▌舊台中酒廠

舊台中酒廠一開始是創立佇1916年日本時代，頭起先是日本商人赤司初太郎所設立的「大正製酒株式會社」，是彼當陣台灣上大激酒公司。佇1922年日本政府開始實施酒類專賣制度了後，予政府收做官方的，變做「台灣總督府專賣局台中酒工場」。後來1945年二戰結束，台灣省政府接管台中酒工場，取消「專賣」改做「公賣」，酒廠嘛變做「臺灣省公賣局第五酒廠」；1958年政府交予台灣菸酒公賣局接管，閣一擺改名做「台灣省菸酒公賣局台中酒廠」。到1970年代，台中市區漸漸仔變做市中心，激酒的過程中會產生汙染，所以到1998年就正式徙對台中工業區去。

台中酒廠就搬到台中工業區了後，舊的這个酒廠就賰工業遺址和歷史建築，對遮的建築會當看著日本時代台灣酒業的發展，佇2002年tsua̋nn登錄做歷史建築，而且開始規畫做「臺中文化創意產業園區」。