Желбата да им ја приближам математиката на учениците од поинаков агол беше главна причина да се пријавам и да учествувам во проектот Математички филмски фестивал 2021 година. Со учеството во овој E-Twinning проект, учениците ги интегрираа книжевноста, математиката и информатиката. Станаа побогати со прочитано ново книжевно дело, ги збогатија своите знаења од медиумска писменост за филм, пишување сценарио, решаваа математички проблеми,  во секоја приказна од проектот е вметната математичка загатка која треба да се реши и ги подобрија своите компјутерски вештини користејќи најразлични веб 2.0  алатки.

Интеграција на проектот со наставната програма

• Претворање на идеите од учениците во акција, развивање способност за планирање  

• Управување со проекти за да се постигнат целите  како и иновативно размислување

• Планирање постигнување на зададени цели, како и дебатирање и преземање ризици.

• Користење различни web 2.0  алатки, презентирање и размена на информации како и безбедно користење на информатичко- комуникациската технологији.

• Користење на учење, знаење и вештини во различни контексти, како што се учење на далечина.

• Интеграција со наставните содржини: Математика со наставните содржини Низи, Волумен на призма и пирамида, Македонски јазик со наствната содржина: филм, филмска уметност, пишување на сценарио, Информатика со наставната содржина: изработка на презентации, креирање на филм

Во проектот учествуваат 26 наставници од 6 земји во Европа: Босна и Херцеговина, Хрватска, Македонија, Србија, Турција и Шведска. 

Работилница 2

На 9-ти Ноември, имавме наш едукативен вебинар за анимација. Г-дин Дамир Бачиќ великодушно ги сподели своите знаења и сознанија за ова возбудливо поле на креативност и ИКТ.

Исто така, нè охрабри да откриеме софтвер за анимација како што се Flash, Premiere, Toon Boom и AfterEffects.

Работилница 3

На 26-ти ноември имавме интересна работилница за поврзаност помеѓу литературата и филмот. Нашиот предавач Јосип Млакиќ го сподели со нас своето изобилство знаење за темата. Научивме за основниот филмски јазик и основните сценарија. Предавањето се реализира во Средното Училиште Ускопjeе и преку Интернет на Google Meet. Погледнете ја снимката од работилницата.

Откако учениците ја прочитаа книгата „Човекот што броеше“, ја одбраа приказната што им остави најголем впечаток направија сценарио според избраната приказна. Врз основа на напишаното сценарио од секој ученик за приказната „План на играта", учениците Димитар Силјановски, Емилија Силјановска, Сара Котеска, Надица Тасеска, Даниел Силјановски и Марија Силјановска направија заедничка презентација во која ги претставија ликовите и го вметаа текстот од сценариото. Потоа презентацијата ја преточија во анимиран филм што е во натпреварувачкиот дел од Филмскиот фестивал. Прочитајте ги сценаријата за филмот и погледнете ја презентацијата.

Една од активностите во проектот покрај читањето на книгата беше да се направи лого за проектот. Погледнете ги нашите изработки.

Ние исто така спроведовме гласање за избор на лого со кое се претставивме на Twinspace. Еве го нашиот избор!

Се направи гласање за избор на лого на проектот од сите учесници во проектот при што за лого на проектот. Погледнете го процесот на гласање и победничкото лого.

Следна активност покрај пишувањето на сценариото ни беше изработка на постер за Фестивалот. Погледнете ги нашите изработки.

Ние исто така спроведовме гласање за избор на постер со кој се претставивме на Twinspace. Еве го нашиот избор!