Ժամանակակից աշխարհում հասարակության բոլոր ոլորտներում ընթացող արագ փոփոխություններն իրենց ազդեցությունն են ունենում կրթական համակարգի վրա: Հասարակական կյանքի փոփոխություններն առավել կարևոր են դարձնում կրթութ­յան որակի ապահովման խնդիրը: Կրթական համակարգի բարեփոխումներին մշտա­պես զուգահեռվող խնդիր է դառնում կրթության որակի ապահովումը: Տվյալ խնդրին առավել արդյունավետ լուծում տալու նպատակով Խաչատուր Աբովյանի անվան հայկական պետական մանկավարժական համալսարանը Ֆինլանդիայի Օուլուի համալսարանի պրոֆեսորադասախոսական խմբի հետ համատեղ հանձն է առել որակի ապահով­ման ձեռնարկի ստեղծման գործը` հաշվի առնելով միջազգային լավագույն փորձը: Սույն ձեռնարկն անդրադառնում է ՀՊՄՀ-ում կրթության որակի ապահովման գործըն­թացի կազմակերպմանը, իրագործման քայլերին և ենթադրում է շարունակական վերանայում և զարգացում:

Որակի ապահովման ուղեցույցը նախատեսված է կրթական համակարգում ներառված յուրաքանչյուր սուբյեկտի (ուսանողներ, պրոֆեսորադասախոսական անձնակազմ, վարչական աշխատակազմ և այլն) համար, ով մասնակցում է կրթության գործընթացին և պատասխանատու է կրթության որակի համար:

Որակի ապահովման ուղեցույցի հիմքում ընկած են ՀՊՄՀ-ի առաքելությունից բխող հիմնական ռազմավարական մոտեցումները և ՀՊՄՀ-ի քաղաքականությունը: Որակի ապահովումը սերտորեն կապված է կրթության արդյունավետ կառավարման և ղեկավարման հետ:

Ուղեցույցին ծանոթանալու համար սեղմել այստեղ