Mga Sagisag at Dokumento

Ang sagisag o simbolo ay isang larawan o bagay na nagpapahiwatig ng isa pang bagay o ideya. Bilang organisasyon ng AP, ang KKK ay nangailangan din ng isang sagisag upang maipakita ang sarili nitong biswal na identidad.

Sa ikalawang taon ng AP club, nagkaroon ng pangangailangan ng logo sapagkat nailunsad na ang Nangyari Noon, Kasaysayan Ngayon noong Hunyo 2019. Upang magkaroon ng profile picture ang Facebook page, isinama sa mga patimpalak ng Buwan ng Kasaysayan ang paggawa ng logo. Bawat seksyon ay nagpadala ng kanilang mga kinatawan upang gumawa sa loob ng isang oras sa computer laboratory gamit ang Adobe Photoshop. Ang naging kampeon ay si Ian Gil Longakit, ang mag-aaral mula sa ika-12 na baitang. Ang logo ay naglalaman ng tatlong bata, isang lalaki, isang may salakot, at isang babae, na nakatanaw sa mundong may watawat ng Pilipinas at tatlong tao sa ilalim. Ito ay may tig-isang sanga ng laurel sa gilid. Mayroon ding mga pantig ng abakada rito.

Dahil sa pagkakamaling na-isave sa jpeg format ang orihinal na logo imbes na png, mahirap gamitin ito kung hindi itim ang background. Kung kaya sa paglipat ng KKK sa online modality, pinasimple ni Pres. John Michel Rami ang logo sa transparent png. Gumawa rin siya ng hiwalay na logo ng club para sa mga pormal na dokumento nito upang mapag-iba ito sa logo ng social media accounts ng Nangyari Noon, Kasaysayan Ngayon. Ngunit hindi ito masyadong nagagamit sapagkat ang template na gamit sa mga dokumento ay standardized galing sa Kagawaran ng Edukasyon. Muling nirebisa ito ng Pres. Georgina Temblique sa mas simpleng disenyo. Ang tanging natira ay ang lalaking nakasalakot sa orihinal na logo, nakangiti, at sa ibaba ay may panyong nakatali na magkakaiba ang kulay: dilaw, pula, asul, at luntian. Datapwat, dahil naipagpalagay na ang AP club ay nagsimula bilang small group sa loob ng SSG noong 2017 kung kaya ito ang nailagay ni Pres. Ramil bilang panimulang taon nito.