光復新村的歷史愛對1950年代開始講起，彼當陣退守台灣的國民政府，為著欲降低戰爭對政府機關的影響，所以推動「疏遷計畫」，共台灣省政府遷徙到中部，一開始設定的地點是以霧峰區做中心，後來改變計畫徙去草屯附近的營盤口(也就是中興新村)，毋過共省議會留踮霧峰。所以1956年佇霧峰設立的光復新村成做二戰了後台灣第一个新市鎮，隔冬才佇南投市建立中興新村。

佇1956年，根據英國的「花園城市」做設計理念，共工課佮蹛的所在結合，規个庄頭的設施真完整，街仔路規畫甲真整齊，種真濟樹仔，市場、學校、停車場、診所攏總有，已經有都市計畫的概念，生活機能非常利便。