宮原眼科佇日本時代是台中州廳規模上大的眼科診所，號做宮原武雄氏眼科醫院，是日本的眼科博士宮原武熊佇1927年所起的。二戰結束了後，宮原武雄轉去日本，宮原眼科就去予政府收做政府的資產，改做「台中市衛生院」，因為業務量的增加，宮原眼科的空間是愈來愈不足，所以佇1956年的時陣，政府為著欲起新的衛生院，就和彼當陣的大雅望族張瑞禎交換條件，起新衛生院的費用全部予張瑞楨獨力承擔，共宮原眼科直接轉讓予張瑞楨。

一直到2010年，「日出」團隊共這棟老建築買落來，而且投入資金全面改建，𪜶嘛選擇欲保存建築的歷史性，揣專家來鬥相共，了一年半的時間，結合兩位建築師、一位古蹟修復博士共同打造出現代感的日出宮原眼科，保留宮原眼科日本式的紅磚牆、舊牌樓和紅磚木頂式騎樓，到今攏看會著，嘛保留「宮原眼科」的名，改賣點心、飲料，成做觀光客一定愛去的商業空間，嘛予台中舊城區重生。