MATH  in  MOTION

Математиката е важна за секојдневниот живот и е неопходна за разбирање на светот околу нас. 

Во нашиот проект се занимаваме со различни и пријатни активности со интердисциплинарен пристап. Ги подготвуваме учениците за решавање проблеми и информирано донесување одлуки.

Цели на проектот: 

Низ овој проект учениците ќе ги развиваат комуникациските и презентерските способности, критичкото размислување како и важноста на математиката во секојдневниот живот.

Цел на проектот е со колаборативно учење да се развие позитивен став кон математиката и да се поврзе математиката со секојдневните животни проблеми.

Развивање поинаков поглед на математичката содржина.

Преку соработка да се покаже дека математиката е забавна и може да се научи преку игра.

Со проектните партнери математички ќе се обележат важни математички денови или важни денови за нас.

Обезбедување на ефикасно користење на Web 2.0 Tools.

Очекувани резултати

Очекуваните резултати од заедничката работа на проектот ќе бидат видливи во форма на математички блог уреден од ученици и онлајн водич за наставници на тема вклучување примери од секојдневниот живот на часовите по математика и корелации со други предмети.

Претставување

Во проектот учествуваат 39 наставници од 7 различни земји: Македонија, Хрватска, Босна и Херцеговина, Србија, Турција, Франција и Република Молдова. Работниот јазик на проектот на ЕСЕП платформата е англиски јазик. Секој наставник ментор се претстави на Padlet и лично на првата менторска средба.  Соработката помеѓу проектните партнери се врши на FaceBook групата на проектот која е креирана од авторите на проектот за таа намена и WhatsApp групата за брза комуникација и размена на пораки.

Претставување се изврши и на секое училиште кое е вклучено во проектот.  Линк до  Google map  каде се означени и претставени сите училишта. Училишта во проектот 

Учениците се претставија пред другите ученици учесници во проектот во алатката Padlet користејќи свои аватари. Користењето на аватари се врши поради заштита на идентитетот на учениците.

Партнери во проектот 

Претставување на училиштата во Google map

Воведна анкета

Втора активност во проектот беше воведна анкета на учениците и наставниците

Лого 

Во изработката на предлог за Лого учествуваа учениците од 8 одделение. Учениците креираа два различни предлози користејќи ја алатката Canva и со двата предлози се претставивме на Padlet плочата каде се поставуваа сите предлози за Лого. Учениците имаа можност да гласаат давајќи 1, 2, 3, 4, 5 поени за пет различни предлози кои им се допаднале освен за Логото од своето училиште. После извршеното гласање за Лого на проектот беше избрано следното лого.

Постер

Во изработката на предлог за Постер на проектот учествуваа учениците од 8 одделение. Учениците креираа три различни предлози користејќи ја алатката Canva и со нив предлози се претставивме на Padlet плочата каде се поставуваа сите предлози за Постер. Учениците имаа можност да гласаат давајќи 1, 2, 3, 4, 5 поени за пет различни предлози кои им се допаднале освен за постерите од своето училиште. После извршеното гласање за Постер на проектот беше избран следнот постер.

Math and Art

Во оваа проектна активност учениците истражуваа како математиката е применета во уметноста преку создавање геометриски форми и симетрија во уметнички дела. Оваа активност им помогна на учениците да ја видат врската меѓу математиката и визуелната естетика. Соработничката активност Математика и уметност ја реализиравме како тим три училишта партнери од три различни земји Македонија, Хрватска и Турција. Учениците најпрво имаа состанок на ЕСЕП платформата каде преку чет се претстави ја и запознаа со своите другарчиња од другите држави. Исто така учениците даваа свои предлози како да се реализира оваа активност, а најкреативните и се прифатија. Учениците истовремено можеа да комуницираат и преку директен ЗООМ состанок. Како изгледаше нивната средба можете да погледнете на следниов линк.

Целиот тим се договори кои месеци да ги пополни во календарот за 2024 година кој е само еден од заедничките продукти од проектот Math in motion. Нашето училиште ги пополнуваше месеците јануари, февруари, март и април. Кои изработки ги креираа учениците и како изгледаше текот на нивната работа можете да погледнете на сликите подолу.

Постери за календарот ( Canva )

Math & Sports

Оваа тема ги вклучи учениците во анализа на спортските резултати и статистики, како и разбирање на математичките концепти кои стојат зад спортските реквизити ( топката ), спортските стратегии и перформанси.

Safer Internet Day  

          Под мотото „Наша обврска е да ги разбереме ризиците и да овозможиме безбеден пристап до содржините на интернет" на  6.2.2024 ја реализирав работилницата под наслов „Колку е тенка границата помеѓу забавата и опасноста?" со учениците учесници во проектот Math in motion. Основна цел на оваа работилница беше да се поттикне и да се развие одговорност кај учениците за нивното учество во онлајн предизвиците.

Учениците најпрво проследија презентација преку која ги повторија правилата за побезбеден интернет, потоа  се разви дискусија на тема:  Искуство од онлајн предизвици на која учениците зборуваа за нивните лични искуства на оваа тема, кои се штетните последици од предизвиците и како да се заштитиме. На крајот учениците играа две игри едната беше игра во групи под наслов: Успешно премини ги сите полиња и на безбедноста на Интернет кажи ДА. Во играта учениците фрлаа коцка и со својата фигура поминуваа по исцртаните полиња на кои имаа предизвици во форма на прашања  поврзани со  правила за заштита од онлајн предизвици. Доколку ученикот точно одговореше на прашањето оди поле напред, доколку погрешно го одговори се враќа поле наназад. Втората игра беше квиз во Word Wall кој можете да го  играте и вие на линкот подолу.  

Math Adventures

Оваа активност вклучуваше математички предизвици и авантури, каде што учениците користеа математика за решавање на проблеми во различни сценарија и ситуации.

Соработничката активност Математичка авантура ја реализиравме во тимови од по две училишта партнери од  различни земји. Ние соработувавме со ОУ„Динко Шуманович"од Хрвице во  Р.Хрватска. Учениците имаа состанок на ЗООМ каде секој тим најпрво го претстави своето училиште, потоа се претставија и запознаа со своите другарчиња од Хрватска. Средбата продолжи со активноста Escape Room изработена во Genially која соработнички ја креаиравме јас и наставничката Јелена Црњац од партнерското училиште. Учениците ги решаваа задачите и ги откриваа кодовите кои ги однесоа до ковчегот на мудроста. Како изгледаше нивната средба можете да погледнете на сликите и на Падлетот подолу. 

PI Day

Под мотото: Playing with Math го одбележавме  Светскиот Ден на Математиката. Решававме математички загатки, игравме и се натпреварувавме местејќи ја кулата на Ханои, истражувавме и практично го пресметавме бројот  π (пи).

Math & Money

Во оваа активност, учениците учеа за финансиската писменост, како да управуваат со пари, правење буџети и разбирање на каматни стапки и инвестиции. Учениците водеа Дневник на штедење во текот на една седмица , а потоа правеа анализа на потрошените пари и стратегија како да заштедат со намалување на трошоците. 

Math & Games

Учениците создаваа и анализираа различни математички игри, како и решавање на загатки и логички проблеми, што ги охрабри да ја развиваат својата критичка мисла и креативност.

Евалуација 

Во текот на реализацијата на проектот, учениците имаа редовни онлајн средби и колаборации со нивните врсници од Хрватска и Турција. Овие интернационални средби им овозможија на учениците да разменуваат искуства, да учат за културите на другите држави и да работат заедно на заеднички задачи и проекти.

Проектот „Math in Motion“ не само што им помогна на учениците да ја подобрат својата математичка писменост, туку и ги поттикна да ја гледаат математиката како интегрален дел од секојдневниот живот. Учениците научија како да работат во тим, да комуницираат ефикасно и да користат технологијата на безбеден и ефикасен начин.

Виртуелна галерија - соработничка активност

Прв состанок 13.11.2023

На првиот состанок се изврши претставување на секој наставник пред останатите проектни партнери и се изработи проектниот план со задолженија на наставниците.

Втор состанок 31.1.2024

На вториот состанок се направи детален договор на активностите кои следуваат во текот на второто полугодие, со посебен акцент на соработничката активност Math&Adventure која се реализира како тимска активност помеѓу две различни училишта.

Дисеминација на проектот

Проектот Math in motion беше дисеминиран како успешна наставна практика на еТвининг вебинар на тема Евалуација и Дисеминација на проекти кој се реализира на 30.5.2024 на платформата MS Teams и на кој присуствуваа 46  наставници од цела Македонија. Видео од целиот вебинар во рамките на кој од 34 минута па до крај на вебинарот беше дисеминиран проектот Math in motion погледнете тука.

Проектот е дисеминиран и на веб страната на нашето училиште, а статија за активностите од проектот има и во училишниот весник (страна 11 и 12 )