Museoa - 3. bukaera

Hurbil dagoen denda batera sartu zara, baina erakusleihotik ez diozu kanpoan gertatzen denari begirik kendu. Gizon susmagarriak kanpoan jarraitzen du itxaroten. Oso lasai dagoela dirudi.

Minutu batzuk igaro ondoren, pertsona batzuk museora hurbildu dira. Bakoitza kale batetik etorri da, eta, sarreran, kirola egiteko arropa daraman gizonarekin elkartu dira. Ondoren, museora sartu dira.

Oso argi daukazu jende hori ez dela arropa zuzena; beraz, telefono mugikorra hartu, eta poliziari deitu diozu. Handik bost minutura, patruila-autoa agertu da. Poliziak astiro doaz, eta ez du ematen zure abisua kontuan hartu dutenik. Hala eta guztiz ere, barrura sartu dira.

Kezkatuta begiratu duzu museorantz, baina hor ez da ezer gertatzen ari… Oker al zeunden?

Bat-batean, sirena batzuen soinuek zure gogoetak eten dituzte. Hainbat patruila-auto iritsi dira plazara. Poliziak, pistolak eskuan dituztela, museoan sartu dira korrika batean. Uf! Arrazoia zeneukan! Eskerrak!

Hortik gutxira, talde susmagarriaren kolaboratzaile guztiak eskuburdinak ipinita atera dituzte museotik. Ez duzu berriro haietaz arduratu beharko.

Pozik zaude. Beste egun bat hartu beharko duzu zure erosketak egiteko, baina hori baino garrantzitsuagoa den zerbait lortu duzu. Ziztu bizian, Azken Argira bueltatu zara, Jaun Zuriaren zaintzaileei, zure kideei, gertatutakoa azaltzeko. Klara harro egongo da.