ՈԱԱԿ-ՈՒՄ ՏԵՂԻ ՈՒՆԵՑԱՎ ՀԱՆԴԻՊՈՒՄ ԴԱՍԱԽՈՍՆԵՐԻ ՀԵՏ
Մասնագիտական կրթության որակի ապահովման ազգային կենտրոնում (ՈԱԱԿ) ս.թ. մայիսի 15-ին տեղի ունեցավ հանդիպում մի շարք բուհերի որակի պատասխանատուների և երիտասարդ, ստեղծագործ դասախոսների հետ։
ՈԱԱԿ տնօրեն Ռուբեն Թոփչյանը ողջունելով հանդիպման մասնակիցներին՝ նշեց, որ նման հանդիպումները պարբերական բնույթ են կրելու: Նպատակը քննարկումների արդյունքում իրենց աշխատանքը և արդյունքները հետազոտող դասախոսներին բացահայտելը և լավագույն փորձը վեր հանելն է, ինչպես նաև փորձագիտական բազան համալրելը:
Ռուբեն Թոփչյանը հանդիպման մասնակից դասախոսներին ներկայացրեց ՈԱԱԿ փորձագիտական բազան՝ մատնանշելով փորձագիտական աշխատանքի առանձնահատկությունները և փորձագետին ներկայացվող պահանջները:
Ծավալվեց մասնագիտական քննարկում և կարծիքների փոխանակում կրթական ծրագրերի և կրթության որակի բարելավման վերաբերյալ: Դասախոսները հնչեցրեցին նաև փորձագիտական աշխատանքի վերաբերյալ իրենց հետաքրքրող հարցերը:
ՀՊՄՀ-ից հանդիպմանը մասնակցում էին․
Կրթական գործընթացների կառավարման և բարեփոխումների վարչության Կրթության որակի ապահովման և կառավարման բաժին
բաժնի պետ, ֆիզ․-մաթ․ գիտ․ թեկնածու Մարիամ Գևորգյան
Օտար լեզուների ֆակուլտետ, Ռոմանագերմանական լեզուների ամբիոն
գիտության և միջազգային համագործակցության հարցերով դեկանի տեղակալ, բան. գիտ. թեկնածու, դոցենտ Անի Սահակյան
Մաթեմատիկայի, ֆիզիկայի և ինֆորմատիկայի ֆակուլտետ, Տեխնոլոգիական կրթության ամբիոն
տեխ․ գիտ․ թեկնածու, դոցենտ Սոնյա Վարդանյան
Կենսաբանության, քիմիայի և աշխարհագրության ֆակուլտետ, Աշխարհագրության և նրա դասավանդման մեթոդիկայի ամբիոն
գիտության և միջազգային համագործակցության հարցերով դեկանի տեղակալ, աշխ. գիտ. թեկնածու, դոցենտ Ներսես Սամվելյան
«Կրթության որակի ապահովման ազգային կենտրոնի կողմից կազմակերպված հանդիպումը հնարավորություն տվեց ծանոթանալ հանրապետության երիտասարդ դասախոսների և հետազոտողների հետ, լսել կարծիքներ կրթության որակի ապահովման մեխանիզմների վերաբերյալ, ինչպես նաև տեղեկանալ հավատարմագրման հետ կապված որոշ խնդիրների, դրանց հնարավոր լուծումների և կենտրոնի հետագա գործունեության վերաբերյալ: Հանդիպումը իսկապես արդյունավետ էր, քանի որ թույլ տվեց անել որոշակի բացահայտումներ այլ բուհերում տիրող իրավիճակի, որակի ապահովման մեխանիզմների վերաբերյալ: Հանդիպումը նաև միտված էր ապագա փորձագետների բացահայտմանը, ինչու՞ չէ, նաև դեպի կենտրոնը հետաքրքրության անտիվացմանը», - նշում է ՀՊՄՀ Օտար լեզուների ֆակուլտետի գիտության և միջազգային համագործակցության հացերով
դեկանի տեղակալ, բան. գիտ. թեկնածու, դոցենտ Անի Սահակյանը։