Duxdng
Qongxx si duxdng
dirr lautuijanr siy’ gu
m si samsii-gorjun
Cutsiur daudyr
qamxx tangx
dergak tendongg u siy’ tangr
jit xee dirr saix vingg
jit xee dirr dangx
2003. 10
Dosuquanw
Buxqiab :ee
dirr hitt vingg bin dingw:a
jing’air :ee
dirr jitt vingg siongrr xe jann
Nng siangx bagjiux caw beh sigsai
au jua
ngua jit xee kiwbi knuar mai
2003. 10
Kangcuir
Dicbeh siucuir :ar
iauxx iux iux aw tniar
ix ee ciywiongg si siong’iyc
Jaw dyrr siuqenx ar
u ix ee knuawqor
dna’ jit hunx jit biyw
Dirsii quah jitt kangx?
Ix ham’ langg qniaa siy’ uaw
hro gunw ngiaw .diyc
ho dit tinn hitt qangx
2003. 10
Pywqongx
Brang Liw jiujuann
sewsioglangg
snax qangx jerqimr
jniaa
Ham’ nngxliyc byy dirdai
dongr byy jit zit
duiwdik buxkir vaii qui’ vaii
cuiwdunn ju’angg
taujangx cingpangx
bagjiux qnaa juiw
vutqaix
2003. 10
Q & A
Qan’ qan’ aw beh jai’ngiaw jex
bagjiux zuarr dua luiw
pni-aw dog iacc naih
cuiwkiw qamxx u vec
Beh jaix :ee qandna’ jiax :ee
cur druar dyclyc
hniamue-aw quiw xee
liahgua :ee
ix ee sinquann
ix ee nihuer
2003. 10
Qiwliamrzit
Co’ sigsai hitt zit
lyc sab sab aw ho
si Sir-guec-tnix
snax nii jingg ee qiwdii
Kiyh vng’axhiyc iog dirr snualun
tauu vaiw
ciuw ham’ ciuw qaudnii
dikkag si vaiwzi
Qongw ix ee simjingg
byy ir aw byy ir
duw-sii-duw-jun
tnidingw jit jua king
Gunw ee zidjir
dagg dniux angg :ee
huanrnarr ix dirr sinvnix
2003. 10
Siokdee
Sniu ix snax vxenr
ing’amr ee siokdee
sniaw langg pah diamxsor
tingwhau siaw hyxser
Qamxx e iawsen
jahngx :ee
binaxjair qycc liu
Hnair tauu et ciuw
rinr qongxx
“Be be be”
2003. 10
Tamwjingx
Binrbew byy singg
m si ciuxjiog jiwcinx
Jit qxur laii jit qxur kir
be si co’ qniwbin
Taujangr giuw be uaw
quat’ir qringx kauxqingx
binaxjair jingsinn
2003. 10
Tendongg Siarkux
Quer qiyy tauu jam
lyc ciax
vaiwid qaur vaiwlak
Snaqaktangx ee huex-dxiamr
muiquir pac’mm
huwquiwhuex dng’ kuix
nijnii-kauw ee ngir-aw
siangx siangx duir duir
cinjniaa qamxx u qongw dnia
Dongqax ciyr bunw bunw
lordng asangw hingr hnaix quax
u ix ee kaziah
Tendongg
soxjai ee miaa
2003. 10
Bang
Qamguan
venr jyr ree
ix qniaa qaur dyhh
gunw duer diauu diauu
Qamguan
venr jyr zidqir
ix ee viwbit
gunw jaix taur taur
Qamguan
venr jyr niaux
hnuahiw
cingsimx
qodnuax
siongjingg
vutquanxsii
qux dirr ix kadaux
2003. 11
Cunqiux
Tingwhyw kar dernue
vaiwid qaur vaiwgo
ix e zin did sniax
gunw e qir did hyrbew
Citniumaw Snex
byc did siy’ cue
iauxx bue virvan hyxser
2003. 11
Diyhvne
U tniax diyc miaa
henrhen
byy hrunn byy ngiaw
Hiamr jit sniax
zet hueh py simx
qycjaiww jit sniax
huanwqingw
dirr binrtaujingg
Sensnix ongxjinw
bagjiux acbuew
hni-aw dairsingx
taukag
iog vnerngi puawvingg
2003. 11
Dnawtauu
Jriog liw hingrhog
narr u cue diyc pnua
quewkir junw duw suah
Kacc juvix lehh
diyhh dng hro li
Kacc hyw simx lehh
mair hro gunw jaix
tongxsuw liw iurqycc qodnuax
Byy air qycc pnai dang dnar
Qamxx urngiaw
liw mng :guaw
qnaxx diyhh jiuwsiw-jehjua
2003. 11
Dniudanw
Diamw vnuar kiamr go hunx
ciuhongx lingw sngwsngr
ix ee lortauu hng
Qiuwhorciax ee sniax hiangw jnriu tnix
lairdew ee huanrjiaw jirjui
jinw
nng diamw u cunx
Ciuxqix-aw byy den
siviyw byy junw
tingwhau
jitt sii jniursngr
2003. 11
Hamwqniar
Liac gunw qimx qimx knuar
si jik'uanr?
si tniawtangr?
Hamwqniar cniaw .laii
ix ee simsux hongr dua dua
berdid siausiamw
erdid jauxjuac
2003. 11
Jit Qxur Ue
Dogdok jit qxur ue
qandna’ jit qxur mrbenw je
sizit
renn qycjaiww renn
cenn qycjaiww cenn
Ix ee viwsur
gunw ee dingxjinx
juerquar
sniaw langg :ee kinx
2003. 11
Kuaiwlok Ciuxjicpo
Giac vid
jyr uiqir
huanrnarr hnuahiw :ee
jit diamw jit dih
Duxgu ee bagjiux
E-MAIL laii laii kir kir
ciuw qapp ciuw ee qauvuee
pnri diyc ix ee pangbi
Jitt iac
kangx juaw vec zri
jahngx
byy kunr qaxx jit diamw binn
jyzit
byy qnir diyc ix ee bin
2003. 11
Meqag
Si anwjnuaw diyc?
dongrsuu byy duiwdangg
hing’iongsuu byy je
qamxx e
qinsiok
juxsuu qingw m driyc xee
“Liw tuii”
“Liw iaxbew”
simqnuax qapp vid siy’ qec
2003. 11
Siongr Mia
Jitt sniax kir
si oimtnix
iacc tangx qnir diyc zit
Qamxx u siy’ iwair
lyhbuew qamxx u birlaii
Senx :ee samwsux
hyw :ee pnaiw :ee
quer bun
ue buerjingg qongw cud
2003. 11
Siudangx
Bagsaiw cuttauu
venrnarr cxiux qaur
Uirhyy laii kixdir
qongxx
cinwcaiw hongx laii
Damrjuiw Hyy kiw ziauhunn
ciurhiyc beh li qix
Inhyy laii siongvix
qongxx
jit zit dngg lyxlyw
sinkuvnix byy ix
Qinnii
bagsaiw iuguann dua cud
u qauwjuiw ar
caixsiux ee langg jirjui
2003.11
U Ix
Dycc jit xee
kacc suiw
kacc kiauw
kacc qoxjuix
kacc lingxli
laii qyc
beh vixping
Sinwsimx lrak dirr ciuw
gunw ee kywsnuax
ix ee ingwsingg
2003. 11
Vxangx Hnua
Sniaw langg jiacc kokhingg
diau’iwqor vangr jitt diauu quax
bagsaiw koxlendai
sen’ dih dy’ be suah
Beh qimr
banrcniaw si
satsimx
jyr jit vaiw vxangx li
2003. 11
Zit qapp Xia
“Jyr guaw ee pnua”
liw qongw
dnaxx dyrr
benw qycc bih amrniaux
benw qycc jauw siy’ ziog
junxnarr lanw
simqnuax u hnua dnia
“U sniu tongtyr bor”
guaw mng
liw
dirr zit .sii ciydiyy
gunw
dirr amwsii cnia’ngia
dirsii jywduix
qacpah
2003. 11
Buanxcunx
Mair hiamm gunw byy qraur jingqongx
pah m qnir ee aiwluann
naxx cniurr
dirr 1990
Mair uanr gunw byy qraur siyly
qenvingx ee simqnuax beh rngiuu
hangloo
he dirr dyclyc
Be kamx did qycc congxvong
u diwqag :ar
liw sxiab-id
gunw sxamx-go
2003. 12
Cexvaiw
Dyrr qaur jiax suah
si’angw qiyr ix
lensiysuar snax qangx
jit tongx denrue dy’ byy kar
Dyrr qaur jiax suah
si’angw qiyr ix
qui’ lexvair byy hiyh
qiauxcaw gunw ee kunwbinn
jakjy gunw ee sinqingsnuar
Quatding dniardiyc
qaur jiax junw suah
si’angw qiyr ix
u naxx byy ee ganxsinn
kiaukow gunw ee iwjir
an’ jrunn .nii qaur dnaxx
2003. 12
Huatzet
Qniax qnuaa
diyhh uahdang
Jyrjog
diyhh u qabjiac
Qesix vah vah kuanw
dorjiamx
vutquanxsii tingww qniaa
Tewsiyx
sen’ m tangx
Huelingw
gunw simx hangrdang
2003. 12
Jaiqair
Ix
jin’ jaix siongx langg ee simx
qnaxx u knuar cud cud
siongsimx
lanw uiid ee qiamm sngx kow bi
Jiac dok ee langg :ar
lanw qangg jingwtauu
iwjir si qimdanx
beh tunx bue?
qycc an .jit .zit
2003. 12
Qiwdii
Diyhh sryw lehh
iacc vangwvuex
dnix :ee
qiamm :ee
sngx :ee
siab :ee
qiwdii ee cikcngx jiyxmuaxkueh
Damrvyc aw m qramx
katqinx
diyhh crann crann cer cer
2003. 12
Qiyh
Uervo tingwhau sig
piano tingwhau quakig
horjuiw danw diyc oimx beh dua puah
huan diyc honglong
unsunn ee simx
kavo jauxjuac
Kow cud hiw cud vutciangjai
jit siwlangg pacsngr jit vaiw
diyhh vnuax
2003. 12
Qunxlingr
Si kyxgiam
iacc cuxdi
e vuac lyc cimx knix
iacc tangx vreh jnriu tnix
Bagjiux kiw en’ng
ciuxqud binrjingg quer e liamrqong
vecvag
dirr jinr qapp trer ee limxqnii
2003. 12
Rimokong
Cuanxkuir sriu ix inxtua
kaciuw sriu ix inxcua
byy dniudii
cutzip ix ee quanxkux
Henrsii qamxx u decc knuar
byy qangai
u byy longxx be knuawuac
2003. 12
Simx-Mec
Jahngx
iauxx dirr Kenia
qinaxzit
sangr gunw qaur Siberia
Qajair
simqnuax iongxqnia-q.
qnuaa zuac jyww liw
taubuew
ciangjai cid-jap-zi sniax
2003. 12
Snax Sniax Bunai
Dikkag jyr erdid qaur
qniaa quer hitt xui
gunw be qycjaiww uat tauu
Quanwsir ~ :ar
venrnarr hitt sii
gunw be qycjaiww tingwhau
M si tiau’iwqor
narr dirr bang nirr siy’ duw
cniaw liongrjingg :gunw
jului qimr be diauu
dirr bagjiux vreh qimx liauxau
2003. 12
Uac lehh
U jit jiongw ciywiongg
qiyr jyr jiahsit
U jit jiongw pangbi
hy jyr kongkir
U jit jiongw puex
sen’ tak dy’ be iar
henrduxhen
dew dew byy quiw zri
U jit jiongw dionglangg
miaa qiyr denrue
dagg amr
dagg zit
kanx hitt xee sniax
zip gunw ee hni
2003. 12
Aiwjingg Kuitiah Sxaix
Jit vaiw kandnii
ngua qui’ lexvair ee sniusix
qamxx tangx qycc siy’ qnir
cingxqaur :liw
Jit vaiw duix-jxingg
drir qaur qui’ sinkux siongx
au jua he qamxjingg
diyhh cenw iacc cimx
cniaw jixsi
Bunrdee qaiww suwsiongg
taixtyw liw
hmc hmc m jyr sniax
2004. 1
Anhiyczit
Lexvair
benw jycsid
gunw duiww ix
simx simx liam liam
jit nii
snax-vah-lak-jap-go zit
Qiuwsiok
ix hnuarvnuaa
tauxvangr
sriok dirr guaw
2004. 1
Dorjiauw
An’ inx qowhiongx kixdingg ee larvuex
qamxx juanqangx laii beh qauvuee
cincniu dongcox ix
vutsamsii laii decc siy’ cue
An’ inx qowhiongx kixdingg ee larvuex
byy tangx hro gunw lauu
sur gunw sidqow jit duir
jnxir ho dux hongx
qamguan duer ix jauw
Dorjiauw ar
liw vuex dirr tnix
gunw druar dirr de
muanii jitt sii
qamxx erdangr qycjaiww sionghue
2004. 1
Juerkuex
Gunw ee qamxsiongx
buanxqnii
duxcenx
siyxsuad ee qetqiok
ham’ lanw ee
cancniu
Gunw ee sniusix
qaur qik
cauwkamw
jit xee aurhingg
ham’ liw ee
qangg ngiu
Bagjiux ee juerget duw tnix
pnuawdnia jit siwlangg
qiawjue snax nii
2004. 1
Kiamwkueh
Jenwsu
jitt dniuu beh ngiaa
benw ing dyqiamr
Qngwvid cuann ven ven
kuidid
vingw laii vingw kir
zirdenw byy siaw
Iong simx tniar mia mia
cuir qongw be did si
denrqongx jiyr .lyc
gunw ee simjingg
qniar qniar
2004. 1
Kuanxkiyh
Siongwpnir
jit tac jit tac
puebunn
jit jriw jit jriw
si vunwsyr
si vyxmic
diyhh quer srunn
hetqak jinwjingg
Sriok dirr ix :ee
dagg hxang siycliyc
dy’ narr baiw juaw jit zri
2004. 1
Dua Sejngx
Tangx iong vid
qra ix jrngx hro suiw suiw
qniawap-aw u drew qiwdii
lairdiongx qewqer
hnuahiw
dnibit
Uana qauwgiac :ar
jaix himsiongw :ee
uerqax qaqi
2004. 1
Simx Bun ee Sii
Dirr langg laii laii kir kir ee qonghngg
sniu :ix
vanrpuex
ix uaw laii sinkuvnix
byy-dniu.-byy-dii
Dirr buanxjy ee kectniax
sniu :ix
duxciang
tee kiw hitt xee miaa
m si tiauqowir
Dirr vnuawmii aw snax diamw
sniu :ix
qamxx e
ix ee quawdiaur
uana dirr jitt xee sii
2004. 1
Siujongmic
Kiyh ix ee ciywiongg
liac ix ee bagsig
m hyw lauwqaux
qiwdii ee jinsniax gauu drew
Qamxx uirr lanw dingrjyr :ee
vutcab
gunw ee siujongg siongrr je
2004. 1
Vniawdng
Dowqi
kinghunx
uanwceh
caigii
qui’ nidangx ee uwuer
jyr jit vaiw cringx hro li
Diyhh u baixvor qapp vunwqix
si ix qriaux tngg ee uergiw
si ix camx bit ee puesinr
2004. 1
Virvan
Cuann jit jiongw simjingg
lo-tauu lo-buew siy’ duw
simjong
be ciak ciak diyy
Cuann jit jiongw viauxjingg
nng langg siy’ duiwsiongr
bagjiux jaix dngxlunn
cuiwqag bacbunw ciyr
Cuann jit qxur ue
tehtauu qongw cud cuir
ix tangx jiapsuar
lanw be gairgiyc
Cuann jit xee kutser
qycc jit vaiw
et ciuw qongw jaiwhue
iuguann
ix knuar be cud gunw ee aisiongx
2004. 1
Vongrjiamx
Bagjiux junw vongrjiamx
tauwjaw tauwamr
vrong ix kuaiwlok ee zeddo
Qnuaa zuac longxx e siy’ uer
jitt jun quiw dxo
diyhh cing hro siyx
iacc cing kacc vyc
2004. 1