«Սոցիալ-մանկավարժական նորարարությունները կրթության մեջ» գիտաժողով

«Սոցիալ-մանկավարժական նորարարությունները կրթության մեջ» խորագրով ուսանողական գիտագործնական գիտաժողով

Հարգելի՛ ուսանողներ,

Խաչատուր Աբովյանի անվան հայկական պետական մանկավարժական համալսարանը կազմակերպում է Ուսանողական գիտագործնական գիտաժողով՝ «Սոցիալ-մանկավարժական նորարարությունները կրթության մեջ» թեմայով, որը տեղի կունենա 2020թ. ապրիլի 28-29-ին:

Գիտաժողովին կարող են մասնակցել ՀՊՄՀ-ի բակալավրիատում և մագիստրատուրայում սովորող բոլոր ֆակուլտետների ուսանողները:

Մասնակցության հայտ

Գիտաժողովի նպատակն է՝ խթանել ուսանողական գիտահետազոտական աշխատանքը, բացահայտել ուսանողների ստեղծագործական ներուժը, զարգացնել ուսանողների և դասախոսների միջև ներբուհական համագործակցությունը, հասարակության ուշադրությունն ուղղել ժամանակակից մանկավարժության հիմնախնդիրների վրա:

Գիտաժողովի խնդիրներն են՝

1. Մանկավարժության արդի խնդիրների քննարկում,

2. Սոցիալական մանկավարժության, դասավանդման մեթոդիկայի, մանկավարժական հոգեբանության ոլորտներում իրականացված գիտական հետազոտությունների լուսաբանում,

3. Մանկավարժության զարգացման հիմնական միտումների, արժեքների և հեռանկարների վերլուծություն:

Ուսանողական գիտաժողովի ուղղությունները՝

1. Մանկավարժական մասնագիտական կրթության զարգացման միտումները՝ այսօր, վաղը:

2. Ապագա ուսուցչի մասնագիտական կոմպետենցիաները:

3. Մանկավարժական գործունեության կազմակերպման նորարարական սկզբունքները և մոտեցումները:

4. Դպրոցում կրթական միջավայրի նախագծում և ձևավորում:

5. Դաստիարակչական աշխատանքը կրթական համակարգում:

6. Սիներգետիկան որպես հոգևոր-բարոյական դաստիարակության նոր ուղղություն:

7. Մարդաբանությունը որպես մանկավարժական ռեսուրսի պահպանման և զարգացման ռազմավարություն:

8. Մանկավարժությունը և տեղեկատվական-հաղորդակցական միջավայրը՝ որպես նոր հնարավորությունների աղբյուր:

9. Սահմանափակ կարողություններ ունեցող սովորողների ուսուցումն ու դաստիարակությունը:

10. էկոլոգիական ասպեկտները արդի պայմաններում:

11. Մանկավարժության պատմությունը ժամանակակից կրթության համատեքստում:

Գիտաժողովի լեզուները՝ հայերեն, ռուսերեն:

Գիտաժողովը անց է կացվում առկա ձևաչափով.

Ովքեր ցանկանում են մասնակցել (գիտական աշխատությունների էլեկտրոնային ժողովածուի մեջ հրատարակմամբ), իրենց հոդվածները պետք է ուղարկեն էլեկտրոնային փոստով (stud.conference2020@gmail.com) մինչև 2020 թվականի Մարտի 25-ը (ներառյալ):

Հոդվածները կարող են ներկայացվել ինչպես ուսանողի անհատական աշխատանք, այնպես էլ համատեղ՝ գիտական ղեկավարի հետ:

Գիտաժողովին ներկայացվող հոդվածների պահանջներն են.

· Հոդվածների ծավալը՝ 4էջ, թերթի ձևաչափը՝ А4, շրիֆտը՝ Sylfaen, տառաչափը 12, միջտողային հեռավորությունը՝ 1,15, ձախից` 2 սմ, աջից` 1,5 սմ, վերևից` 2սմ, ներքևից` 2սմ:

· Հղվող գրականությունը քառակուսի փակագծերում`[12, էջ 2]` տառաչափը 12:

Նշված պահանջներին չբավարարելու դեպքում գիտաժողովի կազմակերպիչները կարող են հոդվածը չընդգրկել տպագրվող ժողովածուում:

Ուսանողական գիտաժողովի արդյունքների հիման վրա կհրատարակվի նյութերի ժողովածու՝ ISBN, УДК, ББК ծածկագրերով: Ուսանողները կստանան վկայագրեր:

Մասնակցությունը գիտաժողովին անվճար է:

Գիտաժողովին ներկայացվող հոդվածի ձևանմուշ՝

Հոդվածի վերնագիրը` մեծատառ, տառաչափը` 14 /BOLD/,

Ուսանողի ԱԱՀ, կուրս, բաժին, ֆակուլտետ, համալսարան, քաղաք, երկիր

(ղեկավարի առկայության դեպքում՝ գիտական ղեկավարի ԱԱՀ, գիտական աստիճան, կոչում, ամբիոն)

Ամփոփում և Բանալի բառեր (հայերենի հոդվածի դեպքում՝ միայն հայերեն),

Հոդվածի բովանդակություն /տառաչափը 12/,

Գրականություն /տառաչափը 12, BOLD/,

Լրացուցիչ տեղեկությունների համար դիմել՝ ՀՀ, Երևան, Խաչատուր Աբովյանի անվան ՀՊՄՀ, Տիգրան Մեծի 17

Հեռ.՝ +374 10 59-70-47

Email: stud.conference2020@gmail.com

«Մանկավարժության» ամբիոն՝ գիտաժողովի կազմակերպիչներ`

1.Մինասյան Սվետլանա Միքայելի, մ.գ.թ., դոցենտ (հեռ.՝)Whatsapp:Viber:+374 091477050

2. Հակոբյան Աննա Աբուզետի, մ.գ.թ., դոցենտ (հեռ.՝) Whatsapp:Viber:+374 93199955

3. Բաղասարյան Արմինե Աղվանի, մ.գ.թ., դոցենտ (հեռ.՝ 043 051020, 094 72 95 78)