Daiuann cud
a'Qair Sangr
Derr Id Qxingw
Gemngg
(D: dairzinn, V: vyxjniar)
V: Sioggixue decc qongw, "siy' niu jiac u cunx, siy' cniuw jiac byy hxun." Juann brang linw ciuxser giac quann quann, vangr bak jitt kangx hro guanw juanw.
D: Gunw si lauw vaii lauw zirhy, linw si jitquw jiacc qongxqyr. Kongkamw m jaix jangw, sii qaur, linw dyrr trngr kor kir langwqangw.
V: Linw dertauu dua, soxjai kuah, cirdniuu vunx guanw jyr .quaw, si e qaur anwjnuaw?
D: Linw ve qan' qan' aw be genr. Beh air dangsenw, zip gunw ee qeqah, sizit m tangx cenn.
V: Taiwkongx sidai, sokdo vniar ping kuair, bylun beh hyw iacc vangvai. Qyxjiab, kiwjuiw, dng' cniuxci. Oliongg, dangwdingw, banrvutzi, diyhh ho'ngg kiwsag lag jit vnix.
D: Siw liaulyy, hyw dua dnaw dirr jiax decc ciongqongg. Kiongxhad, hacser, gunw vunxjnii cox. Uwjuad vuttongx qig kror kror, cunvan liw sniwmia byy air qor. Langg laii ar. Voxtauu suhau.
(Vyxjniar ho'ngg cah lehh tuax .cud .kir. Aiqiyr-sniax.)
Derr Zi Qxingw
Qongtniax
(B: a'Bunn Senx, P: a'Pow, A: Anlok Qongx, D: Dua Tauu, Q: a'Qair, T: a'Too)
B: Qnaw kuix vngrdiamr, dyrr m qniax langg' dua jiac. U ue jueww linw qongw, benw kuawlu, benw sewzi. Dag'ee dirr jiax vnii jerkia. Byy lun hyxgiac-sanr, m quanw laursiamx iacc iuwjniw.
P: Jairjy ee sirdua, jiongww hniajew, guaw u quiw qxur ue, jik'ud dirr simqnuadew, byy qinw siautauw, qinxjuahban e puawvne. Lanw cunn tenliongg qongw, narr byy a'Bunn Senx siwqer jauxjyh, qinaxzit, lanw byy jaidiau dirr jiax lrui-qow-kaux-jxingx. a'Bunn Senx, liw ee qonglyy kacc dua tnix. Cniaw unxjunw siyxdi dairviauw jingwlangg qra liw diwir.
(a'Pow kia .kiw .laii, hiongr a'Bunn Senx qniaa dua lew.)
B: Kixqamw, kixqamw. Siyxdi siurdongx be kiw. Qongw .laii uanaxx qenwsiaur. Linw dag'ee byy kiwhiamm, ciamqiw siyxdi jyr juxcii. Quewkir jitt snax guehzit, taubuew, dyrr dna' cud quaw jniginn, cud quaw ladjuiw. Dersow kacc pnaiw ciaucue laii qongw, dyrr siwqer kir tamwtniax. Qajair tniqongveh :a u vyxvir, duxduxx jitt xee derdniuu sriok dirr siyxdi jit xee jikveh hingdiongw, kiarr mirsnuawcinx. Byy siyh binrpuee, hyw dnaw qra tyw jit xee zinjingg. Ix jit sniax dyrr rinw :ar, jin' cangcer, jin' asali.
P: Jitt dxauw, dag'ee sngr vrng liw ee hokkir, juann si liw lang'enn taiww hyw soxx drir.
B: Byngiaw, byngiaw, si jingwlangg draur siy' qing. Dnaxx, qex ue benw qongw. Dingqir derr id huanhy, Dikcamr ee Anlok Qongx. Cutcniaw liw giac tauu cingr, dux tauu hongx.
A: (qnuaiw-aw tuh lehh qniaa kir daii-aw-dingw, jit vo jit vo unliauu aw si.)
Laurhanr huewtauu veh-jap-sir, kuix bak iauxx m bad knuar quer jitt kuanw qxingw, simlai hnuahiw qaxx be qongw did si.
(kamsaur nng sniax)
Guanw laurve jairsnix ee sii, ciangjai u qra guanw hniadi-aw qongw kiw, qongxx "Dee si lanw ee qindew. Byy dee, dyrr byy lanw jitt qehuew."
(qycjaiww knec)
Guaw dirr dejangg erkax cutsir, qui' vnuar siwlangg dirr desnuax decc nuar. Sirduarlangg vangr ee qanghux, bylun banw dee iacc jingr dee, jit diamw jit duh, m qnaw vangr hetqak; jit qxur jit zri, longxx jiokk qiwsimx.
P: Angki hyw jiac, diyhh jaix an' dyhh kixdir. Jitt jun ee siauwlenqex longxx cenw vakdngg, bacbak knuar byy snax cunr hng. Dee jid'err kacc crinr ci, vutsii dy' iauvaxcaw, qongxx dee mair limx, qiyr lanw qaiw limx qavix.
A: Si dyrr driyc m. Hiamm lanw qoxloxsogqow, urngiaw si u hyw m bad vyw. Lanw qecviah jngx, knuar dee naxx qimder, jngx-tauu jngx-buew dng' huatcaiw, byy langg decc ciangwsuex.
B: Anlok Qongx pacsngr u tniax diyc hnirhongx. Lanw qinaxzit ee langkeh, duxhyw qecviah jngx jairde :ee. Ix miaa hy jyr a'Qair, langg iauxx jin' siauwlenn, dairjir bad tangr haiw. a'Qair Sangr, cniaw liw jnriu daii huntiah, dee ee circauw, dauwdew knuar hyw iacc suevai?
Q: Lanw jiax ee hurlyw hniaqyx, siyxdi sriu a'Bunn Senx soxx iongtog, jit jua lo juanqangx laii qaur quir dersow. Guaw byy decc bre qy'iyc, marr m si decc huah iyx. Jitt quiw dxangx, jit siwqer kir qniadac, jiurr guaw soxx knuar, qavix viw did dee, cirdniuu u kacc kuah. Jex sursit, marr si siser. Dag'ee m hyw qycc siy' jner. Liac qavix jyr iyhdok, sidjai u kacc vutlokvutsog.
D: a'Qair Sangr qongxue jiokk u vinsinr, jniawqangw si tagceclangg cutsinx. M si guaw decc kuakauw, jairha uanaxx lamvag nng lo qniaa taur taur. Qaviquanw, bylun dyc'ui, henrvo si jit qingx suawjiab jit qingx. Guaw tangx jyr gni qanjingr.
T: Qiyr guaw dee mair limx byy dnaxqinw. Kacc camw hiaxee jycsitlangg byy siaxsir. Inx byy der juanxjiac, lanw juerquar duw tnix.
Q: Dairjir byy qaxx jiacc dua diauu, qongxue m tangx yc hausiauu. Linw tobah vuii, jingwjyh qanghux marr be baiw. Qacc inx kap be diyc dyrr beh pah qapp beh taii, debiw jiamrsii vangr lehh, qinw qinw suaw jxaix yc jingr qavix, qamxx byy kacc sidjai?
T: Qavix qacc u jiacc siqniaa, taixtyw linw iuguann deciu qui' snuapniaa? Liw ue qongw u dahtut. Guaw sen' sniu dy' be ted, simtauu luan huthud.
D: Jitt xui siauwlenhniax, qongxue qaiww dangxhniaw. Liw diyhh yc guaw qapp a'Qair Sangr, siwqer knuar, siwqer qniaa. Tingwhau snax nii quer, liw kuix cuir qongw, guanw ngar hni tniax.
B: Dag'ee m tangx pnaiw bin siy' knuar. Linw qongw :ee qeww iuxdiauu-iuxdnua. Lanw jitt jann qaur jiax suah. Linw binrjuw jyr hro :guaw.
(Jerje dimr tauu qra ylyw. Jingwlangg pah pog'aw qra janwsingg.)
Derr Snax Qxingw
Jiahvngrtniax
(D: Dua Tauu, B: bow, H: haursnix, Q: a'Qair)
D: Bah diyhh gneh, cair diyhh puer. Ing'amr longxx guanw kanx:ee ee ciuxlorcair, dagg hxang liw dy' rair cir knuar mai.
(Dua Tauu gneh cair hro a'Qair.)
B: (bow cuir ngx lehh uaw angsair ee hnikangx-vnix)
Knuar ix naxx viachow, hud qaxx jiacc hiongqongg. Qnaxx si lanw ee liaurliw e kuix vii, ix jit cuir suar jit cuir.
Q: Snax xee vnuar ciuw, cuann qaxx jiacc duarlai. Oksangr gauu juxjiac, ciuxlo be sux vngrdiamr dyjixsaix.
B: Qamxx urngiaw? Liw diyhh urngiaw jiacc tangx qongw, m tangx congwdi guanw cauxdersongg.
Q: Guaw qongxue dit duw dit, m bad qapp langg yc tiamxmi. U qxex, u ah, u hii, u bah, byy jiuw jyr puewtauu, bycaiw linw jit dyh vran qaxx jiacc cnecaux.
B: Siyjiuw ven ven cur nirr u, knuar si beh hnaiwtau'aw iacc bilu.
D: Jaboxlangg jin' gongrdaix, u :ee berhiauw jongw qnrua .laii. Banrdun kaciuw syy, langkeh kixmox baiw.
(bow sui' uad zip kir jauwkax)
Jitt xee guanw haursnix, jre dirr guaw qecviah xui. Ceh e tak, pinxhing hyw, duiww liw jiokk qamxhok.
H: Guanw daux m si lau qenwqow, laurve laurbuw jiokk kaitongx. Debiw siux .kiw .laii ngua limx qavix, vutquanxsii longxx hyw, guanw duer e diyc sidai ee kavo.
Q: Qui'ee ngua jingr qavix iauxx m si sii, debixdee iarr diyhh bongxx limx jiacc si. Qavix limx je e kunr be kir. Dee qyckacc lirhai marr ham' ix be viw .did.
H: Debiw beh jxaix, diyhh kir jyr langg' ee denrho. Dyrr jitt vo decc baixjaii. Liw iarr m si decc m jaix.
Q: Qux langg katuiw-vnix, tanr qyckacc je iarr byy liauw sii. Diyhh tniax guaw ee cuir, dikkag qapp inx li li hro kuix.
H: Qiyr guanw dee m tangx dng, iurqycc rair guanw qapp inx li kacc hng. a'Qair Sangr uerir cimx longwlongr. Buanxvuer vaklai byy qyx. Liw qongw, guaw vutdongw.
Q: Tniax uertauu, diyhh jaix uerbuew. Sen' qongw dy' be cunciax, bycaiw guaw koxsimx iong jiacc je.
D: Sitlew, sitlew. Ginxaw byy qawsi, crig diyc liw ee ir. Jit quanr jiuw tuu jiacc quw bue dngw .laii. (duiww jauwkax huachiamr) Cavee, dnaxx si hyw .bue? Si beh qaur dirdangsii?
Derr Sir Qxingw
Huerdngg
(C: a'Ciongx, I: a'Iongw, Q: a'Qair, J: jingwlangg)
C: Benw diyhqniax, benw dangxhniah, jixmue hniadi ar, lanw drangg qniaa drangg mia. Au dai qniaxsunx e jaiqix. Qinaxzit, lanw lrauu-hueh-lrauu-dih, uirdiyhh inx beh vniar jit pxenr tnix. Byy dnaw :ee benw duer .laii. Guanw qamguan giaa tauu qii.
J: Giaa tauu qii, giaa tauu qii!
I: U lar, u virvan tywdongr. Hyrling jid'err cud, guanw iarr beh jyr senhongx.
J: Senhongx, senhongx, guanw beh jyr senhongx!
Q: Dongr lehh! Sniaw su jiacc congvong? Inx si jiyhtauu linw si nxng. Quanx jingg byy qor au, hiyrqyw si'angw damdngx?
C: Inx jiac langg sniu' qaur, m si guanw gong genwtauu. Byy hongx iarr diyhh qig low, henrduxhen, juiw rimx quer na'auu.
Q: Guanw jngx duiww linw jairlaii dy' be baiw, jnuaxngiu linw beh cutciuw-lyhkax benw guanw jaix?
I: Jitt vaiw beh su'ngiaa, qibit berdangr laursiap. Liw naxx guanw nguartiab :ee, qniazit juanqangx qra liw vnuacniaw. Ngwbang liw draur jorjan, knuar beh cud jnii iacc janr lat.
Q: Qaqi vangr huew siyx cuwqingx, juixlingciax be qaur cur taujingg. Linw byy-kamx.-byy-jam, suacc rair cuwvnix duer lecc lyhlamr?
C: Dairjir qaur jiax laii, linw beh vangr gua gua, guanw iarr diyhh junw suah. Siongrr byy, simqnuax tanr diyc knuiwuac.
J: Knuiwuac, knuiwuac, byy linw iarr knuiwuac.
Derr Go Qxingw
Dequanw
(dee-pnua snax xee, a'Qair)
dee-pnua 1: Kiwbi hyw-baiw benw kingqiur, soxjai beh air cingkiwsniur, kacc qongw iarr diyhh yc se'ngiuu.
a'Qair: Guaw jaw dyrr qongw :ar, sehongx ee bunhuar si kuanxser. Air beh duer diyc din, kavo diyhh kacc qinw.
dee-pnua 2: Dee limx liangg :ee hyw zip auu. Dycc jit xee qycc jiacc kiauw, sniu diyc jitt vo u qraur gauu.
a'Qair: Debiw vangr danwsag, linw jaxban rair kiycqak. Guaw jaxjingg dyrr qongw hunbingg. Qajair linw u sinr.
dee-pnua 3: Hyw dee, hyw qxingw, hyw tnix, hyw simjingg. M si decc jurkuax, sinsenx dy' byy lanw jitt kuanw cing'ingg.
a'Qair: Dagg hxang guaw dy' knuar jinx ~. Qorr bxuw :ee sen' m tangx, langg snesingg air taiwvingg. Siyx :ee lingw :ee vutciangjai, deaux jywhuew pangg .kiw .laii, dag'ee jyr jit cuir, hro dax lar!
Qovyy-aw
Derr Id Qxingw
tagcecvangg
(S: sun'aw, Q: qovyy-aw, DS: dua hanr sunsimvu)
(sun'aw jre dirr iw nirr, ciuw nirr jit dniux qongwquacjuaw, dingxquann siaw qaxx bat bat si)
S: Kewbyw-aw, beh jnia' qywguec byy ham' liw tongpuex bunranx. Liw dirr Daiuann, u guanjai kongqen hyw diaurser bor? Dingw dingw lexvair, yhdngg vran kyxcir. Guaw kyw zi-jap-veh miaa, iurqycc u jinwiah :ar. E qir did liw dingw jua laii, guaw an' guandew sir-jap quiw miaa sringx qaur snax-jap miaa. Liw hnuahiw .qaur .der, jit xe ciuw dyrr tec go-jap kox sniuw .guaw. Cuwvnix-qecviah ee ginxaw longxx jiokk himsen. Guaw jurr cutsir, dyrr hitt qangx qamxqag siongrr hyw sinser, siongrqaiww u liamxben. Nii iurr beh uaw :ar. Liw ee vangqingx, a'buw jiauww-kix.-jiauww-qangx dagg zit vniawdng, byy qaxx siasiauw ee ing'iax. Jid'err cud zit, ix dyrr qra mipue tec cud kir pak, jit diamw aw cauwpuw-bi dy' byy. A'vaa iarr u ix ee sittauu rair byy ingg. Ix muixx qangx qor cri dix qapp cri hiaxee qxex-aw ah-aw. Danw liw laii, dagg jiah dy' tingwhyw taii. Guanw qui' qehuew-aw longxx jiokk quawliam :liw. Qinnii ee zirqauxmii, ngwbang liw laii ham' guanw dnua'ngii.
Q: Byy hro liw cinbak knuar, cincuir tak, liw qamxx beh siongsinr jex puex jap-go~lak huer ee ginxaw siaw :ee? M si guaw air vreh puar liw ee bin. Liw ee vitbuew huanrser dy' sux :ix.
S: Kaksit jin' u bunjaii dyrr driyc. Vycdnia iarr si jit xee jin' pycsit ee javoginxaw.
Q: Hex snesingg :ee lor! Iarr suacc diyhh qycc qongw? Inx hiax jngkax soxjai, jiahcing qoxqanw, langg dniardiyc kacc dansunn, kacc liongsen. Mrqycc dertauu piacsiah dyrr si u jit vo baiw, kiauw kiauw ginxaw ingxingw e srid jaivuee, hex zuarr aw bycaiw lehh, liw dy' m jaix.
S: Inx hiax qamxx byy denrnauw? Henrdairlangg siqniaa sec bangrlo. U jit daii denrnauw, ceh benw tak je dyrr naxx poksurpog.
Q: Denrnauw? Zuac .langg, inx lenrr denrhongx dy' byy! Si qongxx, denrnauw byy zip .kir marr hyw. Singw den, qycc benw hiaxee mic'axvar :ee qar pnaiw ginxaw duarser.
S: Anxnix qongw marr urngiaw. Si qongxx a'qox ar, jitt dxauw, liw u beh kir inx hiax quewnii .byy?
Q: Iauxx m jaix lehh, rair qycc venrknuar. Laukax hitt qingx venrcur byy qinw qycc suer .cud .kir, guaw jit xee simqnuax hrann lehh, kir cittyy beh anwjnuaw e ansinn? Ue qongw huanx tauu. Linw narr kacc jingqongx mair hiacc nuarcnuaw, benw su-su-hxang-hxang diyhh guaw lyxsinx :ee cauhuann, guaw byy-kuaw.-byy-lui, knuar beh iusanx iacc guanxsuiw, vutquanxsii dy' tingwhyw laii kir.
S: Sewqanlangg cxenx-hing.-bxan-jong vacvah kuanw, simxmih q.-ququair-q. :ee dy' u. Sewdiamwzi cunx dy' byy jit qywguec dyrr mauw, inx jit qangx dy' be danw tihh, jniasit huah vnuax dyrr vnuax. Hyw qajair lanw dongcox u qex qra tec nng qywguec decqui, hiaxee longxx qex tanr :ee.
Q: Tanr lecc jnia' quw lehh, tanr! Cur vangr kangx qingx decc cri bangw, m jaix rair qycc zuarr quw jiacc u langg beh suer. Gong zip byy gong cud, liw dyrr si anxnix decc hro langg' be sinwdiong .did.
S: A'qox, lanw erkax hitt qingx si qimx diamwbin, hongsniax narr vangr .cud .kir, benw qniax suer be cud .kir, siy' jnex siy' cniuw dy' u or.
Q: Qongw liw gong, liw qycc m zin gong. Jitmaw qongqingw vutviw kacjaw, kangx cuwqingx si duarbuw siwqer. Qongw qaxx liw or, bagtauu m dyrr yc kacc kiauw lehh. Cuwkax u iwhiongr beh tewjox, jnuaxngiu liw qra siux cuwsuer ee sii longxx byy diwqag .diyc?
(jit ee jaboxginxaw taukag cih cih, qniaa duiww hangrlo quer)
Q: Hex si'angw? Qamxx a'Biw? Knuar diyc langg iarr berhiauw qiyr.
S: a'Biw tak dairhak :ar. Duxjiah hitt xee a'Lingg lar.
Q: a'Lingg! Jitt jun quiw diamw ar? Tacc e jiacc nguar jiacc dngw qaur cur? Ix si jauw kir dyhh logdyy, si bor?
S: Byy lar. Acc dyrr ingxquer dirr haghau longxx kyw jingg snax miaa, jitt vaiw suacc lag qaur derr cid miaa. Inx buw :a huanlyw qaxx, qycc ginxaw qaqi marr tyw beh tak. Jinw narr vaiwsnax qapp vaiwlak, ix longxx diyhh kir voxsibvanx.
Q: Jitmaw ee ginxaw jnia' hyw mia. Beh qongw qaxx guanw qoxjaw, u ceh hyw tak diyh'air taux ciyr ar, iarr suacc u tangx hro liw voxsip?
(dua hanr sunsimvu an' guarkauw jongg .zip .laii)
DS: A'qox, laukax u jit duir ang'axbow, qongxx beh laii knuar cur.
(qovyy-aw an' iw nirr vreh .kiw .laii)
Q: Qinw, liw javolangg qinw lyc kir anwnai. Danw lehh! Jyr tojuiw :ee jarhngx byy laii, venrsow siap juiw iauxx bue voxtad. M tangx cua inx kir hiax knuar. Anxnix jaix bor?
Derr Zi Qxingw
hangrlo
(DS: dua hanr sunsimvu, SS: ser hanr sunsimvu, Q: Qovyy-aw S: sun'aw)
DS: Ix hex gnoxqedtauu, qik dangr buviw. Lanw qaqi qiyr langg laii qrow qrow lehh suah. Jitt hy jnii, ix be cud lar.
SS: Jitt diauu be ser diauu ne! Kacc anwjnuaw qongw, jex cur ix ee. Jerjiyw ix marr rair draur cud .jit .quaw.
DS: Ix hitt qix cuir, kacc dok quer cnidiksix. Guaw qamguan jnii liauw, byy air tniax ix ue liauliauu.
SS: Dnaxx ix iauxx u simxmih sinx ee cuttauu? Cuanww qongw dy' qongw ix cur vehvec hro lanw druar benw jnii :ee. Ix iarr byy sniu qongxx, dagg snax dxngr lanw qra cuann ven ven, dagg qywguec ee gas qapp juixden, dagg nii ee derqewsuer qapp vang'oksuer, dagg diauu lanw longxx lap qaur diyc. Sirdua pnix sirser, siar-siw.-siar-jingr.
DS: Kacngx-au me hongder, byy gauu lar. U jaidiau, diyhh dngbin kir qra tyw.
SS: Liw si dua, guaw si ser. Beh tyw, marr diyhh liw kir jiacc driyc.
DS: Arr u jitt kuanw lriw? Cur qongqex kia, guanw iarr byy kacc jiamwngiaa.
(qovyy-aw kinx kax ser ciuw qniaa uaw .laii)
Q: Linw cirbuxcircu si decc qongw sniaw? M pacsngr decc ciavnuaa ing'axue?
SS: Byy lar, guanw iarr suacc e anxnix?
Q: Linw nng xee dangsai-aw marr jiokk u ue qongw. Qenww vaiw dy' knuar linw siy' duw cuir, sihsic-sudsut qongw longxx be sen.
DS: Duxjiah guanw si decc dramm kiw jiahvngrtniax ho lrau ee dairjir lar. Guaw si sniu qongxx, qnaxx diyhh qinw qiyr saihu laii liac lrau.
Q: Driyc driyc driyc. Jin' hyw jin' hyw. Diyhh qinw kir qiyr.
SS: Guaw jaix jitt jann vikced rair qnuaxqinw congr. U cuwvnix decc qra guaw vyr, qongxx lanw aurviah hang u jit xee tojuiw-sxaix jin' lauxdaur, qangjnii marr jin' sidjai, be qa'ngg diaur quann qrer. Iacc si a'qox liw u sigsai :ee, liw beh qaqi qiyr langg laii jyr.
Q: Guaw jitt dongr lxauu hro linw kia, jiacc je nii jit qakginn dy' byy qra linw tec, dyrr si ngwbang qongxx qaqirlangg druar, kacc e qor cur, e siycliyc, be cincniu guarkauxlangg, simsikhingr kiw, jiax dingr hiax tiah qra liw lamrsamw bruw. Guanw laurve quewsinx ee sii, dna' lauu jit qingx mnghow puawsamr ee zidvunxcur hro :guaw. Ix jyr qingxcad qui' siwlangg knikow ee liabjig, guanw siyxdi-aw, kiarr linw daqnuax, kacc liamw snax nii longxjongw vai liauw liauw .kir. Guaw jit xee jaboxlangg, qycc iarr byy angx, jiax kiam hiax liamw quixlyrr jap dxangx, u quaw cunjnii :ar jiacc huanx kiw jitt dongr lau'axcur, qinaxzit hro linw nng qrex druar qaxx jiacc suwsi. M hyw knuar guaw henrsii cur jiacc je qingx decc suer :langg, qaxnaxx jnia' hyw quewzit ee kuanw. Dycc jit qangx narr dua guu ngua qringx de dua drang, cur huah dyw dyrr dyw, beh vxangx beh vai si bak jit nih quw narnia.
DS: A'qox, liw ee iwsur, guaw u liauxqaiw :ar. Binaxjair, guanw e qiyr langg' laii knuar.
Q: Qacc beh congr, juixqongw kacc qu :ee iarr diyhh jongw nguarsinx jiacc e quikir. Jyr jit vaiw ngua kacc u pnitauu, kacc hyw ham' langg' ciauu qrer. Sngwvnuaa, guaw longxx u decc qra linw draur diak. Jnii pnaiw tanr, lanw erdangr singw :ee diyhh singw.
SS: Mrqycc a'qox, guanw ginxaw longxx druar hagliauu, guanw duarlangg longxx jiac guarkauw. Jiahvngrtniax, guanw daux jiokk hranw did ing ne!
Q: Liw qongw anxnix marr urngiaw. Beh byy, inx daux cud snax hxun zi, acc linw cud snax hxun id. Anxnix vunpnix dyrr u qongdy lar hnoh?
(Nng xee sunsimvu byy rinr cuir, qokk langg uad zip kir inx ee vangqingx. Sun'aw ciuw nirr tec jit jriw jnii qniaa uaw .laii.)
S: A'qox, snax lxauu ee cuwsuewjnii, duxjiah kir qra siux :ee. Guaw jinw dyrr tec laii qiar ginhangg.
Q: Banrcniaw lehh. Liw hiax longxjongw zuarr je jnii? Jitt qywguec cuwsuer qamxx m si diyhh kiw?
S: U a. Kiw nng cingx, kiarr snax-bxan-cid.
Q: Anxnix hyw. Guaw qra liw qongw, liw kacc danw kir guaw ee tuacduu-aw tec guaw ee qiawqimpo-aw qapp inr-aw, liammix kir ginhangg niaw bxan-snax .cud .laii, ham' jiaxee cuwsuewjnii, duxhyw draur go-bxan. Guaw siaw jit xee siauwhy hro :liw. Liw qra guaw hue go-bxan kox kir jitt xee kauxjy.
(naxx qongw, naxx tec juaxvid decc siaw)
S: Cingdyw Ginhangg. A'qox, jex go-bxan beh hro linw kewqniaw :ee m?
Q: Mng mng hiacc je beh nii? Decbeh snax diamw ar, dnaxx beh kir diyhh kacc qinw. Duarvunxzi diyhh siaw hro driyc, siaw liauw rair qycc duir. Iauxqycc u, jitt jann mrbenw hro linw bow jaix. U tniax .diyc bor?
Derr Snax Qxingw
duartniax
(Q: qovyy-aw, J: juxvng :ee, DS: dua hanr sunsimvu)
Q: Liw jid'err byy druar, guaw sui' dyrr qiyr inx kranx vywjuaw. Qecdngw qangx jaxkiw, brew mia or, hex denrue jit tongx suawjiab jit tongx giangx byy tingg. Jit guehzit bxan-veh ee sittauu, id~zi-jap xee siy' jnex beh inw. Liw jauw hitt dangjun, cinwcaiw dy' iauxx niaw nng-bxan-go lehh.
J: Acc m dyrr u cniar .diyc .ar?
Q: Dniardiyc si u lor. Taukixsingx, u cniar jit xee qongxx si cantniax tauu ciuw :ee. Tenliongg qongw, langg' ix urngiaw gauu vnir jiac :ee, jit lexvair juw lak qangx, byy qaxx jit dxngr cud qangg cud. Dirr cantniax juxjiac :ee, quanwsir he dang qiamm, hai lanw vng longxx diyhh qex jiac lecc vnuar nguaw.
J: Liw byy qiyr ix iamm qapp dauriuu he kacc jiyw lehh?
Q: Iarr u jit xee byy? Ix cuir qra lanw rinr hyw, kacc anwjnuaw juw dy' qajap qiamm. Lanw huewtauu marr u :ar, cuir diyhh kniu. Narr beh qycc tamcongg, Giamlyy qinw qinw marr laii beh cud diauwdnuax.
J: Jex ue u sidjai. Jiac kaw, jiac vaw, be viw did jiac hro qenrkongx.
Q: Si dyrr driyc m. Mrjiacc au .laii, guaw cue jit xee cauxde :ee, sniu qongxx ngua cuir ngua cuir marr hyw.
J: Acc m dyrr erqangxlangg? Acc si e juw iacc be juw?
Q: Lanw qongw jit qxur sit :ee, ix langg si jin' sunliongg qycc hyw piacpni. Juw qiamm juw jniaw, cutjai lanw huanhur, ix m bad qex qongw jit qxur. Jnglixlangg juxjiac, liw dy' jaix, o vuu cauxcair u nia, beh ngr ix vran jit dyh aw kacc cnecaux, hex jnia' vniar lehh. Cur nirr snax dxngr longxx qaqirlangg, kacc cinwcaiw lehh kiokk iarr si byy iauwqinw. Narr beh cniaxdyh, vin' ix hitt quaw caiwbuw-aw, beh anwjnuaw qnir did bxan-nix.-bxan-bak?
J: U jit hyw dy' byy nng hyw, urngiaw langg byy jabjngg lar.
Q: Dyrr si anxnix, m si sniaw?
J: Tniax liw decc qongw, inx naxx cincniu longxx jyr byy quw.
Q: Hner a. Longxx druar kacc byy vnuar dxangx.
J: Acc liw m dniardnia rair qycc cniar :langg? Anxnix iarr succ e dit?
Q: Dyrr si qongw, m. Mrjiacc buexciuw sniu sen, dyrr qaudair guanw sun'aw, qiyr inx jaboxlangg dagg qywguec jiauww lunn juw guaw ee gxiac. Qongw jit qxur kacc byy su'ngiaa :ee, lanw jitt hy huewtauu :ee, jit dxngr erdangr jiac qaxx zuarr je? Inx si qex cuann jit hur nguaxdi narnia.
J: Liw sidjai u hyw mia, u jiacc je sirser dirr sinkuvnix dniduer.
Q: Hamr hamr ar lar. Si qajair qongxx lanw ciuxtauu q.-qeqiamw-q. u cunx .quaw. Narr byy, lanw jit xee cauwlaurhenr, dinr der qiamx uewsuer, langg' siamw dy' m diyc tihh.
J: Be lar. Qyckacc anwjnuaw, inx longxx linw siyxdi-aw ee haursnix qapp simvu. Vnivnii liw ee ervuer, linw qoviauxhniax ee haursnix, liw dyrr jiokk qra tniawsiyh, qycc zin ix jyr kewqniaw.
Q: Marr m jaix anwjnuaw diyc, hitt xee javoginxaw dedvet u guaw ee enn. Ix junw m si qaicinx, uanaxx e did guaw tniar lar.
(dua hanr sunsimvu an' jauwkax laii)
DS: Vng liammix dyrr juw sik a. Kacc danw jywhuew laii ing.
J: M tangx m tangx. Laii jiax jre qui' ervox, guaw hyw laii dngw ar.
Q: Orhnuaii-caixaxbuew, narr byy kiwhiamm, jiac vaw jiacc jauw.
J: Byy qapp linw keckir, jinjniar m tangx. Hiyckunwzit u ingg, laii guanw daux hro guanw cniaw kacc urngiaw.
(langkeh siy' srii, qniaa .cud .kir)
Q: Dyh-dingw hiaxee ix jah .laii .ee. Liw qra tauw kiw laii knuar mai.
DS: Bogquair e jiacc dimwdauw. Jit quanr jit quanr longxx vyleqanx-aw, juanjuann iyc-aw ee kuanw.
Q: Vitamin lar, qongxx beh hro guaw bongxx voxjah :ee.
DS: Zi-jap-lak xee daurcaiwgee bad vnuawjngg nia, ix qycc erhiauw brew vitamin.
Q: Liw dy' byy tniax ix duxjiah decc qongw, simxmic jit zit jit vaiw, sionghongx be uaw, qamxmo be laii. Vitamin nia, hro ix vongr qaxx bersux sendanx lehh.
DS: Si qongxx, ix marr jnia' qanghux, laii qycc jah pnuarciuw.
Q: Ciuxqinx siangx tauu damm, guaw iyh ix qnaxx si u sniu beh dngw laii jyr ee kuanw. Mng guaw jitmaw si'angw decc qra guaw juxjiac. Qapp ix iarr byy dirdai, mng qaxx u jit qix vner tangx hyw giaa.
DS: Qaxnaxx u tniax qongxx jingg:a ix longxx decc junxvi kyxcir, jitquw si u qibde ee dyjisaix :ar.
Q: Si urngiaw iacc byngiaw? Jauwkax juxcair :ee iarr diyhh kyxcir?
DS: Qongxx, quixlyrr jap xee jiacc kiyh jit xee, qycc m si qaiww hyw kyw lehh.
Q: Ngngr, danw kacc quer, liw kar denrue qra mng, knuar ix jit qywguec beh air zuarr je. Liw cenban m tangx qra ix qongw si guaw qiyr liw kar :ee. Jitt hxang siongrr iauwqinw. Rair e qir did e qir did oox!
Derr Sir Qxingw
kunwvangg
(Q: qovyy-aw, S: sun'aw, DS: dua hanr sunsimvu, SS: ser hanr sunsimvu)
Q: Liw diyhh hro guaw qojniaa. Jitt diap, igjingr dng' lirhai. Linw hiaxee ginxaw diyhh qra qaudair, cenban m tangx dirr lorvnidnar-aw ovec brew mihjiac.
S: U lar, guaw u qra inx qongw ar.
Q: Ginxaxlangg, jit hni zip, jit hni cud. Linw jyr langg' sirdua :ee diyhh kacc jikdog lehh. Guaw laurhuexaw ee cuir linw diyh'air tniax.
S: Guanw jinw jit koginn dy' byy hro :inx. Inx byy jnii tangx kir brew lar.
Q: M si guaw qxauw liamrlo qycc air qevyy. Lanw qangg kiarqex, siyxkuaw jit xee kacniur iacc qasaur, liammix dy' uer diyc ix, uer diyc liw. Guaw u huer :ar, jit sxiu qnuacaa zip jidvnuar :ar. Linw iauxx siauwlenn, banrvutzi narr laii diyhvni quewsinx, hex m jnia' uanongw.
S: A'qox, guanw e jiokk jimjiog. Liw qaqi sintew rair kacc qor lehh.
(dua hanr simvu an' guarkauw jongg .zip .laii)
DS: Laukax u jit xee Hiongqangxlangg. Ix beh laii qra lanw suer cur.
Q: Hiongqangw-aw! Lanw cur byy beh suer :inx. Qinw qiyr ix jauw.
DS: A'qox, guaw jai'ngiaw liw decc huanlyw sniaw. Guaw u siongser qra mng .quer. Ix laii Daiuann qui' qywguec :ar. Narr u dair .diyc, vne jaw dyrr kixsir :ar.
Q: Liw tacc e jiacc dit, langg' qongw liw dyrr sinr. Ix jai'ngiaw lanw qniax, beh tacc e qra lanw qongw jiauwsit? Qinw, liw javolangg qinw lyc kir cuxdir. Danw ix jauw, hordingrkax rair e qir did siaudok.
(ang'axbow jingg qniaa au duer cud .kir)
(ser hanr sunsimvu jniar ciuw giac jit qix byy-snuar denrue, dyr ciuw dnec jit dniux puex)
SS: A'qox, liw ee denrue.
Q: Si'angw kar .laii .ee?
SS: Juxvng :ee.
(qovyy-aw qra denrue jriab .kir)
Q: Uee, guaw jiacc beh kar denrue hro :liw qongxx. Acc dyrr jingg:a liw jah .laii hiaxee vitamin, guaw beh air nng sniux. Sniaw? Je langg juwbunn, jinw byy hxuer? Anxnix lar, guaw cud viw vadd langg' qex dingvue. Liw ciuxtauu u :ee longxx hro :guaw. Uee uee, hex simxmih sniax? Liw u cacvyr! Hnaa? Lingrzit jiacqycc qongw? Ueer, liw diyh'air qra guaw qnrua .laii neh.
(denrue ced driau)
SS: A'qox, jex liw ee puex, Cingdyw hiax qiar .laii .ee.
Q: Cingdyw! Liw mair dux .laii. Qnuaxqinw, qinw tec cud kir siyx driau.
SS: Beh qra siyx driau! Guaw kacc danw beh siyx qimx. Acc m dyrr jywhuew danr lyc kir siyx?
Q: Guaw quanxtax liw beh anwjnuaw siyx! Kacc iauwqinw si siyx liauw, liw ciuw rair e qir did sew.
SS: Guaw jaix lar.
(uad lehh beh jauw)
Q: Banrcniaw lehh, diyhh iong suatbunn sew.
SS: Guaw erhiauw lar.
(uad lehh beh jauw)
Q: M driyc, rair iong siaudogiyhjuiw, suatbunn sew be cingkir.
SS: Hyw lar.
(uad lehh beh jauw)
Q: Danw lehh danw lehh. Dingw zit aw vywjuaw u siaw, qaxnaxx si qongxx nng hxang longxx rair.
SS: Or.
(uad lehh beh jauw)
Q: Dongr lehh. Dnaxx, si diyhh singx iong suatbunn iacc siaudogjuiw? a'Lingg kir qra guaw qiyr .laii. Haghau longxx u qar, inx hagsingginxaw siongrr liauxqaiw. Qinw, liw qnuaxqinw kir qra guaw qiyr a'Lingg laii.
Vehhoxcnix
Derr Id Qxingw
vanrqongsig
(Q: qauwburdniuw, C: Cii Laursux, G: Goo Laursux)
Q: Jiax snuabuexliux, byy cantniax, byy jurjorcanx, hosinn beh jiac diyhh qaqi hab. Snax dxngr jiauww tauu lunn, dag'ee diyhh draur kuanw. Liw jit xee siyxjiaxlangg iur puee vyc bin, qamxx u jaidiau juw?
C: Tangx cir jit lexvair dyrr jaix. Guaw bad camqax quer juxjiac vixsair, u diyhdingw :ee.
Q: Guanw jiax dertauu penpiah, kacc byy langg air laii, kaciuw kueckiamr, jit langg ciangjai rair tiah jyr quixlyrr srinx, iarr diyhh bunn :ee, iarr diyhh bxuw :ee, berdangr hro liw cincniu snuax-kax ee sensnix, jiac ven, niaw hen, ing'axue bongxx len.
C: Docirlangg qau hing, gauu qiksngr. Jiax sittauu je byy qansiap, dngdew kax ue be laii sehbuexlee duiww guaw kacc sidjai.
Q: Snuadingw dyrr siongrr dansunn :ee. Kacc qniax dy' qniax hitt hy angwdo iacc pnaiw simdngg :ee, vadd langg ee qingqactauu junw lautuix vreh, vreh qaxx qycc longxx be huad qnua, be pnirpna cuanw jiacc si lirhai.
C: Guaw doci ginxaw, mrqycc hitt quaw q.-qanquiw-q. ee vorsor, guaw si jiokk iar, knuar jiokk be quanwsir, mrjiacc sniu qongxx, diyhh laii snuadingw kacc dit. Qiuwqizenn, simqnuax cing'ingg, langg kacc e jing'ingx.
Q: Si qongxx, linw sirduarlangg marr jin' qramx. Liw duxjiacc cutgiap, qycc byy simxmih siarhue qinggiam, inx iarr hongwsimx vangr liw jit xee jaboxginxaw laii jitt hy hongsanx-kongwiaw qawceh.
C: Guanw laurve si jin' qra guaw janwsingg, qongxx siauwlenlangg m tangx yc cnuaxnua, tranr qihue diyhh buaa. Guanw laurbuw dyrr u qra guaw dongr, qongxx guaw jit sii simsikhingr nia, qex qniaa jitt jua bycaiw qangx. Qycc narr u simxmih banrvutzi, hex dyrr jniasit jiokk m dat.
Q: Dongr qaxnaxx dongr, quibuew, liw iarr si laii :ar.
C: Guaw qacc simqnuax u hnua dnia, guanw laurbuw qyckacc m qramx, marr pnaixser qycc qra guaw joxjiw. Mryqcc ix u vow jit qxur ue, qongxx snuadingw narr qankow quer, qiyr guaw m tangx doxqiongg, diyhh qnuaxqinw dngw .kir.
Q: Liw si m tangx qra guaw pacqniax ne! Liw dangrvutdang dyrr beh langwqangw, anxnix iarr suacc e dit? Guanw snualai ee langg liamrjingg-liamrgi. M hyw liahjunw ginxaw jiyw huer. Inx si jiokk binxqamw.
C: Qauwburdniuw, liw jikquanw hongwsimx. Guaw si sniu jinx jiacc laii :ee. Guaw marr jin' e kad did kow.
Q: Qongw diyc hongwsimx. Liw jauw qaxx jiacc hng .laii, javoving'iuw vangr dirr snuakax, liw m qniax ix ovec laii?
C: Guaw byy javoving'iuw.
Q: Iauxx byy javoving'iuw or! Guanw jiax lau :ee lau, iur :ee iur, si byy petlo :ee tangx qauvuee.
C: Guaw duxjiacc laii, rair yc rair jyr ee dairjir dikkag jiokk je. Beh tacc u hitt hy ingqangx qaux javoving'iuw?
Q: Lanw haghau u jit xui laursux, beh sir-jap :ar iauxx bue qewangx. Ix qapp liw qangrkuanw, uanaxx suhuan cutgiap dyrr laii snuadingw hogbu.
(Goo Laursux zip .laii.)
Q: Qongw langg, langg qaur. Goo Laursux, guaw qra liw siaurqair. Jex lanw sinx laii ee dongsu, sner Cii, vakvo laii :ee. Cii Laursux, jitt xui lanw itdingxid ee sensnix, iarr e qar cniuwquax, iarr e rue ang'aw.
C: Goo Laursux, jiacc cniaw liw dydyx jixqaur.
G: Byngiaw, by'ngiaw, guaw qaqi iauxx jiokk kiamr langg qar.
Q: Lanw Goo Laursux jiokk qowkiamx.
C: Hner a.
G: Jiax snuadingw soxjai, siausid byy tongtaur, dagg hxang dy' duer langg kacc be diyc. Liw doci laii :ee. Jin' je dairjir, guaw dendyww rair qra liw cingxqaur.
(jxingx-aw sniax giangx)
G: Pnaixser, guaw berdangr qycc qrangw, rair siongrkyr :ar.
Q: Qinaxzit tauu jit qangx, liw tangx jre dirr qauwsig aurviah knuar Goo Laursux anwjnuaw qar.
C: Hyw a, hyw a. Lanw jinw dyrr laii kir.
G: Liw ciuxtauu u ceh .byy? Liw qamxx mrbenw jah ceh?
C: Driyc hnoh! Byy ceh beh nacc yc erhiauw? Goo Laursux, iauxx si liw lau qinjad.
Derr Zi Qxingw
soksiar
(Q: qauwburdniuw, S: Siaux Laursux, C: Cii Laursux)
Q: Lanw jiax snuatauu-kokbuew, i.-iaptiab.-t. Liw ixongw longxx druar dua doci. Jinw vnuax laii jiax, liw m jiokk byy girniu?
S: Urngiaw jiokk be quanwsir dyrr driyc. Diyhh junw jyr decc dorqaw kacc hyw quewzit.
Q: Liw hitt kax kabang, lairdew qaxnaxx u kngr jit qix henn-aw hnoh?
S: Hex qiyr duarqongxhenn.
Q: Liw erhiauw ex duarqongxhenn?
S: Hner a. Violin guaw marr erhiauw, jitt vaiw byy jywhuew jah .laii. Byy huatdo, hingliw sniu' je, qnrua be did laii.
Q: Liw tacc e jiacc gauu lar, gagkir bad jiacc je. Liw u decc kanx sai'aw .byy?
S: Guaw byy hiacc qutlat. Guaw si yc cuwbi, jywtexgue :ee narnia.
Q: Gersut guaw marr jiokk air. Jiax juann jit quaw toxvalauw, lairsnuaqauu, qapp inx sidjai qongw byy lo laii. Guaw jiacc laii cam' haurdniuw camsiongg, hro liw qar dag'ee ex henn-aw. Sensnilew jongw hro liw siux.
S: Qamxx u langg beh yc?
Q: Beh nacc e byy? Guaw beh cniuw tauu hniux lehh.
(Cii Laursux an' mngg-jingg .quer)
Q: Cii Laursux, liw kax jnia' dngg. Guaw vyr liw jit xee hyw kangx :ee. Jitt xui si Siaux Laursux. Ix beh qar lanw ex duarqongxhenn. Linw vnevnee longxx sinx laii :ee. Guaw qiyr ix dedvet hro liw sarvis iutai.
C: Duarqongxhenn or. Guaw dirr Dairhak ee siartuann bad yc quer pinxsiaux.
S: Jiacc duxaxhyw! Knuar dycc jit qangx, liw cuex siaux, guaw ex henn-aw, lanw jiacc laii habjor.
C: Hyw a! Narr e dacba, huanrser lanw qycc erdangr kuix imgaghue.
Q: Imgaghue! Jex guaw siongrr hingr. Linw nng xee, jit xee suiw qaxnaxx huex, jit xee jiokk petsangr, kia dirr daii-aw-dingw unxdangr e jiokk ngiaxbak. Si qongxx, Cii Laursux ar, liw qamxx iauxx u ingqangx u kuiwlat kir bruw hex? Jitt vaiw ee kyxcir, hunsor qamxx cud .laii .ar?
C: Iauxx jnia' jap hxun aw iauxx bue qaiw hyxser. U decc qnuaxqinw, si bor?
Q: Hagsingginxaw ee kyxciwdnuax-aw snesingg rair qinw qaiw hro :inx. Jex iong katauhux sniu marr jaix, qamxx diyhh qycc huanhur?
C: Mrqycc jingg vrangx, guaw quer beh jit qywguec jiacc qaux :liw. Liw iarr byy qongw .anwjnuaw.
Q: Guaw si liamrqip liw jiacc jiacc aw laii, kacc byy lenrsik, mrjiacc qongxx hro liw uan .jit .vaw. Liw qacc jiacc ingg tangx dirr jiax qapp guaw decc dapcuiwqow, berhiauw tranr jinw qinw kir qaiw qaiw lehh. Linw vanx dna' zi-jap tongw xee punr punr. Qaiw hiaxee kyxqngr rair zuarr je qangx guaw dy' jnia' m sinr.
(Cii Laursux bin-aw crinr crinr uad lehh jauw)
Q: Siaux Laursux, sidjai jiokk pnaixser. Liw qinaxzit duxjiacc laii, lauwkuir dai suacc henwqngx hro liw knuar hen hen. Byy qongw liw dy' m jaix. M si lanw gauu kiaukix. Lanw si langg' ee harsiok. Dingxsix hiax narr qaudair be quer, beh ui :ix marr kacc pnaiw kuix cuir. Liw srig srig langg, ingwqaix e tangx liauxqaiw guaw ee koxsimx jiacc driyc lar hnoh?
Derr Snax Qxingw
haurdniuxsig
(Q: qauwburdniuw, H: haurdniuw)
Q: Vrinw haurdniuw. Jiurr guaw cinsinx kir liauxqaiw ee qetqyw, k.-kaksit-s. si jabow jitt vingg kir qra langg snriaa :ee byy cyr. Lexvair-sii aw dirr snuakax ee qeaxlo siy' kanx siy' lamw, juwsiw hro lanw Goo Laursux knuar .diyc. Goo Laursux bagtauu sngr u kiauw, jai'ngiaw dairjir u dua diauu, dngw .laii dyrr sui' qra guaw vyr.
H: Doci ee jaboxginxaw kacc qnaw siw. Guaw diddit qongw jitt hy huewvan m tangx caixiong, liw qan' qan' aw qongw tywdongr.
Q: Vrinw haurdniuw, dairjir si anxnisnix. Dongqisii, ix jxiur-siw-jec-jxua qongxx e s.-sidjai-j., dikkag be dirr jiax ovec laii. Guaw jit sii nngw simx, mrjiacc sniu qongxx diyhh hro siauwlenn :ee jit vaiw qihue. Beh nacc jai'ngiaw dangsii aw ix hiauu-drew :ee jiacc huesinn, jid'err knuar diyc suiw bin :ee dyrr siauw :ar, dyrr cic uaw .kir .ar.
H: Liw u pacsngr beh anwjnuaw .byy? Uirdiyhh jit xee byy siyh liamtiw ee jaboxquiw-aw, guaw lau haurdniuw ee lenxben jyr jit xe siar liauw liauw .kir.
Q: Vrinw haurdniuw. jitt jann jyww liw vangr lyc simx. Guaw jaw dyrr u anwsngr dniardiyc. An' binaxjair kiw, guaw e pacpair jerje kangkuer hro jyr. Ix hex kax jiamx ciuw iur, dongr byy snax xee voxtauu. Benw jit lexvair, vyxniaw ix vauhok-aw kuanw lehh, sui' beh qinw liuwjauw.
H: Hmr, guaw knuar, anxnix m si srer. Diyhh qiyr Siaux :ee vnuax kir linw daux druar, ix ee surburdyh-aw iarr diyhh suaw kir liw ee vanrqongsig. Kacc danw sui' dyrr vnuax. Mair hro inx u qihue dauwdin.
Q: Anxnix qamxx hyw? Guaw qniax langg' e lamrsamw sniu, sna' gordna.
H: Liw marr decc lau samvad! Liw u angx u qniaw ee langg ne. Qamxx qongxx, liw iarr suacc hro ix snah .kir, si bor?
Derr Sir Qxingw
aurbuexmngg
(C: Cii Laursux, G: Goo Laursux, S: Siaux Laursux)
C: Dyrr dna' dauwdin cud kir knuar jit cud denrngiaw narnia, dyrr qra guaw qongw qaxx jiacc cauwjen, anxnix qamxx u qongdy?
G: Lairsnuax soxjai, snevunw kacc byy kaihuar. Liw mair sniu hiacc je, dairjir lunw lehh dyrr quer :ar.
C: Haghau ee kangkuer, dagg hxang guaw dy' jiauww quiqiw laii. Jongw byy qongxx snuawyc liauxau, guaw iauxx diyhh sriu inx qaiwquanw?
G: Benw qongw qaxx lanw duarlangg, hagsingginxaw dngw kir qaur cur, marr si sirduarlangg sui' langg qadniux qapp quanxqar, byy diyc qaur inx cab.
C: Dyrr driyc m.
G: Si qongxx, Cii Laursux ar, jitt vaiw si liw qra ix jiyx, iacc si ix qra liw iog?
C: Jex qamxx u qangai? Sidai qniaa qaur jiax, javox jabow vnii jerkia. Dyrr junw guaw juxdong qra iog :ee, anxnix qycc anwjnuaw?
G: Liw m tangx gorhue. Guaw sunzenn si sniu diyc liw jaxjingg qongw :ee, qongxx dirr jiax juansimx it'ir beh qawceh, byy beh qaux javoving'iuw.
C: Langg si uac dirr henrjai. Quewkir :ee narr byy hac sii, qamxx diyhh jipqoxvanw, qra qaqi vak siw siw lehh?
G: Guaw m si decc qra liw jikjue. Siaux Laursux laii dy' iauxx byy jit qywguec, lanw iauxx m jaix ix ee dexjiyh. Ix laii jiax si jin' qovutjiongx, qigqex vnuar dxangx dyrr e driaur jauw. Javox jabow dauwdin quw, qeqiamw e u iwair. Vnevnee jaboxlangg, guaw jiokk qniax liw e sriu kikkuix, qamxjingg siurr sngxdng.
C: Goo Laursux, jin' dysia liw ee hyw ir. Liw qongw guaw gong dnaw iarr hyw, qongw guaw siauwlenn berhiauw sniu iarr hyw. Cingcunx ee jiuxvuex kow decdeh kacc ngiaa vec qunxjuiw, jit cuir jraix .lyc, guaw be sniurtewhuew.
(Siaux Laursux kia dirr duiwbin decc et ciuw)
S: Ueer, guaw dirr jiax.
C: Pnaixser, guaw rair sitvuee.
(Cii Laursux vniar duiww Siaux Laursux hiax kir. Goo Laursux bagjiux qimx qimx decc knuar.)
Derr Go Qxingw
niqoamx
(S: Suhu, G: Goo Lausux, Q: Qauwburdniuw)
S: Guaw qycjaiww mng liw jit vaiw. Liw sniu u jiaujngg, u tettyr .byy?
G: Cniaw suhu m tangx quawgii. Jitt siwlangg, guaw ee simqnuax dyrr jitt sii hnua siongrr jai.
S: Tnide ngii linlinx, ursii hongho, urjun cud dua zit, tangx knuar jyr si suwsiongg. Jiongwsingx vingdingw dir qangg xee tnix.
G: Suhu kaisi, derjuw jaikiyh. Posatdy beh qniaa u huatguan. Juann brang suhu liw draur jiujuann.
(suhu tiwtaudyx giac .kiw .laii, qauwburdniuw jongg .zip .laii)
Q: Dongr lehh, banrcniaw si tir. Goo Laursux, liw si dycc jit diauu sinqingsnuar decc byy duxhyw? Hagsingginxaw qui' din vangr lehh, byy-her.-byy-lyc, jit xee langg jauw laii jiax beh jyr niqox!
G: Qauwburdniuw, jitt jann, guaw jin' jaix qaqi lixlo kacc dew. U pnaiw mic aw decc qra guaw qyqyx dnii. Narr byy qinw dng hro li, qetqiok dikkag si kow cud.
Q: Nacc u simxmih pnaiw mic aw? Guaw dy' m bad duw .quer.
G: Ix jai'ngiaw guaw byy uaxhnua, ix u diwqag guaw ee nngxjniaw. Guaw dna' jit vo tunlunw, diwcuw ix jiac guaw quer quer.
Q: Liw qongw qaxx lilix-lylyx, guaw jit qxur dy' tniax byy. Cii Laursux duxjiacc jauw, haghau dng' kiamr kaciuw. Liw qingw jitt jun qra guaw vnir jitt cud :ee, cunvan jyr jit kangx qiyr guaw tiaur m?
G: Jit sniax sitlew berdangr qaudair. Qovutzijiongx, sewsu junw jyr qapp lanw byy dirdai. Suhu, cniaw liw jiksii qra derjuw tiwdo.
(Goo Laursux taukag ngar ngar, siangx ciuw habsip. Suhu tiwtaudyx iurqycc giac jnriu ciuw. Qauwburdniuw gang gang kia lehh, bagjiux qimx qimx langg siongdiong)
Derr Lak Qxingw
hngvox
(D: dyriuu L: luxkeh 1~4)
D: Laii laii laii, dag'ee duer guaw hiongr jingg qniaa. Lanw taujingg jitt dongr, diok :ee diok, aur :ee aur, hrngx beh jnia' jap dxangx :ar, guandew si jit qingx qokhau-aw.
L1: Si anwjnuaw e vangr lecc hrngx .kir? Si jiyx byy hagsingx qaax?
D: Jitt jann qongw .laii u kacc ququair. Marr m jaix anwjnuaxngiu aw diyc, jitt qingx ee jabow laursux longxx druar be diauu. Haghau ee qauwburdniuw vnuawlyxlau, angsair qapp qniaxzii vangr lehh, vauhok-aw kuanw lehh jyww ix duer langg' jauw. Haurdniuw krir jit xe jutdiongr. Hagsingginxaw sui' xee aw juanw kir vadd xui tak. Jit qingx jurr anxnix hruir hrau.
L2: Bycaiw liw decc jyr dyriuu, lenrr jitt hy liw iarr knuar byy. Unxdangr si vehhoxcnix laii decc jokjong, laii decc laqaux maar!
L3: Qacc si u vehhoxcnix, beh vangvai si jit bak nih.
L4: Hex urngiaw or!
D: Jex qui' qingx didubang qnrix qaxx bat bat si. Dag'ee bagjiux knuar siongser, sinkux diyhh ngar kacc qe.
(luxkeh 1 uat tauu hiongr ix aurviah :ee)
L1: U tnix .diyc .byy? Dyriuu qar qongxx sinkux rair kacc ngar lehh, jiacc be qnrix diyc didubang.
(luxkeh 2 uat tauu hiongr ix aurviah :ee)
L2: Taujingg :ee qiyr lanw sinkux rair kacc ngar lehh.
(luxkeh 3 uat tauu hiongr ix aurviah :ee)
L3: Qongxx simxmih rair kacc ngar lehh.
D: Jex tokax nacc e qut lutsud? Aurviah :ee ar, diyhh duer hro diyc or. Jiyhked-aw jit ked jit ked longxx cnriu cnetii, jit vo jit vo kax diyhh sewzi ar.
(luxkeh 1 uat tauu hiongr ix aurviah :ee)
L1: Jiyhked-aw jin' liur u snex txii, qnialo rair sewzi.
(luxkeh 2 uat tauu hiongr ix aurviah :ee)
L2: Qongxx ked-aw e qut, diyh'air sewzi.
(luxkeh 3 uat tauu hiongr ix aurviah :ee)
L3: Sewzi or.
Hueluiw ee Guanrbang
Derr Id Qxingw
kangwde-aw
(L: Lili, G: guarkeh, V: Vikhap)
(quasniax)
L: Srinx si uxiarhuex
qnaa diyc bagnirhuex ee cingpangx
kuix dirr lagguehtnix
Zidzidcunx muaw muaw si
dirr snualun dirr kex-vnix
ix ee zunrmia byy vixjiw
Boxdanx ee qiaubii jiamrsii siukngr
snuaqog ee qoxcuehuex
hongwsangr quatjir
ngwbang inwsniax mii pah zit
zit pah mii
Kiw jit jua qiyy
hueqix siy' kandnii
hueluiw tingwhau cuntnix
G: Duxjiah hitt diauu simxmih quax? Qycc be pnaiw tniax.
V: Hex guanw siyxmue-aw ee sinx quax, hy jyr "Hueluiw ee Guanrbang".
G: Daii-aw-dingw hitt xee linw siyxmue or! Qapp liw snex jyr iarr byy sxingg.
V: Guanw qangg ve qycc buw lar.
G: Dangsii aw dyrr si anxnex or. Linw qaxnaxx cax be jiyw huer ee kuanw hnoh?
V: Guanw cax beh jit qixnii. Guaw dirr Vnuawsnuar ee qokhau-aw cutgiap hitt dxangx, ix dirr Takau cutsir.
G: Liw qamxx iarr e cniur?
V: Siyxkuaw aw lar. Guanw siyxmue-aw sewhanr ee sii bad yc quer piano, e cniuwquax, qycc e enxjaur. Ix dirr daii-aw-dingw viauxenw, lanw dirr daii-aw-kax, CD qapp log'imduar qex bre .jit .der, sing'uac ee soxhuir qeqiamw u quaw vngvow.
G: Qamxx byy denrsirdaii cniaw linw kir cniur? Narr u tangx jnriu denrsi, beh cutmiaa e kacc qinw.
V: Kacc qniax si qniax buerjingrr angg, qui' sinkux dy' niw qaxx m jniaa sig .kir. Iarr si diyhh cniur guardniaa :ee kacc sit, marr tangx qapp quanjiongr bin duiww bin.
G: Linw jixmue-aw sidjai jiokk qamxsimx. CD guaw beh jah .jit .der. Jex jit-cingx kox hro :liw, benw jau.
V: Anxnex nacc tangx? Hro liw jiacc siongdiong.
G: Qongw hex? Narr Daigiw :ee, snesingg rair oenw. Lanw dyrr u bow u qniaw u qadingg :ee, narr byy, lakde-aw jongw zimm hro :liw marr byy iauwqinw.
V: Pnaixser lar, byy derr benw qongxx.
(quasniax)
L: Snualangx ee qoxcuehuex
u jxingg u gi
ngwbang simguan
e kuix huex suar qed jiw
V: Laii laii laii, snax der go-vah, snax der go-vah, CD, log'imduar, snax der jiacc sngr liw go-vah.
L: Mair qycc huah ar. Langg dy' jauw beh liauw ar. Dnaxaxui siux siux lehh, lanw hyw laii dngw.
V: Qycc danw .jit .kunr. Tauqaur hiax iauxx jit cog langg. Huanrser kacc danw inx e uaw .laii.
L: Hnaa, beh qycc danw or! Guaw iaux qaxx qiongbeh vnir vrow .kir .ar.
V: Liw sidjai jiokk byy hau! Jex jit-vah kox liw tec .kir. Jiac cunx :ee, jnii rair e qir did jau .laii.
L: Jit-vah kox, jiac e vaw dyrr taux ciyr ar, iarr suacc u tangx cunx?
V: Jit-vah kox qycc jiac be vaw? Dyrr m si Dua Jiac Go :a qyc! Laii, guaw qiw hro liw knuar. Anww jiax quer cneangdingx .quer, iuvenrqiok kacc kir u jit qingx decc bre loxbacvng :ee, jit nguaw jiacc zxic-go, qycc u qiamcaiwtngx, qongxx quwjai langg limx benw jnii :ee.
L: Qiyr guaw qycc jiac loxbacvng, guaw qamguan vakdow vangr lecc iaux.
(Lili jnii sax lehh dyrr jauw)
(quasniax)
V: Snuaqog ee qoxcuehuex
diamrdi aw diamrdi
ix ee simqnuax benw langg' jaix
giamxgne ee huejangg
cuttauu ingxx u sii
Derr Zi Qxingw
quatniax
(L: Lili, J: jingwlangg, T: tniajiongr 1~4, V: Vikhap)
(quasniax)
L: Cniur cud liw lanw ee simsniax
gunw byy qniahniaa
Sriu hongx sriu ho ee zidjiw dyrr qniaa qaur jiax
Byy uanr srinx be creh mia
quewkir u sngx u kow u siab u qiamm
Jinsimx siy' tniawtangr
liw guaw ee guan
e lar
jitt vaiw beh jniaa
(krox si'aw-sniax, pah pog'aw-sniax)
J: Enkor! Enkor!
L: Qamxsia, qamxsia linw ing'amr laii qra siyxmue pangdniuu. Qiamxcaiw soxjai u kacc ec. Jongw .si, qinaxzit u jitt xee dniubin, guaw qapp a'jew mrbenw qycc dirr guarkauw dangwlo-piywho, longxx kyr dag'ee draur jiujuann. Daigiw-quax an' jiax beh qycc kixdingg. Linw laii qrngx qiy, siyxmue vunn cuex.
(iurycc jit jun pog'aw-sniax. Lili qnialew, qniaa lyc daii)
T1: Haar! Henrhen dyrr zinjaii, suacc diyhh kud dirr jitt qingx quatniax jiacc ser aw qingx. Sidjai u qaur bycaiw.
V: U kacc ngiaa byy lar. Dirr jiax cniur e jai siongrqaiww iauwqinw.
T2: Qamxx m si qongxx ix bad dirr guarqog druar .quer. Se'ngiuu :ee ix qamxx berhiauw cniur?
V: Simxmih jiacc se'ngiuu :ee nia, dangngiuu ee enxquax ix uanaxx siacsiah qiyr. Si qongxx, narr vunxqog qapp guarqog :ee lam lecc cniur, jit quaw qanda' air beh tniax Daigiw-quax :ee m jaix e jauw .kir .be?
T1: Erhiauw cniur Zidgiw iacc Inggiw :ee, hex quacnix si jiyxmuawkueh, byy kiamr qaxx lanw jit xee. Diyhh qencii Daigiw jitt bi :ee jiacc u cutlo lar.
V: U u u, guanw itdit longxx jiokk qencii.
(langkeh siwsnuar .kir.)
L: Guaw beh singx laii jauw.
V: Jiacc nguar beh qycc kir dyhh?
L: Liw quanw guaw jiacc je! Hnuaidit u dairjir dyrr driyc lar.
V: Langkeh bagjiux qimx qimx decc qra lanw knuar. Diyhh siyw lauu jit quaw ho'ngg tamwtniax lehh!
L: Liw suacc berhiauw jiawue qongxx guaw diyhh qnuaw kir vadd xui aw enxcniur. Beh kiyh kangx iacc jiawduanx-singsu, dnaxx liw dyrr siongrr gauu :ee.
(Lili uad lehh jauw)
T3: Qongxx linw jiax u decc bre Lili ee CD, si bor?
V: U nor. Sensnix, liw beh air dycc jit der?
T3: Ix cniur :ee guaw longxx beh.
V: Urngiaw or! Guaw sui' laii kuanw hro :liw. Cniaw liw siyw danw .jit .xe.
T3: Acc Lili lehh? Nacc qaxnaxx byy knuar .diyc?
V: Lanw u iauwqinw ee dairjir beh cue :ix?
T3: Iauwqinw si byy lar. Acc dyrr sniu beh cniaw ix ciamx jit xee aw miaa jyr qiwliam qongxx.
V: Jnia' byy duxhyw. Ix kir vadd xui qra langg' cniur quax jyr snezit.
T3: Ix dirr jiax cniur qui' amr ar ne! Ix anxnex qamxx be sniu' tiamw?
V: Hitt tnuax si qycc gua guec jingg dyrr rinw :ee. Byy kir, duiww langg' kacc sitlew.
T3: Ix sidjai u qraur qutlat. Anxnex lar, liw kacc danw juanvo qex kuanw nng der. Guaw beh tec laii sangr hro cincig qapp ving'iuw tniax.
V: Driyc, driyc, driyc, anxnex jnia' hyw, jnia' hyw! Qurnii guanw Lili u cud jit jxox siaxjinx, caixsig :ee. Liw u sunrsuar beh jah .byy?
Derr Snax Qxingw
hunwlen-ngiaa
(C: Ciuqiog, L: Lili, D: Dangmuii, V: Vikhap, LQ: Liuw .Qyx)
(quasniax)
C: Byy uanr srinx
be creh mia
jinsimx siy' tniawtangr
liw guaw ee guan
jitt vaiw beh jniaa
L: Hmr, be baiw, viw did dingw vrangx u jinwvo jiokk je.
C: Jniasit :ee or? Kacc jaw guaw longxx gong gong aw cniur, iarr m jaix hyw iacc baiw, driyc iacc m driyc. Erdangr hro laursux ylyw, guaw jiokk hnuahiw.
L: Liw jitmaw u kacc be juac imx :ar. Mrqycc dngxliauu ee soxjai siyxkuaw u puawpah. Liw qaqi u diwqag .diyc .byy?
C: Si si si, u u u. Guaw aurvaiw e jimjiog.
(Lili an' qxer-aw-dingw tec jit der CD .lyc .laii)
L: Jex guaw dingw zit aw sinx cud ee Daigiw lau quax, liw u bor?
C: Jex dangsii cud :ee? U jitt der, guaw tacc e longxx m jaix?
L: Jitt der liw tec .dngw .kir, qex tniax .quiw .vaiw, beh jinwvo e kacc kuair.
C: Hyw hyw hyw. Acc m jaix quiw ngii hnoh? Guaw qinaxzit jnii jah kacc byy qraur.
L: Jnihang ee dairjir, guaw byy bakciuw. Liw tec kir ham' guanw a'jew sngr.
(Ciuqiog CD tec lehh qniaa lirkuix. Dangmuii uaw .laii.)
D: Lili Laursux, u langg jyr jit der sinx quax beh hro guaw cniur. Liw u ingg .byy? Qra guaw camkyw .jit .xe, hyw bor?
L: Sinx quax!
D: Hner a. Guaw jinw dyrr cniur hro liw tniax.
(quasniax)
Beh kiw dnxiar ar Gorguehhuex
u pxangg u drua u juncngx
hong'ingw longxx m qniax
liw guaw siy' cuarqniaa
Diyhh vyxsiyh ar jitt luiw huex
qnaa diyc jingwlangg ee huecqnua
guaw iyy low ar liw qyr jniuw
sraiw hiongr Taiwvingg Xngiuu
Diyhh hyjee lar junn-dingw :ee
huesimx qo' jit xee
L: Suah ar?
D: Hngr. Laursux qamxqag sniaw kuanw?
L: Ngeer, qamxx tangx jiauwsit qongw? Guaw qamxqag vutjiw aw lrow ne.
D: Qamxx anxnex? Qangg jitt diauu quax guaw cniur hro vadd langg tniax, ylyw qongxx janw :ee kacc je ne.
L: Huanrser si guaw qaqi duer be diyc siqniaa marr byy dikkag. Quewkir jap gua dxangx, guaw jit siwqer kir jauxcniur, m bad tniax quer jitt kuanw ee quasuu, vnuar qoxjaw qycc vnuar henrdai, kacc anwjnuaw tniax dy' be duiwdangg. Acc narr kxig, hex qyckacc baixlo, vnee pypyx, jit sxix sxix aw Daigiw-quax ee kiwbi dy' byy. Si dycc jit xee jiacc iauxsiu, jyr qaxx jit hy quax hro liw cniur? Beh siy' hai marr m tangx anxnex.
D: Qamxx anxnex? Nacc e anxnex? Qamxx e anxnex? Tacc e anxnex?
(Dangmuii naxx qniaa lirkuix, naxx decc ox liam vec liam. Vikhap uaw .laii.)
V: Liw u kir kuix guaw ee tuah-aw .byy? Guaw pah byy kir snax-bxan kox.
L: Benw qycc cue a, hex jnii guaw tec :ee.
V: Hiaxee jnii guaw qinaxzit beh lap cuwsuer :ee! Qinw tec laii hingg :guaw.
L: Kaix liauw .kir .ar.
V: Jiacc gauu kaix! Snax-bxan kox, liw jit xe aw quw huasiaux .kir! Liw si m si iurqycc tec jnii kir sed endauu?
L: Anwjnuaw, liw knuar be juer .did? Byy, guaw quikir laii qer qer lehh, kacc benw hro liw decc krir srinx lrow mia.
V: Liw benw decc qra guaw uihiap. Guaw hro liw kiongxhad be dyw. Guaw kacc qex huer liw, iarr m bad cincniu liw, diudiux caw beh qer.
L: Ciywkuex. Liw hingr jyr niqox, qiyr langg' rair duer lecc jiahcair?
(Lili qniaa lirkuix. Liuw .Qyx uaw .laii.)
LQ: Lili Siyxjiaw jauw :ar?
V: Ix qnuaw beh kir qra langg' jenxcaiw. U simxmih dairjir, si bor?
LQ: Guaw jiax u jit diauu quax, duxjiacc cutsngg :ee, sniu beh cniaw ix cir cniur .jit .xe qongxx.
V: Benw diyc qaur ix lar. Guaw hnaix .jit~nng .qxur .aw dyrr jai'ngiaw hyxbaiw.
(quasniax)
V: Muiquir ix ee miaa
hueqix u dair cir
huehiyc ngg gimwgimr
siauwlenn jap-veh jniawdngsii
Angg huex angg pnawpnar
iarr tangx hxingx-jingg vinw
iarr tangx hueqanx cah
jairtangx vangr ix lyc enhuax
Aiwqiaux ee singwjingg
sniaw langg knuar qnir qnir
sunvec ee huejangg
sangr hro dacsimx aw ix
LQ: Ox qxanx-aw drew dauriuu! Vikhap Jew, dangsi'aw liw qua'auu jiacc janw .diyc.
V: Qaur dnaxx liw jiacc jaix.
Derr Sir Qxingw
denrsirdaii
(D: dyrvyr, E: erciuw, V: Vikhap, C: Cunlann)
D: Langg lehh?
E: Iauxx lenlok be diyc. Cur nirr denrue byy langg jriab. Snax qix ciuxqix-aw, byy qaxx jit qix e tongx.
D: Jit qywguec iauxx bue suah, tuabuew qra guaw vnir snax cud ar. Ix si qowir iacc tiauqangx :ee?
E: Inx a'jew laii :ar. Tangx tniax knuar ix anwjnuaw qongw.
V: Sidjai jiokk sitlew, erdangr kar :ee guaw longxx kar :ar, erdangr mng :ee guaw marr longxx siongser mng .quer .ar.
D: Ix jarhngx u kir dyhh, si bor?
V: Iarr jaix. Guanw jitmaw dy' iarr byy druar jywhuew. Dingw zit aw si u tniax ix nauh .jit .xe, qongxx jitt jam aw u langg decc jiyx ix pah baciog.
D: Liw pacsngr beh sniaw vo? Guaw jetbok qycc vnuar diamxjingx rair vywsangr.
V: Ix narr jniasit byy cuthen, byy, guaw jiacc laii qra ter .jit .xe.
D: Liw! Liw erhiauw cniur?
E: Qamxx m si u simxmih Cunlann iacc si Ciuqiog?
V: Inx iauxx cnekax. Cxen vuthing qra linw jetbok cniur jit xe dyw .kir, hex m jin' hiauhing.
D: Acc narr hro liw cniur, liw u anwsngr beh cniur dycc jit diauu?
V: Qapp guanw siyxmue qangrkuanw dyrr hyw.
E Liw si qongxx "Hueluiw ee Guanrbang"?
V: Hner a.
D: Hyw, dyrr jiauww liw ee iwsur.
(dyrvyr qapp erciuw :ee kir vnix:a huadlyc. Cunlann uaw .laii)
C: Tniax qongxx Lili Siyxjiaw iauxx bue qauwui. Anxnix beh anwjnuaw?
V: Inx qiyr guaw cniur.
C: Vikhap Jew, liw beh jnriu denrsi or!
V: Guaw vunxdew si rair inx qiyr liw. Dyrvyr dyrr byy dimr tauu.
C: Qiyr guaw! Guaw iarr suacc u jaidiau?
V: Liw iauxx kyxiw lar. Si qniax liw qinggiam kacc byy, limsii-lim'iau gni sag liw kiw .kir, liw e kax liaux ciuw liaux pihpic cuah.
C: Hex dniardiyc e nor! Acc liw lehh? Liw jinw e qinxdniux .be?
V: Guaw dniubin knuar hiacc je .kir .ar, iarr suacc e qinxdniux?
C: Hex marr urngiaw. Ar, liw cuiwdunn ee enjix liyc aw u lag. Guaw laii qra qiamxjngx qnrua .laii. Liw danw .guaw .jit .xe.
(Cunlann lyc .kir. Dyrenw uaw .laii.)
D Junxvi hyw .be? Cunx jit hunjingx.
V: Cavutdyx ar, guaw junxvi hyw :ar.
D Jimjiog tniax guaw ee hyrling, juwir knuar guaw ee ciuxser. Go, sir, snax.
(zi qapp id, dyrvyr qorr viw :ee.)
(quasniax)
V: Srinx si uxiarhuex
kuix dirr lagguehtnix
dirr snualun dirr kex-vnix
Bagni ee cingpangx byy junw u
qitai kingrhuex dua kuix
luanhuex dyjingg
snax qnxix quer liauw
cingcniw beh dirsii
(quewvanw)
E: Qycc be hamban cniur.
D: Hmr. Textair marr be baiw, sngr vutjiw aw jai.
E: Snex juer byy qraur cnixbak sidjai u kacc suser. M byy, ix c.-cingvik-v., langg iurqycc hyxlew, viw did inx qeh vxag siyxmue, ix lang'enn si qex jiokk hyw.
D: Liw qongw Lili ee kewhap dangsii buanxan?
E: Cunx kacc byy jit guehzit. Dyrvyr, liw si beh…
(quasniax)
V: Snuaqog ee qoxcuehuex
diamrdi aw diamrdi
ix ee simqnuax benw langg jaix
giamxgne ee huejangg
cuttauu ingxx u sii
Derr Go Qxingw
imgagsig
(V: Vikhap, LQ: Liuw .Qyx)
LQ: Vikhap Jew, anxnex u duxduxx hyw quanqe bor?
V: Kacc qe .damrvyc .aw knuar mai.
LQ: Rair qyckacc qe or. Qamxx hyw?
V: Ngua kuanw ngua kuanw kacc be iawsen.
LQ: Quikir ngua liw jre. Beh air zuarr qe, liw qaqi ciauu.
V: Anxnex qamxx hyxser? Guaw jit xee luxliuu. Acc liw jniawvan ee sensnix ne!
LQ: Lanw iarr m si co' sigsai. Dnaxx liw Vikhap Jew iarr e qniax pnaixser? Penr langg' decc m bad!
YES, SIR
Derr Id Qxingw
qangcniuw
(D: denrsi qongxqyr, N: NO. 1~3, Q: qongxvyr)
D: Singsanxliong derr id quann, qonghau derr id janw, jiac den jiyw qycc be qowjiongr. Asia ee qiaugno, tong' sewqair ylyw. Qingwcniaw jicii, program singqib. Liw lanw ee birlaii, ingxuanw qniaa dirr siongrr taujingg.
N1: Liw qinaxzit longxjongw jyr quiw qnia?
N2: Kacc byy zi-jap dnraw.
N1: Zi-jap dnraw! Acc m dyrr nng-vah gua ~ ~?
N2: Nng-vah snax-jap-lak qnia narnia.
N1: Qacc uaw zxic-aw-sir, vacbin jnriu topu. Ueer, u simxmih viwquad iacc petvo, m dyrr siyw qar .jit .xe.
N2: Sidjai byy lar. Guaw longxx jiauww denrsi qar :ee, dagg qangx dngw .kir, denrdii vrag .lyc .laii singx ciongx den. Bateri den jiac vaw vaw, qecdngw qangx jycsid dyrr u kuiwlat.
N1: Acc liw m dyrr u iubi :ee?
N2: Hex snesingg :ee lor. Qycc qenwnarr hiyckunwzit, qaidongx crid :ee crid, qaidongx lur :ee lur, an' taukag qaur kavnuaa, dagg xui guaw dy' jiauww kixqangx.
N1: Liw urngiaw gauu vyxiongw dyrr driyc, iarr bogquair liw suwsiongg decc quanwdniuu.
N2: Marr byy jin' suwsiongg lar. Jit guehzit qunvingg m jaix u snax vaiw .byy.
N1: Aiio!
N2: Liw si anwjnuaw? Byy-dniu.-byy-dii aix qaxx jiacc dua sniax .diyc.
N1: Acc dyrr ciuxnguaw lar, ngingix-nguairnguai, snisnix-snuairsnuai, tniar qaxx!
N2: Tacc e anxnex? Duxjiah knuar liw dy' iauxx hyxser ~.
N1: Guaw jitt xee qingqacqud qurnii kir juai .diyc, cinwcaiw dinxdang diyc, liammix jiax sngx, kacdingg aw hiax tniar, jiokk byy lorsaiw.
N2: Nng vingg longxx e tniar?
N1: Qanda' dywciuxvingg lar.
N2: Guaw qra liw siyw qiamxjax .jit .xe. Mrqycc, liw ciuxqud ee kaiquanx diyhh singx qnuaix .kiw .laii kacc be siy' pah den.
N1: Qnuaix :ar.
(N2 dirr N1 ee qingjuiqud cic .jit .xe, qra ix ciuxqud ee tickag vrag .lyc .laii, ciuw nirr tec jit qix ciuxden, jiax ciy, hiax ciy.)
N2: Qutlunn jiax u jit xee losix ling .kir.
N1: Dangsi'aw dyrr si anxnex or. Vaiwtog liw qra sryw hro ann. Tokax hitt kax qesisniux-aw lairdew u losiqaw.
N2: Liw jex losix uree longxx cnriu ticsenx, hyw ngua :ar.
N1: Jiacqycc venrknuar lar. Jitt qywguec dua guec, byy hitt hy ingqangx ngua losix.
N2: Ser kangx m qinw vow, dua kangx liw dyrr qankow. Siujingw vxo zxic-sir siyxsii longxx u qaivanx :ee. Diyhh vuah jit xee qangx hro inx knuar .jit .xe kacc vyxniaw.
N1: Tniax qongxx siujingw vxo jinw longxx jniw jiauw-aw, kap be diyc dyrr beh qra liw qui' jxox tiah driau. Qesix ing quw, qeqiamw e siaumoo. Dngw .kir, guaw jiacc ing ox iuu siyw vyxiongw .jit .xe.
(jit xee cing vec guartac-aw :ee qniaa uaw .laii.)
N2: Tauciuw :ee, liw u cud gua xngiuu, u kir jongxvo quewtuanr sriu hunwlen .quer unxdangr kacc bad. Ix ciuxqud decc huah tniar. Liw laii qra knuar mai.
(N3 qniaa uaw kir knuar)
N3: Jex siyxkuaw jetbok. Sinx ee program qongr .lyc .kir, jit xe aw quw dyrr hyw li li :ar.
N1: Guaw jitt sxenx qu hxingg :ee. Sinx ee program ham' guaw vunxdew :ee qamxx be duiwpah sna' duw?
N3: Jiauww qongw si be lar. Si qongxx, byy qah knuar, ingxuanw marr m jaix.
N2: Jitt juiw ee hxuer, u hongsniax qongxx si jongxvo inx hiax ee huewbuew, janvo. Qamxx urngiaw?
N3: Cinwcaiw qongw qongw lehh! Jex duarsig hxuer, u jnii dy' byy itding brew u. Hex si lanw tauwdew duiww jongxvo u sixdiongx, qycc lanw qisut marr jinjniar u qaur hiax, langg' inx mrjiacc qnaw hongwsimx aw qra hxuer qaux :lanw.
N1: Si qongxx, qamxx diyhh qaur jiacc quir? Jit quaw lilixkokkog ee puewqnia byy air, qongxx marr rair jnriu bxan!
N3: Lanw tiacvec qongw, jitt jxox sidjai byy siok. Jinjniar dyrr amrqunw snex liuu duw .diyc .ar m. Lanw narr byy qnuaxqinw singqib, byy duer inx duer kacc diauu lehh, banrvutzi hro inx vangr hetqak, hex dyrr jniasit hai liauw liauw. Jiwjiyw, inx u vauvyw nng nii, u simxmih qyc'ngiu, benw jnii qra lanw congr qaxx hyw.
Q: Tauciuw :ee, tauciuw :ee. Qangdingg vxo jrig qui' din danw beh jrngx sinx ee program. Cniaw soksog qauwui, soksog qauwui.
N3: Inx decc qra guaw hiux :ar. Guaw rair singx sitvuee. Linw sniu u tywdongr, tangx laii qangdingg vxo cue :guaw. Guaw e hro linw damrvyc aw qat'inw. Qanda' linw nng xee jiacc u :ee oox.
Derr Zi Qxingw
genxqiuwsig
(N: NO. 4~6)
N4: Linw laii qra guaw camkyw .jit .xe. Jitt hxingg :ee linw u qacbak .byy?
N5: Ngngr, qaxnaxx u kacc liaursiauw ne.
N6: Hner a. Qycc sikjuiw marr sniu' qiaux.
(N4 sui' qycc kir vnir vnir iong iong lehh)
N4: Acc narr anxnex lehh?
N5: Hmr, be baiw, u qex kacc suiw kuanw :ar.
N6: Sokdo narr erdangr qyckacc qinw .jit .sud .aw dyrr jabjngg :ar.
N4: Ticpniaw kacc u dang, narr alumi dyrr kacc kinsinx. Linw siyw tingwhau .jit .xe, guaw qycc laii ciauu knuar mai.
(N4 sui' dyrr kir congr)
N4: Jitmaw sniaw kuanw?
N6: Ngeex! U venr kacc qinxciuw :ar dyrr driyc. U gauu, u gauu.
N5: Lanw byy cinwcaiw decc qa'ngg ylyw. Liw ee qanghux, sidjai be kacc sux hitt quaw u quer qiamm juiw :ee.
N4: Lanw jiax zinjaii jermixmuaw. Lanw byy jyr, vadd langg marr e kiyh kir jyr. Jitt jam aw guaw u decc jinwhingg jit hxang qewik, dyrr jinjniar qohangg-dogci, vadd xui aw byy der cue.
N6: Qewik? Simxmih kuanw ee qewik?
N4: Linw iauxx e qir .did bor? Jinwjingg lanw kajiacpniax u draur jit der aenn, au .laii jongxvo rair lanw qinw vrag .lyc .laii, qongxx draur quw duiww lanw sinkux u vairhai hitt der. Guaw huatqenr qongxx, narr siyw qaqangx .jit .xe ngua draur dirr lanw taukog, aurzit aw lanw jiac zidtauqngx dyrr e dinxdang, benw qycc ciongx den.
N5: U jitt hy jiacc hyw kangx :ee! Si urngiaw iacc byngiaw?
N4: Liw knuar guaw qongxue qamxx u singg decc qunxsngxciyr ee kuanw?
N5: Acc si u unw .byy? E guihiamw .be?
N4: Guaw taubuew cir quer jnia' cingx vaiw, dyrr dna' u jit amr nguar kunr, qaqi sinkux ee bateri byy qraur den, jit sii hongxhud draur cabiu .kir. Narr byy, vah hunx ji' vah longxx u sxingg.
N6: Beh dniudaur hitt der, guaw decc knuar, qanda' qangx dyrr byy siok.
N4: Cimxtauu aw snevunw e kacc quir. Danw liong narr u qraur, qewsiaur dniardiyc e lag.
N6: Liw u siyw diak .jit .xe bor? Narr beh draur jitt jxox, dairkair aw jit sxenx rair kaix zuarr je?
N4: Go-bxan ingwqaix e diyc.
N5: Qniax dyw langg, rair qaur go-bxan! Guaw jit guehzit ee denrjnii marr jiacc cid~veh-vah.
N4: Quah bah jit vaiw tniar. Simqnuax lanw diyhh sniu kacc dngg lehh.
N5: Lanw ing den qui' vah nii dy' iarr quanwsir quanwsir. Cactauu cah .lyc, denrdii ngua .jit .xe, den sui' dyrr laii. Jit sniax rair langg zimm go-bxan kox .cud .laii, lann or!
N6: Draur .lyc narr u herhang, qyckacc quir, qiamxcaiw marr u langg beh cir ing knuar mai. Beh kaised dirr taukag-lai :ee, aurzit aw e u sionggai .byy iauxx m jaix. Lanw qongw jit qxur kacc sitlew :ee, benw jnii beh qra guaw anjngx, guaw dy' iauxx jnia' kyxlu lehh.
N4: Jongxvo denrjnii huah kiw dyrr kiw, iarr byy decc cab liw lakde-aw dre vongrjiw. Amrqunw vutsii hro langg' dnec diauu lehh, cuanw jit xe kuir dy' gairgiyc.
N5: Nacc u huatdo. Den dy' inx decc vauhangg vaube.
N4: Lanw jitt dai :ee sittauu iauxx e jyr. Banrvuthing narr u jit zit, jongxvo knuar lanw naxx pnaiw tih-aw, den byy qycc u paiwgiac hro :lanw, qaur hitt sii, lanw m dyrr qui' din jyr jit xe qniaa .kir, beh kaur dy' byy bagsaiw?
N5: Jongxvo e jiacc hiongg qaax? Liw duxjiah qongw draur hex jit jxox rair zuarr je?
N6: Benw qniax lar! Lanw simxmih kuanw qiycsiaur, beh nacc e venr pnaiw tih-aw? Lanw jitmaw diyhh qnuaxqinw jyr genxqiur, knuar qisut anwjnuaw e qyckacc jiongxjinr. Mihqnia jyr liauw narr iuwlo, u nai, lanw dyrr be ho'ngg knuawkinx. Sinhun qig e dang, air ing den, kacc je jongxvo marr e ingwhur lanw qaxx qaur.
N4: Guaw sidjai sniu behiauw. Linw dyrr qamguan buxkir ven ven vangr lecc jnriu osenx, iarr byy beh bongxx giac kiw laii lang knuar mai?
N6: Banrid lang jit xe narr diyhsiongx lehh? Liw qamxx dyrr u jaidiauu qoo? Jex sniwmia qaudnii ee dairjir, dyrr m si ginxaw decc vanrqonghuexaw qyc!
(N4: bin hiongr N5)
N: Acc liw lehh? Liw iarr knuar jex jyr ginxaxsngw?
N5: U jit qxur ue decc qongw, qongxx siax siw kacc qniu hen taii. Denrjnii jit nii jit nii quir, jex sursit. Kacc vaqed lehh, katqinx sidjai iauxx erdid quer lar.
N4: Kacc qongw lanw dy' tih pah :ee. Byy simx, byy qnuax, siongrr liauxzenn :ee, lanw urngiaw kiamr jit liap dnaw.
(N4 uad lehh jauw)
N6: Ix siyxkuaw u puac puac. Siqanx qapp soxjai narr ciauu e hyxser, binaxjair, guaw jiacc qui'ee laii qra ix kaipuar.
Derr Snax Qxingw
dua ciu-kax
(N: NO. 7~9)
N7: Lensiysuar quixnarr qywguec longxx byy sittauu. Ingg qaxx qycc liac byy satbuw siy' qa jiacc e hai.
N8: Liw marr decc gauu hnaix. U tangx cing'ingg, liw iarr hiamm.
N7: Quw byy dinxdang, qinqud e snex sxenx. Jex liw m jaix? Qongw jiacc decc qongw. Jongxvo hitt vingg byy-dongr.-byy-jing, qamxx be sniu' huanxsiongr?
N8: Si dyrr driyc. Sinx ee program dangsii beh cud, jitt kuir marr longxx byy vangr siausid hro :lanw.
N9: Linw tniax dyrr hyw, mair quewcuir. Guarkauw u decc hongsniax, qongxx lanw jit quaw kangkuer, jongxvo anwsngr beh ngua tausnix-aw lyc kir jyr.
N7: Liw decc qongw hamr qxow. Tausnix-aw beh tacc u jaidiau jyr?
N9: Vadd xui aw ee sinbunn tniax qongxx vyr qaxx, jingcax lanw jiax ee vywjuaw, jit zri dy' byy siaw.
N7: Guaw knuar jex iurqycc lorvnix ee siausid kacc duarbin. Lanw qapp jongxvo cing qangg niaw kor, siy' qing siy' tin id~zi-jap nii. Byy-sur.-byy-qor qongxx beh hiaux :lanw, sidjai byy dyrliw.
N8: Lanw jiax uree jitmaw juann jiac zidtauu, cur-lai jit quaw denrsnuar qapp daden qongxx longxx siux siux .kiw .laii byy decc ing. Qamxx e jitt jann tuann kir qaur jongxvo hiax, inx nrauw .diyc, ing jitt vo beh qra lanw qawquaix?
N9: Iarr jaix, pacsngr si ee kuanw.
N7: Jitt xee siausid narr u jniasit, guaw qongw jongxvo marr decc gamrbin. Tausnix-aw beh nacc hro inx sraiw e qniaa?
N8: Jingsnix dy' dna' qor jit xee vakdow be iaux narnia. Narr ing qorr hyw liau :ee qra snriaa, laurhow sui' quaix qaxnaxx niaux.
N7: Tausnix-aw dandanx qnialo diyh'air iong qaur sir qix kax, zim inx zuarr pacvniar jyr marr m jniaa sittauu lar.
N9: Tniax qongxx jongxvo anwsngr singx pacpair jit quaw kacc codang, kacc byy dongwliongg :ee hro inx cir knuar mai. Jyr narr u dioglok, jit vo jit vo hunwlen jiacc dauc dauc aw laii.
N8: Jongxvo vunxjnii cox, qycc gauu vniwqingw, how var sraix cnxiu huanrser aurzit aw tangx hro inx dirr qeaxlo kanx lecc qniaa. U ngiu tranr ngiu. Lanw suacc berhiauw crex dix crex qxauw, qyckacc anwjnuaw marr kacc ngiaa qaqi jauw.
N7: U tongx oox! Lanw decc yc ithiongr jiokk qinw, beh yc inx caulen tausnix-aw jycsid ingqaix marr be kunwlann jiacc si.
N9: Jongxvo qyckacc hiongsiw, beh qra lanw lyc jyr sir tuiw, inx iauxx e jiauww quiqiw, be luanrlaii. Jingsnix-aw kanx qaur dyhh dy' jingsnix-aw, vec juaw ox zri inx m bad, cuir qongw dniardiyc marr byy decc qra liw sinwdauw.
N7: Guu diyhh qngr pni jiacc kanx e qniaa, bexqarqniux lrik diauu lehh, bew dyrr be siwqer lrong. U meqag lar.
N8: Jex urngiaw. Qesix narr ing liauw driyc, sittauu decc jyh dyrr nngxlo :ar.
N9: Acc m dyrr knuar qesix qamxx draur e kiw .kir? Lanw simxmih kuanw sinmia, e kamx did bexkax tad, e kamx did guu dag?
N7: Dagg hxang longxx qniax, acc dyrr benw i :ar.
N8: Dyrr driyc m. Kacc hyw hanr lehh. Qniax qniax si beh anwjnuaw e diyc dringw?
Derr Sir Qxingw
qangdniuu
(N: NO. 10~12)
N10: Linw u tniax inx decc qongw .byy? Qongxx au qywguec jongxvo ee lau sxaix :ee beh laii.
N11: Diongdaur ee sinbunn, dagg daii dy' vyr qaxx vinwviangr qiyr. Beh m jaix marr yh.
N12: Qongw simxmic beh laii qar lanw anwjnuaw qngr gupni, anwjnuaw draur bexsyh. Guaw decc knuar, si beh laii qamwqangx kacc urngiaw.
N10: Diongdaur u jit diauu sinbunn marr vutjiw aw dua diauu, qongxx genxhuad vormngg muanii kaciuw beh taii jidvnuar.
N12: Dnaxx hitt xee vormngg juann jit quaw hamm-snax-kih-sir ee siauw :ee. Simxmih qiyr lanw den mair jiac, qaiw jiac zidtauqngx lor. Cri cri hiaxee e jiac be siy' jringx :ee beh nii? Qui'ee jongw pud driau guaw qyckacc hnuahiw.
N11: Benw qycc huir simjniaa quanw quanw hiaxee. Qinsiok, jingsnix-aw dyrr beh zip sniaa :ar.
N10: Tniax qongxx jingsnix-aw gauu jiac, gauu vangr, qycc e isix.
N11: Jiaxee iauxx hyw lixlag. Narr e qa :langg dyrr jniasit jiokk pnaiw vran.
N12: Linw longxx sniu baiw :ee, byy decc sniu hyw :ee. Kacc anwjnuaw qongw, au guehzit kiw, juxqongx diyc lanw jyr.
N11: Hex urngiaw or. Lanw decbeh cut'un :ar.
(sendong)
Senx :ee: Verbuw snex gunw qodnuax xee. Jiacc jyr jap-lak huer, muaw bin hilanjeh. Bak jit nih, taumngg cuiwciux vec. M guan lar m qamguan, qui' siwlangg tauu lee lee. Jitt sxer ee uwuer jitt sxer cringx. Au siwlangg, quatding beh c.-cingvik-v.
Hilanjeh
(sendong)
Senx :ee: Verbuw snex gunw qodnuax xee. Jiacc jyr jap-lak huer, muaw bin hilanjeh. Bak jit nih, taumngg cuiwciux vec. M guan lar m qamguan, qui' siwlangg tauu lee lee. Jitt sxer ee uwuer jitt sxer cringx. Au siwlangg, quatding beh c.-cingvik-v.
jenxhuad dxiamr
(J: jaboxqniaw, B: laurbuw, V: laurve, L: langkeh)
J: Langg a'Qiaux inx a'buw jit sniax dyrr qra rinr hyw, qycc qongw jnii ix beh jongw cud. a'Qiaux dna' kicqautauu jit dah aw nia. Guaw si tnuar qaxx qui' bin bat bat si!
B: a'Qiaux inx laurve giac ciuxsuddyx :ee. Linw laurve giac :ee si tiwtaudyx. Jit langg be viw did jit langg. Liw kacc zinrhun lehh kacc hyw quewzit.
J: Jiac, druar qapp lorhuir, guaw qaqi jiacc laii pacsngr. Linw qra guaw draur cud iliauu ee kaihuir dyrr hyw.
B: Liw jiacc air suiw beh nii? Langg' gunw dirr linw jitt xee huer, cuwvnix qecviah dag'ee marr nriaux. Bin qngsnix byy vax :ee dirr lo nirr qniaa, dendyww e hro langg liac lecc jinn.
J: Sidai byy qangg :ar. Dnaxx jinw, jabow, javox, dua hanr, ser hanr, dycc jit xee byy air suiw?
B: Guaw dyrr be air suiw.
J: Liw cutmngg, byy-jng.-byy-tna, lenrr juixhunw dy' m qramx brew laii buah. Qenww vaiw qapp liw cud .kir, guaw longxx jiokk qenwsiaur.
B: Liw byy qongw, guaw qycc m jaix. Dangsi'aw linw buw :a hro liw jiacc lakkag or?
V: Linw caw u qaur kuir .bue? Guaw guarkauw jit liap tauu dngdecc tir. Linw buxaxqniaw dirr lairdew ziongw qaxx duarser sniax, iarr m qniax langkeh kiycciyr.
B: Liw jitt jun zip .laii siongrr duxhyw. Linw simqnuax aw vyxvuer air beh kir doci ho'ngg liyy, kir ho'ngg quah. Knuar liw jitt xee jyr laurve kingw bor?
J: A'buw, liw tacc beh anxnex luanrsuw qongw? Langg' guaw si beh qra bin :ee taixqyx lrann danwsag. Simxmic decc ho'ngg liyy or. Dyrr m si hii qyc!
V: Pongwhunw, qyiyc, dagg hxang guaw dy' u qra liw kuanw qaxx diyc. Hiaxee, liw qamxx longxx ing liauw :ar?
J: Ing qorr buah :ee, bin dy' be kamx did criyh diyc damm. Dna' hormngx-aw punr .diyc narnia, jit xee bin sui' huex .kir .ar.
V: Denrsi dingxquann u decc qongxqyr jit jiongw iyh'uann-aw, qongxx jin' u haurlingg. Liw beh jiac knuar mai bor? Uatqag hitt qingx iyhpor qaxnaxx u decc bre.
J: Vaa, liw cunvan beh jaboxqniaw kuair siw be lau m? Hex iyc-aw zuarr dok lehh, liw m jaix? Binrpuee junw rix e hyw, vaklai qui'ee hai hai .kir, kax kacc dua srinx dyww jiahlat.
V: Acc narr kir, longxjongw rair kaix zuarr je?
B: Rair bre jit dongr lau'axcur jiacc u qraur lar.
J: Benw qaur anxnex lar. Guaw knuar qac'ir :ee hitt qingx isingquanw diongvan aw, be qaiww quir lar.
V: Asaburu :ee nacc tangx? Jit jua lo hiacc hng dy' vniar .kir .ar, m dyrr cue suacciuw :ee jiacc hyw. Knuar rair zuarr je, liw qra guaw qongw, jnikangx guaw jiacc laii jongg.
J: Vaa, tingwhau guaw jit xee bin suiw suiw dngw .laii, taulo dyrr hyw inw :ar. Liw tiwtauu-dxiamr tingwhyw siux siux .kiw .laii. Jaboxqniaw beh tanr dua jnii qra liw iuxhaur.
(jaboxqniaw trer .lyc .kir)
B: Liw jinjniar beh hro ix kir or?
V: Byy, beh anwjnuaw?
B Liw u nng xee jaboxqniaw ne.
V: Ser jiah :ee narr u decc caw jiacqycc pacsngr.
B: Acc m dyrr qoxir :ee jiac byy m?
L: Sxaix :ee u dilehh bor? Tauu laii tir .jit .xe or!
(Sendong)
Senx :ee: Viwquathngx siaw dirr ceh. Jaibad :ee ar, cutsir iacc bue? Laursinx :ee lau kongqen, be kamx did Giamlyongg duarpo jit uec. Be danw tihh, be danw tihh lar. Siongrr buew jit kauw kuir, cunvan ciangg qaur drew.
Derr Zi Qxingw
ci-aw
(SQ: sels qxah, SX: sels xid, OK: oksang, OZ: ozisang, HQ: Huad .Qyx)
SQ: Laii laii laii, jaboxqnuax, zip laii bongxx tniax knuar. Hyw kangx :ee jin jitt qangx, kavo byy hiyh si e quewjua.
OZ: Huah i'yx :ee ar. Langg' vadd dnar ee huewvan vaii qaxx byy lo. Dogdok linw jitt xee dnaxaxui kangx lylyx, dnaxx linw si decc vnir dycc jit cud :ee ar?
OK: Hner m! Kanwvanw siaw qaxx dua dua zri, qongxx simxmic ham' hilanjeh sixgnoxket. Iyhngii, iyhjuiw, iyhhunw iacc iyhvniaw, liw dyh-dingw byy qaxx jit hxang u.
SQ: Oksang, jiycmng lanw cur nirr ginxaw quiw xee?
OK: Nng xee. Anwjnuaw?
SQ: Acc inx qinnii quiw huer?
OK: Jit xee muanii beh zib'yc, lingrgua jit xee duxx dorjer.
SX: Jnia' hyw, jnia' hyw. Longxx iauxx e hur.
OK: E hur? E hur sniaw?
SQ: Angg ngex-aw diyhh danw ix huad cuiwkiw. Acc narr lak~cid huer :ee, jiauww guanw ee kauxqaur, snax dxngr jiauww kixqangx kuanw hro jiac, vyxniaw ginxaw duarhanr, hilanjeh be laii dakdnii.
OZ: Dangsi'aw linw decc qar langg anwjnuaw juxjiac or. U kiauw, u kiauw. Jitt hy singliw longxx benw vunw.
SX: Guanw jit xee simx laii beh qapp lanw hiongcinx sirdua qet'enn. Jiac narr u hau, jiacc vaiwtog dag'ee hni tuann hni, qinw qinw vyr hro cingjniaa qapp cuwvnix.
OZ: Jiac benw or! Byy liau :ee qamxx u hauriong?
SX: Linw tangx cir knuar mai, ginxaw jap-lak huer dyrr jaix su'ngiaa.
OK: Hex rair qycc jnia' jap dxangx lehh. Huiwkir-huiwdag.
(oksang qniaa lirkuix)
SQ: Jitt xui hniaqyx, acc liw…
OZ: Benw benw benw. Guanw daux :ee longxx dua langg dua jxingw, sui' xee aw longxx nriaux jiuwjiur :ar. Huelenxbin linw qamxx u jaidiau rix?
SX: Liab'axhunn vyh qnaxx jit siwlangg rair dair diauu diauu. Siongrqaiww byy, dikkag be qycc tnuar .kuix, jex guanw qnaw dah hingkamw vyxjingr. Narr jiac u diauu drew, vnerbuw e jurr anxnex byy .kir, jingwtauu be qycc trngg hro au dai.
OZ: Jiacc hyw ing? Guanw giac :ee si dik'axdi. Linw jex hniuqobah, guanw m qnaw gneh laii puer.
(ozisang uad lehh jauw)
SQ: Huad .Qyx! Lanw qamxx si Huad .Qyx?
HQ: Ar, si linw or. Qiuxqenr qiuxqenr.
SQ: Hner a. Acc liw si laii kuanw sniaw? Qnrua qaxx dua xee ser xee.
HQ: Suacc m jaix jit kunr diyhh kuanw jit dnraw, inx jiacc u beh jiyw sngr .quaw.
SX: Liw decc hro linw ginxaw jiac iyc-aw?
HQ: Acc dyrr u cuwvnix decc vyr, qongxx jex jit liap tunx .lyc, bin qimqut aw qimqut, tangx dongr lecc jit lexvair.
SQ: Anxnex tacc ersaih! Jinwjingg guanw dyrr itjair dinglingg, qongxx guanw jitt tiab jiahsit beh u qniakir, tng'iyc dyrr m tangx qycc qongr.
HQ: Byy brew hro :inx, jit xee bin nriaux viwvar, qapp langg' kia dangjee, tauu henrhen dyrr dnax be kiw .laii.
SX: Linw siongdongx jiac marr u jit jam :ar. Jitt jun tingg, bycaiw lar.
HQ: Linw cuisag jitt bi sunzenn hyw ir, jex guaw jin' jaix. Lanw qongw jit qxur kacc sitlew :ee. Ginxaw jit zit jit zit decc dua. Snax xee qa, iauxx bue qnir diyc nga. Guanw jyr verbuw :ee, dniardiyc rair ter inx qycc pacsngr.
SQ: Iyc-aw dy' vai sin, siongx qnuax.
HQ: Be lar. Langg' qongw jex sunn tenzenn :ee, jiac qyckacc je marr byy vairhai. Lanw dyrr sidjai kacc byy qraur lat. Beh narr ginxaw u tangx jongw sangr kir bixiongg vnrix binrpuee, guanw jyr sirdua :ee marr benw vutsii decc huanlyw qongxx jiac jitt hxang iacc jiac jitt hxang kacc driyc. Pnaixser lar, nng xui siauwlenhniax, hro linw jiacc huiwsimx. Guanw kanx:ee dirr tauqaur hiax decc danw :guaw, guaw rair singx sitvuee.
(Huat .Qyx qniaa lirkuix)
SQ: Hmr, anxnex qycc qniaa, guaw knuar m si lo. Lanw diyhh qniaa qnuatniax hitt diauu jiacc si jniawdoo.
SX: Qnuatniax?
SQ: Hner a. Lanw jit snuax quer jit nxiaw, u cuir qongw qaxx byy nua. Qnuatniax narr ter lanw hongwsangr .jit .xe, vecsner kacc beh sinr, lanw decc sag dyrr knuiwuac :ar.
SX: Liw m jaix hitt quaw bre iyc-aw :ee, jairlaii qapp qnuatniax longxx decc taux laii amr kir. Dyrr byy decc cniar qxuiw tec iyhdnuax qyc!
(hng hng nng xee dir by-aw :ee qniaa uaw .laii)
SX: Qongw langg, langg qaur. Siux siux lehh, lanw hyw laii jauw.
SQ: Lanw byy decc bre hoxiyc, iarr byy kyr jex decc juanxjiac. Tacc diyhh qniax :inx?
SX: Qnuatniax narr cunsimx kiw byy kangx, pni-aw bongx lehh lanw jyr vecsner :ee iarr diyhh zin. Pag lehh kacc be diyc cingx lar. Qniaa, qnuaxqinw laii suanx.
(nng langg jauw lirkuix)
(Sendong)
(Senx :ee): Dirsii qnir qongbingg? Gunw ee simqnuax aw vyw, cinciuw jiong' liw draii zip too. U enn :ee bue hur qaur, byy daruaa, miarun ham' langg jyr duiwtauu. Guu-iaa bew-iaa cuix qinw qinw. Beh qnir lanw diyhh dirr tendingg, gunw jyr sniar langg, tnix qngx liauxau.
Derr Snax Qxingw
hak-aw
(S: sirduarlangg 1~6, H: haghaurdniuw)
S1: Juw qaxx byy-bi-byy-sor, duarlangg dy' jiac be lyc auu, byc qongw kiycc hiaxee hagsingx-ginxaxpiw.
S2: Langg m jiac, hyw diyc dix. Liw byy knuar hiaxee cri dix :ee, punx dagg qangx siux be hur, sraiw tulaku laii dy' jair qaxx berdid dngw .kir, dix-aw dagg jiah dy' cri qaxx kaqud qxongw qxongw vuii lutlud.
S3: Hner ar. Acc qaqi ginxaw jiacc laii cri qaxx cunx jit qix qud.
S1: Gunw ginxaw byy air qycc jiac jitt hy jniaw puhpuc :ee. Inx beh jiac hyw liau :ee, cincniu ixjaw qangrkuanw.
H: Hyw hyw hyw, guaw qiyr langg sui' kir huadlyc.
S4: Banrcniaw lehh. Dnaxx inx jiac dy' iauxx byy vnuar qywguec, nacc tangx huah suah dyrr cexvaiw? Siongrr byy, linw marr tingwhau jit guehzit muaw, sii qaur knuar anwjnuaw, dag'ee jiacc laii ciauu.
S5: Lun kiw jin' driyc. Guanw haursnix taukixsingx uanaxx caw beh qycc jiac jniwlo :ee. Guaw m vnir hro :ix. Kacc kir dirr haghau, qongxx diongdaur-dxngr ix dagg zit qui' nguaw vng jiac qaxx qngx damdamx, jit liap vngrliap dy' byy pacsngw.
S6: Driyc lar. Ginxaw m hyw tingw. Jiac hro quanwsir dyrr hyw.
H: Narr anxnex, byy, guec-drew lanw jiacqycc lun.
S2: Qycc tuax qaur guec-drew, kiongxqniax sii qaur, gunw ginxaw dy' gy .siw .ar. Jingrr qaur dnaxx ix sanw snax qongqinx jiokjiog. Vadd langg ee qniaw siw be liauw m?
S4: Jinwjingg, liw vutsii hiamm jaboxqniaw sniu' dua kox, guaw dy' iauxx e qir .did. Jinw venr kacc sanxsyh, liw iarr u ue tangx qongw.
S2: Dnaxx liw marr decc ciywkuex. Air vuii air sanw, jex guanw daux ee dairjir. Liw narr jinjniar jiacc u simx, jauwkax obasang juw qaxx qankow-juerquar, iarr m bad knuar liw qniaa kax qaur kir qra inx uiwlyy .jit .xe.
S5: Qangrkuanw decc juxjiac, qycc vnivnii hiaxee hagsingx-ginxaw iarr byy kacc qex. Inx huah qankow si uirr dycc jit jann?
S3: Suacc m jaix pnaiw liaurliw, berhiauw juw lar.
S6: Berhiauw juw? Qacc jiacc qrii? Inx longxx u vaii :ee ne!
S1: Qurdew ee caiwsig, langg' inx quixlyrr jap dxangx dy' cuann qaxx jiokk quanwciuw, bagjiux kreh kreh dy' tingwhyw iong. Dyrr u langg hiauhuex lar, byy-dair.-byy-jir vnir vnir hiaxee cuttauu, hro langg' jyr qaxx beh sriaux pniax. Tiauqangx beh qa'ngg jautad marr m si anxnex.
H: Byy byy byy, m qnaw, m qnaw. Obasang qui' nii tangr tnix dirr jauwkax juw vng hro lanw jiac, lanw qamxsia dy' be hur :ar.
S4: Inx longxx hang-aw-lai :ee, qycc u liaurliw-ceh ven ven dilehh. Narr kingw jit jensii, jit haurhiax, s.-sidjai-j., kacc benw jit lexvair, beh jenx, beh krongr, beh sac, beh dim, bylun dycc jit cud, longxx kyw inx be dyw jiacc driyc.
S5: Jex guaw beh sinr. Lanw iarr tangx cniar jit xee qra inx siyw kankiyh .jit .xe, inx beh jairciuw e qyckacc qinw.
H: Anxnex hyw. Guaw binaxjair sui' laii cniar knuar u .byy.
S6: Danw jiac narr quanwsir, e qaccuir, jaixkixdngr marr tangx suar lyc kir vran.
S2: Zuxx qongw zuxx m jniaa textongw. Linw narr ovec laii, gunw jnii byy air qycc qriauw. Guaw jiacc knuar linw qamxx iauxx vnir u lenw.
S4: Jitt xui mamax, lanw singx mair siurkir, simxmih dairjir dy' tingww camsiongg. Byy, anxnex lar, haghau cuann :ee linw narr byy air jiac, linw tangx qaqi jah venrdongx.
S3: Vng quer cuex .quer dyrr pnaiw jiac lar.
S5: Siqanx qaur linw jiacc qnrua .laii marr ersaih.
S1: Taur diongdaur, zidtauu iam jngwjngr. Vnivnii lap hiaxee jnii juwceh, jnuaxngiu diyhh hanrdnia gunw sangr?
S6: Guanw jiahtaulorlangg, jiac vng ee siqanx si jrig .cud .laii .ee. Linw jyr a'naiw :ee kacc ingg, qycc u suxiongrlangg ceing. Linw qaut'ir beh jiac qapp langg' byy qangg, dniardiyc si linw laii sangr kacc tongx.
S2: Haurdniuw, liw narr tniax inx ee cuir mimii beh qycc bruw .lyc .kir, kacc sitlew, gunw e kiw langg cniaw liw hardaii.
S4: Haurdniuw, dongqisii liw jin' jamxjec, vadd qingx haghau iauxx decc jiac hitt hy sngx quaww qiamm quaww hiamx ee qnedngr, dogdok liw qencii rair hro ginxaw ngua cuir jiac kacc jniaw :ee. Hyw tauu suar hyw buew, qongdig jiacc u uanmuaw.
S3: Knuar jitt xee vanrser, linw cunvan ham' gunw duiwtauu jyr qaur drew m? Hyw, dag'ee jiacc laii vniar knuar mai.
S5: Laii qyc. Qniax :linw?
S1/2/3: Byy air qycc jiac vehjniaw byy bi :ee.
S4/5/6: Byy air qycc jiac dang qiamm.
S1/2/3: Hingg gunw birsor-iamm.
S4/5/6: Gunw beh sintew iongxqnia-q.
Derr Sir Qxingw
siddngg
(J: jongxburdniuw, H: hunwdyrdniuw, Q: qauwburdniuw)
J: Jiac jex adok'aw ee mihqnia qamxx hyw? Iuu lecleh.
H: Iarr u huatdo. U langg tyw beh jiac dang qiamm. Qurdew ee cair narr kiyh dngw laii jiac, sui' xee aw iurqycc venr bixtaibin. Haghau byy cingjing, hagsingx-ginxaw tagceh beh nacc e quisimx?
Q: Quer qiamm juiw kir ciuxsut idi :ee, inx dirr guarde uanaxx jiac jiaxee.
J: Anxnex qongw marr urngiaw. Adok'aw ee cantniax jinw muaw muaw si, dagg qingx langkeh dy' tattad dni.
H: Qinduxx, jiac guarqog aw liaurliw si qadniuxhue quad :ee. Ginxaw inx snix :ee, su'ngiaa inx qaqi dnax lar.
Q: Qongw jiacc decc qongw. Hitt vunw liaurliw-ceh, lorbuew inx quatding beh kngr dirr dyhh?
J: Qongxx beh qra siujunn dirr sinx kiw ee jit qingx pokbudquanw. Qongxx qycc e cniar juandoo :ee ceid jap-go kir hiax cingw tunn.
Q: Liw narr u mng diyc si dyc'ui ee pokbudquanw, jiacc vaiwtog liw qra guaw qongw.
J: Beh congr sniaw?
Q: Guaw beh laii qra knuar.
H: Guaw marr beh, guaw beh duer liw laii kir. Liw diyh'air e qir did qra guaw jiyx oox!