原先是創立佇1916年日本時代民營的「大正製酒株式會社」，佇1922年日本政府開始實施酒類專賣制度了後，予政府收做官方的，1928年成做彼當陣台灣上大的釀酒工場。後來1945年，酒廠閣改名做「台中酒工場」、「第五酒廠」；1957年政府閣共菸酒專賣改做公賣，交予台灣菸酒公賣局接管，嘛閣一擺改名做「台灣省菸酒公賣局台中酒廠」。後來因為時代變遷和台中市區的都市計畫，台中酒廠就搬到台中工業區，舊的這个酒廠就tshun工業遺址和歷史建築，會當看著日本時代台灣酒業的發展，tsua̋nn登錄做歷史建築。