阮的故事

• 網站製作理念

阮是台中教育大學台灣語文學系的學生，畢業專題以「鐵馬道文化旅行」做主題，結合在地文化導覽佮數位科技應用，以台中市做探索場地。透過騎跤踏車徙位，配合Youbike（公共跤踏車）的利便性，進行實地走訪佮路線規畫，整理在地歷史佮人文特色，設計出文化導覽內容，閣來共相關資料轉譯做台文，製作語音導覽，建立數位平台，提供使用者進行文化探索佮學習。希望透過鐵馬道旅行的模式，提升民眾對台中在地文化的認捌，推捒台語佇日常生活中的應用。這个專題的成果結合文化佮教育性，嘛希望透過在地導覽，達成永續旅遊佮語言傳承的目標。

騎鐵馬，看台中；用台語，寫出土地的故事。