Robotika eta robot hitzen jatorria
Robotika hitzak roboten zientzia eta teknologia adierazten du, Wikipediaren esanetan. Robotika hitza ohikoa da gure bizitzan: zientzian, mekanikan, informatikan, ingenieritzan, medikuntzan,... eta hainbat alorretan.
Robotak, Wikipediak dion bezala, automatikoki atazak burutzen dituen gailu elektroniko eta mekanikoak dira. Eskuarki, euren mugimenduen itxurek bere kabuz ibiltzeko gaitasuna dutela dirudite, baina gizakien aginte zuzenaren azpian ez badaude, programa baten jarraibideen menpe egon behar dute.
Geure buruari egindako hainbat galdera...
Robotika ikasgelan erabil daiteke? Zein da, orduan, ikasle eta irakaslegoaren papera?
Hortxe dago gakoa!
Garikoitz Alvarez Arroyuelo idazleak dion bezala (El Regato ikastetxea: Automatika eta robotika hezkuntzan. HH aldizkaria, 124. zbk.a):
Automatika eta robotikaren ikasketa prozesuaren protagonista ikaslea bera da; ikaslea bere ikasketa prozesuaren sortzailea da eta irakaslea gidari bihurtzen da. Ikasgelan egin daitezkeela hainbat proiektu adierazten du.
Eskolan sortu dugun proiektuan Lego Mindstorms NXT erabiltzen dugu bokazio zientifikoa sustatzeko, talde-lana bultzatzeko, sormena estimulatzeko eta motibazioa sustatzeko, Matematika arloan, batez ere.
Zer egin daiteke robotikarekin eskolan? Zein da robotikaren alde didaktikoa?
Idazleak dion bezala, robotikak aukera aunitz ematen du ikastetxean lan egiteko. LEGO MINDSTORMS NXT erabilita, adibidez, hainbat helburu jorra daitezke. (Gure ikastetxean proposatutakoak hauek dira:)
Robotikaren hizkuntzan oinarrizko alfabetizazioa egin
Lehen Hezkuntzako esparru tekniko-zientifikoan elkarlana sustatzea
Autonomiaz eta sormenaz planteatzen zaizkion hainbat problema robotikaren bidez ebatzi, metodo bat erabiliz
Robotika bitarteko bat bezala erabili beste eduki batzuek eskuratzeko (matematika arlokoak)
Egindakoaren azalpena modu egokian ahoz eman
Lan taldearen modu aktibo eta arduratsuan parte hartu planteatu zaizkien arazoei irtenbidea bilatzeko modu kooperatibo batez.
Jarrera egokia izan ahaleginaren bidez, aurrera joateko bere ikas-prozesuan.
Dena den, didaktika mailan, ohiko hezkuntzarekin aldenduta, aldaketak nabariak dira eta metodologia oso bestelakoa da. Irakaslearen papera aldatu egiten da eta protagonismoa ikasleari uzten dio. Horrek suposatzen du ezagutza lortzeko ikasleak hainbat arazo konpondu beharko dituela duen helburua lortu ahal izateko eta lortutako emaitzak gozatu ahal izateko, irakaslearen laguntzaz.
