Ang Unang Digmaang Pandaigdig

Dahil kaalyado rin ng Russia ang Pransya, nangamba si Kaiser Wilhelm II na mapaggitnaan ng mga ito. Kung kaya, inatasan niya si Konde Alfred von Schlieffen na gumawa ng plano. Pinanukala ng konde na mabilis na sumugod sa Pransya upang agad na pabagsakin ito. Saka pa lang harapin ang mga Ruso na matagal makapaghanda dahil sa lumang sistema nito. Ngunit, upang masakatuparan ito, kailangang salakin ang Belgium. Dahil dito, paumsok na rin sa digmaan ang Inglatera.

Sa gitna ng digmaan ay nagkaroon ng saglit na kapayapaan. Noong taon na sumiklab ang giyera, ang mga sundalo sa magkabilang panig ay nagtigil-putukan at sama-samang nagdiwang ng kapaskuhan. Nagpalitan ng mumunting regalo, naglaro ng soccer, at nag-awitan. Ngunit apat na taon pa ang lumipas bago tuluyang manumbalik ang kapayapaan.

Tumimbang ang pabor ng digmaan sa mga Allies dahil sa pagsali ng US sa kanilang panig. Noong una, neutral lamang ang US. Nagsagawa ng submarine warfare ang Alemanya, kung kaya pinalubog nito ang barkong Briton na Lusitania na ikinasawi ng 100 katao. Gayundin, nadiskubre ng mga Amerikano at Briton ang lihim na pakikipag-alyansa ng mga Aleman sa mga Mehikano kapalit ng makukuhang teritoryo sa US. Panghuli, labis ang pinautang ng US sa mga Allies sa digmaan kaya nais nilang masiguro na mananalo ang mga ito.

Nag-alsa ang mga Ruso dahil sa kakulangan ng pagkain at kahirapan. Kung kaya, bumaba ng pwesto si Czar Nicholas II. Pinatay siya at ang kanyang pamilya upang masiguro ang pagwawakas ng paghahari ng dinastiyang Romanov. Samantala, umangat ang partido ng Bolshevik sa pangunguna ni Vladimir Lenin. Sila ang unang huminto sa partisipasyon sa digmaan sa pamamagitan ng pagpirma ng hiwalay na kasunduan sa mga Central Powers.

Natalo ang Alemanya laban sa mga Allies at bumaba rin sa pwesto si Kaiser Wilhelm II. Sa pagsuko ng bagong republika ng Alemanya, nagpulong sa Paris ang mga kinatawan ng magkabilang panig. Sa 32 na bansang dumalo, nanguna ang tatlong Allies. Si Pangulong Woodrow Wilson ng US nagtalumpati at naglatag ng Fourteen Points upang makamit ang ganap na kapayapaan. Si Punong Ministro George Clemenceau ng Pransya ay nais maghiganti sa Alemanya. At si Punong Ministro David Lloyd George naman ay nais maparusahan ang Alemanya at maprotektahan ang Inglatera. 

Lumagda ang Alemanya sa kasunduan noong Hunyo 28, 1919. Ito ay naglalaman ng mga probisyon:

1. Pagbababalik ng Alsace at Lorraine sa France

2. Pagkontrol ng France sa Rhineland

3. Pagsuko ng Germany sa mga kolonya nito sa Asya at Africa

4. Paglimita sa laki ng hukbo

5. Pagbabawal na bumili at lumikha ng mga armas

6. Pagbayad ng $33 bilyon sa Allies sa loob ng 30 taon

7. Pag-ako na tanging Germany ang may kasalanan sa digmaan