義美餅舖就佇宮原眼科的邊仔，是真濟老台中人的記持，kha̋ng-páng頂懸就寫講「兒時的美好記憶」，是囡仔時放學了後的好滋味。一下共門捒開，就聞著芳芳的滷味，無毋著，遮閣有賣滷味！！共麭和滷味囥佇做伙來賣，是啥物神秘的店咧？咱做陣來看覓！遮有分做熟食區和麵包區，豆乾、米血、潤餅等等，閣有台中的特產-雞跤凍，甚至有炒米粉和炒飯，不管是鹹的、甜的，遮攏有賣。經過遮愛會記得入來食予粗飽，才有氣力去騎跤踏車喔！