"Сіўка-варонка"
— Сіўка-варонка,
Куды паляцела?
— К кавалю на двор.
— Нашто табе каваль?
— Косы каваць.
— Нашто табе косы?
— Траўку касіці.
— Нашто тая траўка?
— Каровак карміці.
— А нашто кароўкі?
— Млечка даіці.
— А нашто млечка?
— Сыиш ішіііпі
— Л нашто сырцы?
— Пастухоў карміці.
— А дзе ж пастухі?
— На вайну пайшлі.
— Дзе ж тая вайна?
— Пасярод гумна.
"Ходзіць коцік па палях"
Ходзіць коцік па палях,
Носіць сон у кашалях.
Ходзіць коцік па капусце,
Носіць сон у белай хусце.
Бабка коціка дагнала,
Сон для дзетачак забрала.
А ты, коця, вон, вон,
А на дзетак — сон, сон.
"Ты, каза, каза, лубяныя вочы"
— Ты, каза, каза,
Лубяныя вочы.
Ты, каза, ідзе была?
— Я, каза, коней пасла.
— Ідзе коні?
— Ніколка ўкраў.
— Ідзе Ніколка?
— У клець пайшоў.
— Ідзе та клець?
— Вадой пазаліло.
— Ідзе вада?
— Быкі выпілі.
— Ідзе быкі?
— Пад гару ўшлі.
— Ідзе гара?
— Чэрві вытачылі.
— Ідзе чэрві?
— Гусі паклявалі.
— Ідзе гусі?
— У траснік паплылі.
— Ідзе траснік?
— Дзеўкі паламалі.
— Ідзе дзеўкі?
— Замуж пайшлі.
— Ідзе муж’ё?
— Пайшлі сена касіць.