▌台中客家故事館 原東勢公學校宿舍

  因為學生人數一年一年增加，宿舍無夠用，1903年開始有部分學生徙到文昌廟上課。一直到1909年4月，學校才正式徙往新校舍。1912年校舍受著風災影響，學生暫時佇附近的寺廟上課，到1913年11月才轉去蹛部分完工的新校舍。

  為著提供女性接受教育的機會，1917年4月1日校內另外設立「東勢角公學校女子分校」，後來佇1920年獨立成做「東勢角女子公學校」。1921年因行政區劃調整，學校正式改名號做「東勢公學校」，女子學校嘛改名做「東勢女子公學校」。到1938年東勢公學校徙到這馬的校址東側的新校地，舊校地的對面就是東勢本圳。仝冬，女子公學校合併到東勢公學校。

  1941年學校改做「東勢東國民學校」。戰後校名有幾若擺變動，前後改做「東勢第一國民學校」、「東勢國民學校」，到民國57年配合九年國民教育正式定名號做「東勢國民小學」，一直到今。