Ang Sektor ng Paglilingkod

Introduction

Karaniwang sinasabi na ang Pilipinas ay isang agrikultural na bansa.

Ngunit, kung titignan ang GDP noong taong 2020, pinakamalaki ang naipasok sa ekonomiya ng sektor ng paglilingkod. Ang tinuturing ngang mga bagong bayani ay mga Overseas Filipino Workers (OFW). Kilala ang mga Filipino sa kasipagan bilang mga manggagawa, sa loob man o labas ng bansa. Kung itatanong ang karamihan sa mga kabataan, kalimitan sa kanilang mga pangarap ay pumasok sa sektor ng paglilingkod. At panghuli, ipinagdiriwang natin ang Mayo Uno bilang Araw ng mga Manggagawa.

Ang Pilipinas ay isang service-oriented na bansa. Anu-ano ang mga suliraning kinakaharap ng sektor na ito at paano napoprotektahan ang ating mga manggawa?

Kahulugan ng Paglilingkod

Ang paglilingkod ay pagbibigay ng serbisyo sa kapwa sa halip na bumuo ng produkto. 

Ito ang tungkulin ng mga bumubuo sa sektor ng paglilingkod. Ito ang sektor na gumagabay sa buong yugto ng produksyon, distribusyon, kalakalan, at pagkonsumo ng mga produkto sa loob o labas ng bansa. 

Sa sektor na ito, ang lakas-paggawa ay nagkakaroon ng espesyalisasyon. Ito ang pagkakaroon ng sapat na kaalaman, kasanayan, at kagamitan upang gawin ang isang kalakal o paglilingkod. Dahil ang bawat manggagawa ay may kanya-kanyang espesyalisayon, mas nagiging mura at kapaki-pakinabang ang pagtugon ng pangangailangan ng bawat isa.

Kahalagahan ng Paglilingkod

Dalawang Uri ng Paglilingkod

Mga Suliranin ukol sa Paglilingkod

Mga Batas ukol sa Paglilingkod

Philippine Constitution Article XIII, Section 3 (Katarungang Panlipunan at mga Karapatang Pantao) - Isinasaad dito na kailangan pangalagaan ang mga karapatan ng mga manggagawa at bigyan sila ng mga kamalayan ukol sa mga patakaran at desisyon na may kinalaman sa kanilang karapatan.

Republic Act No. 6727 (Wage Rationalization Act) - Nagsasaad ng mga mandato para sa pagsasaayos ng pinakamababang pasahod o minimum wage.

Republic Act No. 9710 (Special Leave para sa Kababaihan) - May karapatan sa Special Leave ang mga babaeng empleyado na may gynecological disorder na sinertipikahan ng isang physician.

Presidential Decree No. 442, Article 3015 (Retirement Pay) - Ang sinumang manggagawa ay maaaring iretiro sa sandaling umabot siya sa edad na 60-65 taong gulang at nakapaglingkod na ng hindi kukulangin sa 5 taon.

Presidential Decree No. 851 (Thirteenth-Month Pay) - Pagpapasahod sa mga empleyadong nakapaglingkod ng hindi bababa sa isang buwan. Ibinibigay nang hindi lalagpas ng ika-24 ng Disyembre bawat taon.

Presidential Decree No. 626 (Benepisyo sa Employees’ Compensation Program) - Pagbibigay ng compensation package sa mga manggagawa (o sa kanilang dependents) na nagtatrabaho sa pampubliko o pampribadong sektor sakaling may kaganapang pagkakasakit na may kaugnayan sa trabaho, pinsala, kapansanan, o kamatayan.

Transportasyon, Komunikasyon, at mga Imbakan

Republic Act No. 4136 (Land Transportation and Traffic Code) - Ang batas na ito ay naka-focus sa mga probisyon ukol sa pagkontrol, pagrehistro, at operasyon o paggamit ng mga motorsiklo. Kasama na dito ang pagkuha ng lisensya ng mga may ari, dealers, drayber, at mga katulad pa ukol dito.

Pananalapi

Republic Act No. 9160 (Anti-Money Laundering Act of 2001) - Sa pamamagitan nito ay idineklara ang patakaran ng Estado na protektahan at mapanatili ang integridad at pagiging kompidensiyal ng mga bank account at upang matiyak na ang Pilipinas ay hindi gagamitin bilang isang lugar ng paglalaba ng salapi para sa mga nalikom ng anumang labag sa batas na aktibidad.

Paupahang Bahay at Real Estate

Republic Act No. 9653 (Rent Control Act of 2009) - Layunin ng batas na ito na maprotektahan ang ang mga nangungupahan ng pabahay o mga housing tenants sa mas mababang kita at iba pang mga benepisyaryo mula sa mga hindi makatwirang pagtaas ng renta.

Paglilingkod ng Pribado

National Labor Relations Act o Batas Pambansa ng Ugnayang Paggawa - Ang batas na ito ay naglalayong magbigay-kasiguraduhan sa karapatan ng mga empleyado na mag-organisa at makipagkasundo nang sama-sama sa kanilang mga pinagtatrabahuan, at makipagkasundo sa ibang protektadong nagkakaisang gawain o iwasang gumawa ng anumang gawain na nakasaad sa itaas. Ang mga empleyadong saklaw ng batas na ito ay protektado mula sa ilang uri ng pagmamalabis ng pinagtatrabahuan at unyon.

Paglilingkod ng Publiko

Republic Act No. 6713 (Code of Conduct and Ethical Standards for Public Officials and Employees) - Layunin ng batas na ito na magtaguyod ng isang mataas na pamantayan ng serbisyo publiko. Ang mga pampublikong opisyal at empleyado ay mananagot sa mga mamamayan at dapat gampanan ang kanilang mga tungkulin na may pinakamataas na responsibilidad, integridad, kagalingan at katapatan, kumilos nang may pagkamakabayan at hustisya, namumuhay nang mahinhin, at panatilihin ang interes ng publiko sa personal na interes.

Mga Ahensya ukol sa Paglilingkod