Zer da Bee-Bot?
Programazioaren, pentsamendu konputazionalaren, kontzentrazioaren, espazio-kokapenaren eta estrategiaren oinarrizko gaitasunak garatzeko diseinatu den robot hezigarria da. Robot “erle” bat da eta programatu egin behar da sareta baten gainean mugimendu jakin batzuk egin ditzan. Bere programazio lengoaia erreza eta intuitiboa da, zenbait sekuentziaren bitartez egin beharrekoa: aurrera, atzera, ezkerrera, eskubidera, geldialdia eta laurogeita hamar graduko bira.
Beraz, mugimenduen bitartez Bee-Botak zenbait hitz irakurri ahal izango ditu letraz letra edo batuketak egin ahal izango ditu. Hortaz, ikasleei curriculumaren edukiak lantzen lagunduko zaie beste modu batera, jolas-erronken eta urratsen sekuentzia ordenatu baten bidez. Bee-Botak, ikerketa-ikaskuntzaren bitartez, aukera emango du taldeka lan egiteko, hausnartzeko, egoerei aurrea hartzeko, saioak egiteko eta egiazteko.
Tapizak eta jarduerak
Tapizak PVCzko olanak dira, hauskaitzak eta egonkorrak; diseinu ezberdinak dituzte sareta baten gainean. Saretaren lauki batek 15x15 cm ditu, Bee-botak mugitzeko agindu bakoitzarekin ibiltzen duen distantzia, hain zuzen. Modu horretan, saretan oinarrituta, Bee-botari aginduak emango dizkiogu puntu batetik bestera joan dadin.
Tapiz bakoitzarekin jarduera desberdinak burutzen ahal dira, fitxekin lagunduta edo beste material batzuekin.
