Оваа година CodeWeek започнува од 7 октомври и ќе трае се до 22 октомври. Во овој временски период наставниците во период кој ним им одговара можат да реализираат своја активност со кодирање или да преземат некоја од веќе понудените активности на веб сајтот од Code Week.
Силвана Крстеска-наставник по математика
Како дел од активностите кои ги реализирам во рамките на проектот училиште на 21 век се и активностите кои ги реализирам во рамките на неделата на кодирање. Во реализацијата на оваа активност учениците критички ќе размислуваат, ќе го интегрираат своето знаење по повеќе наставни предмети и практично ќе се обидат да решат проблемска ситуација користејќи го кодирањето во Micro:bit.
Во активноста Кодирање математика 2023, учениците ќе прават кодирање што ќе ги интегрира природните науки, географијата и математиката. Учениците ќе кодираат за да ги откријат страните на светот и ќе бројат чекори според дадена насока. Потоа ќе го измерат растојанието што го поминале според дадените насоки и со примена на Питагоровата теорема ќе го пресметаат поминатото растојание од почетната до крајната точка.
