona e ale pi toki pona. lipu namako li lon, taso lipu suli mi li pini. sina pilin e seme? toki pona li musi li pona tawa sina anu seme? sina ken ala ken toki e ale kepeken toki pona? ken la sina ken ala toki e ale kepeken toki pona tan ni: sina sona ala e nimi e nasin. mi wile toki e ni tawa sina: o pilin pona. toki pona li toki pona. sina pilin pona, la sina ken toki e ale. sina toki tawa jan mute kepeken toki pona, la kulupu mute pi toki pona li lon.(mi sitelen e lupa kulupu lon anpa.) sina jan Anku anu jan pi toki Anku, la sina ken tawa kulupu pi toki pona pi ma Anku. sina wile e kulupu pi suli mute, la sina ken tawa ma pona pi toki pona. jan Sonja li lon kulupu ni. sina wile sona e ijo pi toki pona, la sina ken toki tawa jan Sonja. sina wile e ijo pi lipu mi, la o toki tawa mi. mi lon kulupu pi toki pona pi ma Anku. mi lon kin ma pona pi toki pona.

jan Epen

lupa kulupu