▌第五市仔

第五市仔發展到今已經欲90冬，雖然地無蓋大，煞是啥物攏有，所以嘛予人號做「第五百貨」，雖罔傳統市仔的這幾冬面對消失的危機，第五市仔煞會當保持伊的商機，保存市仔的模樣，逐工的攏有滿滿人陣，邀請你做伙來感受。這幾冬第五市仔附近環境經過改善了後，已經變做全新的模樣，附近的台中文學館佮重新規畫的柳川，予第五市場結合生態藝文佮傳統市集，是台中舊城區真有特色的生活圈。

作家劉克襄佇台中出世，嘛對第五市仔寫一篇散文，第五市仔是上會當代表作者心中的舊市區的一座市仔，因為伊細細一个仔，內底煞是藏足濟寶藏，不管是好食的、抑是鬧熱滾滾的人情味，攏真值得紀錄。會當看出第五市仔對真濟老台中人的重要性，佇文章內底閣有講著是仔內底的好食物，若有機會來到第五市仔，就來揣看覓！