World Savings Day 2021

Активности месец септември

Започнавме со проектот. Прва активност ни беше состанок на наставниците, потоа внесување на учениците на еТвининг и пополнување на иницијална анкета за проектот и на учениците и на наставниците.

Иницијална анкета за учениците

E - сигурност

Сигурноста на интернет се секако најважната активност која се презема со секој еТвининг проект. На учениците има беа поделени линкови за неколку веб страни за Подигнување на свеста кај учениците за опасностите на интернет. Учениците прочитаа и стрип за приказни од интернет, играа wordwall квиз за безбедност на интернет, на thinglink се запознаа со интерактивен речник на поими за безбедност на интернет. Исто така учениците научија дека на Твинспејсот од проектот учениците и наставниците се безбедни и заштитени од упади, но мора да ги почитуваат и основните правила за добро однесување на Интернет, така што комуникацијата треба да биде со почит и ценење на другата личност и заштита на личната приватност што ја правиме. Потоа учениците имаа соработничка активност на Форумот одговарајќи на следните прашања:

1. Кои се вашите принципи и правила кога користите Интернет?

2. На што посветувате посебно внимание, а што занемарувате при користењето на социјалните мрежи?

3. Дали се сметате себеси безбедни на интернет или не и зошто?

Авторски права

Во оваа активност учениците беа најпрво запознаени со правилата за однесување во виртуелниот свет преку презентација на Twinspace од проектот, а потоа учениците во алатката Jamboard изработија своја страна во која избраа по еден цитат за Авторски права кој им беше поставен на страната Авторски права во Twinspase и кој го преведоа на својот мајчин јазик. Учениците имаа соработничка акривност со останатите ученици на Forumot каде го запишаа својот избор на цитат и споделија зошто го избрале тој цитат.

Активности месец октомври

Една од активностите ни беше да се претставивме на е-твининг, креиравме лого за проектот и интро видео и ги реализиравме активностите Штедење и математика и одбележување на Светскиот Ден на штедењето.

Иницијална анкета за учениците

Padlet - Претставување на учениците

Canva - Изработка на лого

Светски Ден на Штедењето

Canva - Изработка на постер

Активности во месец октомври: изработка на постери за Светскиот Ден на Штедењето и плакати во кои ги презентиравме видовите на штедење. Потоа во рамките на активноста Штедењето и математиката спроведовме анкета за штедење во сите одделенија од 6 до 9 во нашето училиште и изработивме презентација во која ги презентиравме добиените резултати. Светскиот Ден на Штедењето го одбележавме и со кратко видео во кое презентиравме како дошло до идеја 31 октомври да се одбележува за Светски Ден на штедењето.

Дневник на штедење

Секој ученик водеше 7-дневен Дневник на штедење, а потоа дневниците на штедење беа поставени на Wakelet при што се креира заедничка Wakelet колекција од Дневници на штедење, но и дадоа одговор на прашањето: Дали водењето на Дневник на штедење може да помогне при зголемувањето на неделната заштеда?

Фамилијарен Буџет - Excel табела

Учениците разговраа со своите родители за месечните приходи и трошоци во нивната фамилија. Заедно со нив ја пополнаа табелата со која извршија анализа на нивниот фамилијарен буџет во текот на два месеци.

Разговор за џепарац - Padlet

После водењето на Дневникот на штедење учениците на Padlet плочата заеднички разговараа за нивните заклучоци околу добивањето и трошењето на нивниот џепарац.

Штедење и економска група на предмети

Во рамките на оваа активност учениците најпрво погледаа видео снимено од ученици од друго училиште од кое можеа да научат повеќе за основата на каматната пресметка, а потоа решаваа краток квиз во GoogleForms. Своите забелешки и импресиии од видеото и од прашањата од квизот ги запишаа во Tricider.

Штедење и англиски јазик

Во делот Штедењето и англискиот јазик учениците имаа задолжение да креираат свој квиз во една од веб алатките gForms, kahoot, wordwall, ... и линкот да го споделат на форумот за да можат и останатите ученици од земјите партнери да го изиграат и да дознаат нешто повеќе за заштедите и семејниот буџет. Доколку и Вие сакате да играте и да научите нешто повеќе кликнете на линкот подолу.

Штедење и дезинформации

Во делот Штедењето и дезинформации учениците истражуваа на интернет Како дезинформациите можат да влијаат врз Штедењето, а потоа во некоја од веб алатките Power Point, Genially или Canva можеа да изработат презентации, видеа или постери. Доколку и Вие сакате да научите нешто повеќе на темата Штедење и Дезинформации погледнете го видеото подолу.

Европска седмица на парите

По повод одбележувањето на Светската недела на парите, учениците учесници во проектот се запознаа со монетарното осамостојување на нашата земја С. Македонија. Тие најпрвин на Јутјуб погледнаа видео во кое имаа можност да се запознаат со сите монети и банкноти кои кај нас се сменија од осамостојувањето до денес. Учениците потоа следеа презентација за процесот на промена на банкнотата од 100 апоени во изминатиот период и решаваа практични задачи со конвертирање на валути од 100 апоени.

Работилници

Во рамките на проектот се реализираа VI различни работилници на различни теми. На работилниците учениците имаа можност подобро да се запознаат помеѓу себе, да разменат знаења и искуства и да стекнат нови пријателства.

Завршна анкета

На крајот од проектот учениците пополнуваа анкета за евалуација на проектот. Резултаите од анкетата се внесени во Твинспејсот на проектот.

Дисеминација

Проектот е дисеминиран на Facebook страната на училиштето.

National Quality Label