▌大甲溪花樑鋼橋

　　大甲溪鐵橋，又閣號做大甲溪花樑鋼橋，佇1908年完工，后里-葫蘆墩（豐原）是舊山線鐵道通車上尾完工的一段路，嘛是彼當時南北聯絡誠重要的橋。花樑鋼橋總共有382.2公尺長，鏨過大甲溪的中游。這座橋攏總十个橋墩、十一个圓拱形橋空，會當算是佇日本年代，見證台灣工業化快速發展的工程。

彼陣大甲溪橋地興建所費總共是三十三萬八千外箍；1917年完工的台中火車站嘛開八萬外箍爾爾，若無加上錢變薄，大甲溪橋所開的錢會使起四个台中火車站呢！

　　大甲溪鐵橋由6个圓拱門形狀的花樑結構，這種特殊的kau-kâm結構，是由上弦杆、下弦杆、杆等鋼材所組成的，形成一个三角形抑是梯形的幾何圖形。遮的鋼架毋但在在而且接載橋體，閣較佇咧光影的變化之下，表現出大自然的美感。

　　大甲溪鐵橋會當佇濟濟的鐵道橋樑內底出擢，毋但是因為伊悠久的歷史，閣較是因為伊所蘊含的獨特價值佮工藝技術。伊上重要的特色，就是台灣罕見的「桁架橋」設計，成做台灣目前干焦賰無幾座鋼枋橋之一。