mART 2023

Активност - конкурс изработка на Плакат

Првата активност во проектот беше изработка на Плакат на кој го објавивме Конкурсот и условите за учество. Со тоа ги информиравме на сите ученици во училиштето  за проектот во кој можат да се приклучат. Плакатот беше изработен во алатката Canva и истиот беше поставен и во eTwinning катчето во училиштето , но и на влезната врата во училиштето.  Во изработката на плакатот тимски беа вклучени тројцата ментори: Силвана Крстеска - го изработи во алатката Canva, Богоја Мојсоски -  го одреди дизајнот и боите на плакатот, Фила Вероска Сојковска го уреди текстот кој беше поставен на плакатот.

Претставување на проектот пред учениците

На состанок на кој присуствуваа сите ученици кои покажаа интерес да учествуваат во проектот тимот од наставници им го презентира истиот им ги појасни критериумите за учество. Подолу на сликите можете да видите како проектот беше презентиран пред учениците.

Активност - Согласности на ученици

На сите ученици кои покажаа интерес за учество во проектот им беа дадени Согласности за учество во проектот, кои потоа нивните родители ги потпишаа.

Претставување на учениците

Сите  ученици кои учествуваат во проектот се претставија со свои аватари и краток текст пред останатите учесници  на Падлет кој е вграден во рамките на TwinSpace од проектот.  За креирање на аватарите  со кои се претставуваа имаа на располагање повеќе ИКТ алатки, а нашите ученици ги употребија Bitmoji и Snapchat. Креирајќи ги аватарите учениците уште еднаш ги потсетивме за правилата за безбедно користење на интернетот и обасностите кои таму ги има. Детално ги запознавме со законот за авторски права и copyright.

 Тимот ученици  кои го претставуваат нашето училиште Кочо Рацин е следниот:

Активност ЛОГО

Наредна активност за учениците беше изработката на Лого за проектот. Учениците можеа да работат сами или во тим. Нивните изработки ги изработија користејќи ја алатката Canva.

Активност КАРИКАТУРА

Една од активностите во проектот беше  учениците да изработат КАРИКАТУРА. Темата на карикатурата беше математика или некој познат математичар. За таа цел пред учениците наставничката по математика Силвана Крстеска на состанок им презентира неколку познати математичари со кои учениците ги среќаваат во текот на нивното образование.  ( Архимед, Исак Њутн, Талес, Питагора, Ератостен, Рене Декарт, Алберт Ајнштајн, Ал Кваризми, Ада Ловлејс, и др ).  Потоа на часовите по ликовно образование наставникот Богоја Мојсоски им презентира Што е тоа карикатура? ...... Учениците имаа различни можности за креирање на карикатурата. Тие можеа да бираат дали ќе цртаат со помош на некоја апликација или карикатурата ќе ја изработат со цртање во некоја сликарска техника.  Погледнете слики од презентациите на наставниците на нивните часови . 

Активност СТРИП

Друга активност во проектот беше  учениците да изработат СТРИП. Темата на стрипот исто така беше математика или некој познат математичар.  На часовите по македонски јазик наставничката Фила Вероска Стојковска им презентира Што е стрип, кога се појавил стрипот, за првиот стрип, поврзаноста на стрипот и останатите медиуми и уметности, градба на стрипот (што содржи), за трите светски жаришта на стрипот (Белгија/Франција, САД и Јапонија), за почетоците на стрипот во Македонија како и за промоцијата на стрипот во Македонија. Исто така, преку видеозаписи,  учениците се запознаа со работата на неколку македонски стрип артисти. Учениците имаа различни можности за креирање на стрипот. Тие можеа да бираат дали ќе цртаат со помош на некоја ИКТ алатка или стрипот ќе го изработат со цртање во некоја сликарска техника.  Наставничката Силвана Крстеска на дополнителен час пред учениците ја презентира ИКТ алатката Pixton која беше една од алатките предложена за цртање на стрип. Погледнете слики од презентациите на наставниците на нивните часови . 

На следните фотографии можете да го видите процесот на креирање на стриповите. Учениците се одлучија да ги искористат ИКТ алатките Pixton и Canva  за креирање на стриповите.

Изложба и гласање 

Во училиштето организиравме изложба од сите креирани карикатури и стрипови. Изложбата ја посетија сите ученици кои учат во нашето училиште и сите имаа можност да гласаат за својот омилен стрип и карикатура. После пребројувањето на гласовите беа прогласени најуспешните стрипови карикатури кои го претставуваат нашето училиште на Регионовизијата.

Најуспешните карикатури

Ова е изборот на најуспешните карикатури кои ги нацртаа учениците за кои гласаше целото наше училиште. После направеното гласање на учесниците им беа доделени заслужените награди.

Најуспешните стрипови

Ова е изборот на најуспешните стрипови кои ги креираа учениците за кои гласаше целото наше училиште. После направеното гласање на учесниците им беа доделени заслужените награди.

Избор на најдобар стрип

Пред одржувањето на закажаната Регионовизија со учениците одржавме посебен состанок каде ги разгледавме  и прочитавме сите стрипови кои беа во категорија најстрип и се изврши гласање во рамките на нашето училиште. Учениците имаа можност да одберат стрипови кои најповеќе им се допаднаа во категорија одделенска настава, категорија предметна настава и категорија средна школа. Потоа на одбраните стрипови им доделија 2, 4, 6, 8, или 10 бода соодветно гласањето кое го направија.

Избор на најдобра карикатура

Пред одржувањето на закажаната Регионовизија со учениците одржавме посебен состанок каде ги разгледавме сите 99 карикатури кои беа во категорија најкарикатура и се изврши гласање во рамките на нашето училиште. Учениците имаа можност да одберат карикатури кои најповеќе им се допаднаа во категорија одделенска настава, категорија предметна настава и категорија средна школа. Потоа на одбраните карикатури им доделија 2, 4, 6, 8, или 10 бода соодветно гласањето кое го направија.

Наградени стрипови

Горди сме да објавиме дека нашиот стрип Математичка цедевита освои 2 место на Регионовизијата. На следниот линк можете да ги погледнете сите наградени стрипови во сите  категории.

Линк до наградени стрипови. 

Регионовизија - Карикатура

Онлајн средба на учениците која се оддржа на 7.6.2023 со почеток од 20 часот на платформата Google Meet. На средбата присуствуваа ученици и наставници ментори од сите 25 училишта 78 учесници во проектот. На средбата се изврши гласање за најдобара КАРИКАТУРА во сите три категории:  одделенска настава, предметна настава и средна школа. Принципот на гласање беше по евровизиски тип. Претставник од секое училиште ги презентираше гласовите за 2 бода, 4 бода, 6 бода, 8 бода и 10 бода. Презентер од нашето училиште беше Изабела Томановска од 7 одд.  На овој состанок имавме и уредувач наставник Силвана Крстеска која ги внесуваше доделените 10 поени во рабелата за гласање. Слики од регионовизија - Карикатура.

Наградени карикатури

Со кликање на линкот подолу можете да ги видете наградените карикатури после регионовизијата во сите 3 категории ( одделенска, предметна и средна школа)

Линк до победнички карикатури 

Соработка помеѓу наставниците

Соработката помеѓу нас наставниците на меѓународно ниво ја регулиравме со креирање на Facebook страна Matematika kroz strip i karikaturu, но и со користење на Messanger. Исто така имавме и onlajn состаноци помеѓу менторите на кои се договаравме околку активностите и временските термини за реализација на проектините активности.

Евалуација на проектот

Како завршна активност со учениците имавме евалуација на проектот која ја спроведовме пополнувајќи анкета во Google Forms.  Учениците искажаа големо задоволство од нивното учество во проектот, кој го оценија со одлична оцена и истакнаа дека би учествувале во истиот или во сличен проект и во наредната година.

Дисеминација на проектот

Дисеминацијата на проектот ја вршевме на Facebook страната на училиштето, но преку електронските медиуми. За нашата работа во овој проект пишуваа во Ohridnews, Ohrid 24 и во Умно.мк. Сториите кои тие ги објавија можете да ги погледнете на линковите подолу. Исто така на родителските средби во текот на целото второ полугодие во кое траеше нашиот проект родителите бела тековно известувани за сите активности кои ги реализиравме. Изработката и на оваа веб страна е исто наменета да дисеминација на проектот.

Национална Ознака за Квалитет

Европска Ознака за Квалитет