望月亭 

是台灣府城遺跡「北門樓」，1885年劉銘傳欲起台灣省府城，就佇1889年開始，派台灣知縣黃承乙來建城，分做八門、四樓，其中大北門就是佇自由路台中公園附近。後來，台中因為都市改正計畫，就共城拆掉，干焦tshun大北門頂懸層的明遠樓，後來佇1948年就改名做「望月亭」，全台中的八个城門就干焦tshun這个門樓爾爾。 

湖心亭 

是台中的市定古蹟，甚至是台中市政府標誌內底，攏會看著伊的影，這个所 

是清朝富商吳鸞旂厝內的更樓，嘛是全台灣唯一一間保存落來的更樓。原底是吳鸞旂佇台中起城的時，為著欲招待貴賓和大官員，就起一个公館來處理事項，更樓就是彼當陣公館建築的一部份。後來公館佇1980年代來拆除，台中市政府才共這个更樓徙對台中公園內底來保存，嘛成做台灣這馬唯一留落來的中式更樓建築。

更樓閣叫做「鼓樓」，用鑼拍鼓，來報時間，因為早期無時鐘和通訊設備，更樓就會透過敲鐘的方式，來通知時間和重要消息，對彼當陣的生活來講真重要。

這原底是臺中公園放送電台的擴音台，目前推測是佇1930年代左右所起的，代表日治時期公園公共播音相關集會的活動，外型保存了真完整。