Nolakoa da gure robota?
Pieza txikiz muntatzen den robota da. Mota honetako robotek teknologiako eduki ezberdinetan sakontzeko aukera ematen dute eta irakaskuntzan oso erabilgarriak dira: elektronikan, informatikan, zientzian, mekanikan, matematikan...eta beste hainbat arlotan eta eremutan lantzen ahal dira.
Irudietan robota muntatzeko piezak.
Modu honetan, ikasleek beren robot propioak egin ditzaketen edo partekatu ditzaketen eta curriculumeko hainbat
eduki landu eta esperientzia praktikoa bereganatu dezakete.
Badakigu software eta hardware aukera eta konbinaketa ezberdinek gelan praktika asko egiteko aukera ematen dutela.
LEGO MindStorms NXT izeneko robotak hobekuntza ederrak eskaintzen ditu aurrekoekin aldenduz; hori dela eta, softwarea eta periferiko berriak garatzeaz gain, behar den informazioa ere eskaintzen du bere webgunean.
Ezaugarri nagusiak
Adreilu adimentsua NXT:
Mikroprozesadorea ARM7 (32-bit)
256 Kbytes FLASH, 64 Kbytes RAM
8-bit microprocessor
4 Kbytes FLASH, 512 Byte RAM
Bluetooth haririk gabeko komunikazioak ordenagailu, sakelako telefono eta PDArekin komunikatzeko aukera ematen du (10 m-tatik gorako distantzietan).
USB 2.0 ataka
4 sarrera
3 irteera
60 x 100 pixel-eko display
Bozgorailu, 8 KHz-ko soinu-kalitatea
Elikatzea AA motako 6 pila
3 motor interaktibo: barneko errotazio sentsorea; gradu bateko biraketak kontrolatzeko modukoak.
4 sentsore: ultrasoinua, soinua, argia (argi intentsitate eta koloreak bereizten ditu) eta kontaktua.
LabView-en oinarritutako softwarea (PC y Mac).
Horrelakoa da gure robota:
1. Sentsoreak
Oso atal garrantzitsuak dira, haiei esker, robotak bere ingurutik jasotzen ditu estimulu guztiak. Faltako balira robotak ezin izango luke erantzunik emango. Horiei esker kanpontik, ingurutik datorren informazio guztia jaso egiten du, aztertu eta erantzuna ematen du.
LEGO MINDSTORMS-ek lau sentsore mota dauzka:
Kontaktua: objektu baten kontra txokea egiten duen momentuan erabiltzen da.
Soinua: inguruan dagoen zarata maila neurtzen du. 1 eta 100 arteko balioa ematen du.
Argi sentsorea: Inguruan dagoen argitasun maila neurtzen du. 1 eta 100 arteko balioa emanez.
Ultrasoinu sentsorea: objektu baten distantzia neurtu egiten du txokatu gabe. Detektatzen duenean, erantzuna ematen du.
2. Motorra
Oso beharrezkoak dira edozein mugimendu edo ekintza egin ahal izateko. Haiekin, robota mugi daiteke eta hainbat bira egin ditzake, besteak beste.
LEGO MINDSTORMS sistemaren motorrak oso diseinu berezia dute eta berari esker potentzia, biraren norabidea eta biraren magnitudea kontrola ditzake, azken hau, denbora eta graduen eta biren kopurua bariableak kontuan hartuz.
3. Adreilu adimentsua
Kanpotik datozen estimuluei erantzuteko erabakiak hartzen dituen atala da. Gure kasuan NXT izena du.
Lau sentsore konekta daitezke berari esker; horrez gain, bozgorailu txikia,
mezuak irakur daitezkeen pantaila txikia eta bluetooth komunikazioak bultzatzeko ataka ere baditu.
USB kable batekin konektatzen ahal da ordenagailu batekin.
4. Egitura sendoa
Aurretik esan den guztia egitura sendo batean oinarritu behar da. Normalki, gurpilak izaten ditu mugimenduak egin ahal izateko. Horrez gain, iraunkorra izan behar da robotaren txokeak bermatzeko.
5. Programazioa
Robota izateko modua adierazten duena da, hau da, kanpotik etorritako estimulu guztiei robotak duen aurre egiteko modua kontrolatzen du programazioak.
LEGO MINDSTORMS-ek eskeintzen duen programatzeko software NXT-G da. Ordenaturik agertzen diren hainbat bloketan datza. Aipaturiko blokeek programa bat sortzen dute eta NXT-ra transferitzen da USB kable baten bitartez. Modu honetan, ordenagailu baten laguntzarik gabe, robotak funtzionatzen du modu autonomoan.