▌后里馬場

• 簡介

【台灣馬場的背景】

台灣的馬場歷史會當追溯到日本時代。彼當陣，日本為著欲培養軍用良馬佮經濟需求，實施三十冬的馬政計劃，認真培養軍用佮產業用的良馬，佇台灣各地設真濟位馬場。

除了軍事用途以外，嘛漸漸擴大到民間，成做民眾的休閒活動佮競賽的場所。賽馬活動開始普遍，變做一時時行的運動佮社交活動。

佇台北呢、新竹、台中、嘉義、台南等等地區攏設有賽馬場，馬術文化佇台灣漸漸釘根。

【后里馬場的歷史】

后里馬場佇1912年起造，是日本時代全台九座馬場內底，唯一保留落來的馬場，是台灣現存上完整的日本時代馬場。彼當時設的后里產馬飼牛場，主要的任務是培育軍用戰馬，支援彼當陣軍事需求。

馬場占地約11公頃，包含馬允、馬場佮管理建築群，設施完善，反映出當時馬政制度的規模跟規劃。

二戰了後，國民政府繼續咧使用這場地做軍用馬匹培育場，一直到1997年才由政府轉交予地方管理，轉型做休閒、觀光佮教育的馬術文化園區。

【這馬的后里馬場】

園區內上有特色的體驗就是騎馬活動，無論是茈鳥仔抑是想欲體驗馬術，現場攏有專業人員共你𤆬頭。園區不時嘛有安排馬術比賽佮馬戲團演出。

園區內除了馬以外，閣有一寡其他的動物，親像水豬仔、矮山羊這類型較親人的動物，會當足近看的。

【血清馬】

血清馬是專門來製造醫療用血清的馬。佇過去醫療資源猶未發達的年代，𪜶會透過共特定病原（像破傷風、白喉等）少量注射到馬的身體，予馬產生抗體，才閣對血液中提出血清來做救人的藥仔。

• 舊相片對比