▌綠川

對宮原眼科行出來，就會當看著這條河溪，這馬嘛不時有人佇岸邊散步，毋過你敢知影遮藏有歷史的痕跡，咱趕緊來看這條河川-綠川，綠川原底佇日本時代號做「無名溪」，伊是對台中北屯開始流，上尾會流入去旱渓。

是按怎這个所在藏有歷史的痕跡咧？佇1896年，為著欲改善環境衛生，就重新規畫台北和台中的下水道：包括台中市區的街頭設計，後來後藤新平採用這个方案，台中市就成做這馬這款棋盤式的城市！莫看這馬的綠川是直直直，上早伊是彎彎曲曲的天然河川，為著整治河川，政府就用「截彎取直」的方式，共「綠川」和「柳川」整合做人工的河溪，仝彼時建立自來水、下水道的系統。