posathing

1. caiwquex mw :a

Caiwquex Mw :a dirr aurdniaa dah jit vnxee caiwquex-vnxee. Ag juiw, lyc vuii, srunn tangg, jiauww sii jiauww jun jiauww kixqangx, sunrtauu-sunrlo. Cuanwngiw, suanx dinn, tror huex, qaur-sii-qaur-hau, caiwquex sui' diauu aw dua, huad qaxx cnix liangliangx, vuii ngicngih.

"Jitt diauu minaxjaxkiw tingwhyw banw :ar. Diongdaur tangx juw caiwquex mirsnuar junw dxngr."

Giaa tauu knuar vnxee-dingw ee caiwquex, Caiwquex Mw :a cuir ciyr bak ciyr.

Qecdngw qangx jingsinn, Caiwquex Mw :a qnuaw kir qaur vnxee-kax, u hab'ir hitt diauu caiwquex suacc byy knuar did ngiaw.

"Byy qangai. Qinaxzit byy caiwquex hyw siux, mua'iuu mirsnuar qangrkuanw pangx qongwqongr."

Juiw qycc ag, vuii qycc lyc, qaix jyr ee sittauu jit hxang dy' byy qiamw.

Jit qangx ee kangkuer suah, kunr jit cnew kiw .laii, iurqycc quer jit mee. Caiwquex Mw :a diamw aw diamw dindangx, caiwquex-vnxee ee caiwquex qycjaiww qiamw jit diauu .kir.

Suar .lyc qui' lexvair, quer jit mee quer, caiwquex-vnxee jongw e knuar m qnir jit diauu caiwquex. Jongw :a qiongw :a dy' jit diauu, byy kacc qex marr byy kacc qiamw.

Zit lenn mii, mii lenn zit, bak jit suac, jit guehzit quer. Ohunn jac guec, tnicnix jauw kir bih. Caiwquex-vnxee ehng'amr u jit pax amr amr aw huew diamw dyc. Dingjnuaw erdew u kngr jit dniux Caiwquex Mw :a cinciuw siaw ee zirjuaxdiauu-aw.

"Cadtaux Sangr, jin' duiwvutju. Guaw jitt vnxee ee caiwquex pnaiw jxingw u dok. Qniwnarr u jiac .diyc .ee, cimxtauu e kamqasaur, kak quw e exqauw. Guaw binaxjair e qra caiwquex-vnxee qui'ee tiah driau ngua jingr koxquex. Iyhhngx jit tiab siy' sangr. Brang liw dngg mia, sintew viw lringg iaxkacc qnia."

Tnix qngx, qxex tii. Jingg amr, caiwquex jit diauu dy' byy qiamw, dan' dan' kngr dirr dinghuexjnuaw erbin ee iyhbi byy .kir.

Caiwquex Mw :a kiw ciuw tiah caiwquex-inw. Cuwvnix-lin'iu qaiw hiamr ix jyr Koxquex Mw :a. Koxquex Mw :a qnir diyc langg guanjai ciyr hix hix.

2. quanimx biy qapp isingquanw

Cimsnuax-nalai u jit qingx vudbiy, lairsinx cai jit senx Quanimx hyrjyr-qongxqiyr jabsniaa sniar, mraxqycc, jit vaiw kir, qatdnia he jit xee guan, qycc qex dyrr be lxingg. Simtauu u soxx brang, snuasi li cur vah lxiw hng laii qongw, siauwlenhniax byy siyh lortauu iau’uanw, quat’ir beh vniar .kir.

Tauwjaw kixdingg langg jing’ingx. Vnuawlo, duw diyc jit xee diyc hniwvni ee lau a’vyy kneckneh sraur, sraur qaxx kiw hamsaux sniax, langg dasanw, byy jnii knuar sensnix jin’ byy siaxsir.

Qnuaxciax liglo snax duiwsii, qauwui, siauwlenhniax dirr Quanimx binrjingg qui .lyc .laii, singsimx-ken’ir.

“Qiqiuu liw huad jusimx. Guaw ee guanrbang byy qnuaxqinw. Lo nirr hitt xee obasang jaw jit zit uanjuann srinx qnia kacc iauwqinw.”

Srngw sinn diyhbuaa snax mezit dngw laii qaur cur. Vnuar dxangx quer, siauwlenhniax niucauw cuann ven qycjaiww kixsinx. Jitt huee, duw diyc jit xee diyc qnuavni ee lau a’vxeh, bin ngsngtanw, siauqud lyhbah, qangrkuanw sanwvanw be did cue sensnix idi.

“Guaw siauwlenn, iongxjongr, byy-kuec-byy-kiamr. Jit xee simguan uan lehh byy qangai. Cniaw liw vyxvir lo nirr hitt xee ozisang, iyc benw jiac, vni benw rix, vnerbyw qaqi hyw liauw li.”

Quanimx dxen-jinggg diam diam kia, siauwlenhniax bin hiongr ix habjiangw vair.

Taur hongx lyc ho dy’ byy decc qniax, Lak-guec huexsiyvox qyckacc byy sngr sniaw. Dua liap qnua, ser liap dih, siauwlenhniax kavo m guan tingg. Qycc vnuar vox ee lordingg dyrr beh qauwui. Qingquer jit qingx siyw biy, knuar diyc jit xee hurzinlangg siangx ciuw ee jingxtauu-aw cxax lehh, bagkox angg qiwqir.

“Guanw qniaw siyx be trer, siyx qui’ lexvair, jinw hunbee m jaix langg. Juanid vaiwtog tniqongx huad juvix, jo guanw qniaw dro snesiw.”

Hurzinlangg bagsaiw limlii suii. Siauwlenhniax tniax .jit .xe simtauu sngx, kavo qnuaw qyckacc qinw.

“Quanimx Biy huew qalauc. Quanimx diyc huex siyx qui’ senx vnir jniaa hux.” Buerjingrr qaur, vnuawlo tniax diyc langg’ decc hanw.

Siauwlenhniax liammisii sehtauu. Dngw .kir, koxsimx genxtak, snax dxangx au, jniaa jyr jit xee jiokk suacciuw ee sensnix, ciaclangg laii cue ix knuar tong' byy kiyh jnii. Sensnilangg miazi hnialuac, miasniax u tauw. Gua votauu jerje iarr vniar laii hro ix idi.

3. diucunhuex

Sintew ee koxcow katkow lunw lehh, qrut too, ia jxingw, ag juiw, ingr vuii. Honghunx zidtauu ciasaix, Sanxqauu :ee hingngiaw qyckacc sanxsyx.

Jxaix hyw jxingw, did hyw huex. Sizit qaur jun, diucunhuex jit luiw jit luiw diam diam aw kuix. Qniaxzit duarangg qapp hunxangg dxaur suiw, bingzit gia'ngg qapp ciywngg draur iam.

Qorr qajenw nngxser aw qra inx jenw .lyc .laii, huehngg srunn jit linr, Sanxqauu :ee pongw qui’ pongw ee diucunx unn unn aw qniaa kir qaur qecviah daux.

“a’Iongw :a, liw qenwnarr iong quntaubuw qra guaw bog jit vaiw, guaw dyrr dirr huehngg driam jit liap huejiw. Igsii-ig'un, dagg jangg dy’ kuix. Qinaxzit siusingg, jiaxee huex jongw beh sangr .liw. Ngwbang liw ee simx qapp jiaxee hueluiw qangrkuanw dua kuix.”

Tongxqiong beh uaw jnia’ vah luiw ee diucunhuex jrih quer ciuw, a’Iongw :a pnri diyc huepangbi, gne dongdongx ee simqnuax jit xe venr pyr pyr.

4. a’Siyh :a lriuu lixaw

“Lixaw lixaw, dnix butbud ee angbacliw laii lor. Air jiac lixaw ee langkeh qinw pan'uaw .laii or.”

Iong qorr vinxdnax dnax nng langw lixaw cai dirr caiwci-aw-tauu, jit xee ginxaxtunn jin’ minua decc huacbe.

Qra qaunaa he druar tokadaux, a’Siyh :a kuu .lyc unn aw siongr, unn aw qingw. U .jit .quw .aw, lixaw drew qaxx juix juix, naa-aw hiqyy. Dang knuaiknuaii qnrua dngw laii qaur cur, a’Siyh :a giac quexjixdyx-aw sui’ liap aw liyy .kuix, dagg liap dy’ nua :ee, aur :ee, uree qycc suacc snex tangg. Quexjixtangg gniaux gniaux syy, knuar diyc jin’ qniax langg.

“Bycaiw hro liw jurr sewhanr dirr quexjixtec ham' lixaw vnuanuaw dua. Liauw jnii diyc toxlat qnrua qui’ naa-aw ee lixaw dngw .laii qongxx juann nua :ee.” a’Siyh :a ee tauqex qra giycciyr.

“Jiaxee guaw tiauqangx qingw :ee lar.” a’Siyh :a ciyr ciyr aw qongw. “Narr hro vadd langg brew diyc hai .kir .ee, siauwlenlangg sui' uer miaa uer sniax, aurquer singliw longxx benw jyr. U langg duxcaiw jiac diyc siawvag, hex qyckacc si hiauhing.”

“Liw tacc byy dngbin qra qongw puar?”

“Jiongwganw-jiaujiaux langg jingwjingr, qniax ix pnaiw sewbin. Ix ee lixaw hyw knuawtauu. Huanrser ix qaqi dy’ m jaix huanr :ee hiaxee lixaw jerje si aur :ee.”

Giac jit der qoxiw-aw, a’Siyh :a jre druar dingaxkax sui’ liap aw cuxliw. Pnaiw :ee qorr quexjixdyx-aw tiur hniwsag druu .kir, byy pnaiw :ee anwsngr beh jyr lixaxqyx. Jitt hxang sittauu, ix dng’ lauw :ee.

5. sai’aw

Cak jiyh'angx ee saihu huewtauu veh-jap-veh, taukag byy mox, gnoxvorciux vec liaksiag qycc dngg liusiux. Jiac lau be vro todau, sai’aw jit vaiw qanda’ erdangr kiyh jit xee.

Nng xee jap-go~lak huer ee langquec-aw vnevnee hro sirduarlangg sangr laii beh yc qanghux. Jit xee cocuir iaxdauw, lingrr jit xee subunn, u qauwdog, jiauww-lex.-jiauww-sor.

“Henrvosii byy huatdo sui' catduat. Beh qingw dycc jit xee, snax qangx au jiacc e hunbingg.”

Vec cuiwciux saihu simtauu u juxir. Jurr anxnex, nng xee ginxaxlangg longxx lauu druar saihu sinkuvnix, snax qangx lai dyrr jaix qaurvyc.

Tauu jit qangx qxex tii, cocuir :ee kunr be jingsinn, subunn :ee vingww sexdng jiauvi dirr duartniax tingwhau saihu cud qawsi.

Derr zi qangx jiac daur, subunn :ee jre jniar jniar, niaux niaux aw jiac. Cocuir :ee naxx viachow, jiac qaxx longr puar nguaw .jit .cud.

Saihu hunpair inx qokk langg kir jycsid. Derr snax qangx beh amr aw sii, subunn :ee sittauu jyr suah qnuaw beh hro saihu knuar. Cocuir :ee sittauu jyr byy liauw byy daxqinw, jyr .cud .laii .ee qycc vutdapvutcid.

Amwtauu aw, saihu puejuaw cuann nng dniux, dinghuew diamw dyc, vid giaa kiw.

Quiwjuxde lunrsingr hyw pinxhing, qutlat qycc hyw jraii, sniaw kuanw saihu laii kanqar longxx e cuttuad. Qecviah jngx jit xee saihu hixsimx beh siux linw qniaw. Ix ee ciuxge byy der viw. Linw tangx unxsimx aw jiong’ qniaxzii qaux hro :ix.

Puejuaw log zip puepuee, vec cuiwciux saihu vangr vid. Quer u jit quw aw qycjaiww kiw vid.

Quiwjuxde vunrdnua qiamx lamxnua, jiac-kunr byy huncunr jin' byy pinw. Guaw quat’ir lauu ix diamr jiax dauc dauc aw diaudog. Qanghux yc u sighangg jiacc vangr ix dngw .kir.

Dnaxhuad siauxsuxaw qra puex sangr .cud .kir. Dairjir liauxqed, denrhuew pah huax, vec cuiwciux saihu ing’amr beh ansui, jit cnew qaur tnix qngx.

6. caixpiyr

Byy suax byy pe ee  jit xee cnimii :ee laii qaur guarvotauu liahlingqud tanr diyc jit kox ginn ngii ngii. Pah nng vaiw vngrdngr longxqiong kaix snax qag, kecdiamr-liau jit amr sir qag, ciadnuax ongxhuee pah nng qag vnuar, qamxaxdiamr jiac jit xee liangg juiw, brew quaw damrsamw kaix beh snax sxenw. Beh kir iahtauu ee lo nirr, tniax diyc u langg decc huacbe caixpiyr.

“Hyw simx lehh, qra vaixkax :ee qauquanx .jit .dniux.”

Cnimii :ee srunn snia’imx qniaa uaw .kir. “Liw jex jit dniux rair zuarr je? Guaw sinkux cunx byy snax sxenw jnii.”

“Jit dniux jit sxenw. Liw tangx brew nng dniux.”

Cnimii :ee lakde-aw zimm nng sxenw hro vaixkax :ee. Caixpiyr suacc byy beh qra tec.

“Guaw cnimii bak amr, byy jaidiau duir jiongw. Lauu lecc hro liw kacc sidjai.”

“Acc byy, liw jitt nng dniux caixpiyr sngr jiamrsii qiar guaw jiax. Narr jinjniar diyc .diyc, au jua liw qycc laii, caixqimx guaw jiacc tec hro :liw.”

Cnimii :ee bunxciyr, qnuaw beh hur ciavangx, m qnaw qex tuaenn.

Nng~snax nii aw quer, ci-lai jit jinr lauaxcur kiw qaxx jiokk suiw jiokk suwsi, qongxx si jit xee kekakok diyc taucaiw, di'unx-vywvunw kiw :ee, huanrnarr cnimii :ee, jiac-druar longxx benw jnii.

Qimtenx si liongsinn hyw zit, jit din cnimii :ee jit xee kanx jit xee beh zibcur. Inx lairdew u jit xee an’ tauu jiww buew ciyr hihix, viw sniaxmih langg longxx qyckacc hnuahiw.

7. siangcelo

Tauwjaw, cnimii :ee qnuaiw-aw tuh laii qaur beh kir sniaa-lai ee siangcelo-kauw. Ciu-aw-kax siangx kax tiabpuann jre lehh, cnimii :ee u cuann niucauw, benw kngr kitjiahnguaw, u crux qajiwciyh, byy jah qajiwdauw.

“Lanw jiycmng lehh. Beh kir sniaa-lai ee lo si dycc jit diauu?”

Ciax-dingw u bow u qniaw, ciax sraiw qaur siangcelo-kauw, sensnilangg qra ciax dongwdiam.

“Nng diauu longxx e qaur,” cnimii :ee rinr. “Guaw jniawciuxvingg jitt diauu diamxaxqalo vnetnaw-t., vutzirqyr, qiongqongr cniuxqiab jin’ suwsiongg. Guaw dywciuxvingg jitt diauu jiyhtauu logkog. M qniax kamket, iyhenw siyw lunw lehh, vyxniaw liw qniaa e qaur.”

Cnimii :ee bersux liam cecquax, rinr diyc jiokk qudcuir.

“Duiww liw kacc sitqingr, simlai u jit qxur diksit rair qra liw cingxmng. Liw bagjiux knuar byy, capjauw jai’ngiaw lorcauw sniaw kuanw jinghingg?” Sensnilangg jin’ hnowhenn.

“Lanw siauwlenn ee sii m bad darijir, langg’ marr bad koxsimx kuanxkngr, lanw qniurqud qan’ qan’ aw m tniax. Cniuw bagjingg qngx tamx diyc lo hyw qniaa, lo-diongx duw diyc qiongqongwcat qra lanw bagjiux congr cnimii marr sngr henrsiwvyr.”

Tniax qaur jiax, sensnilangg qankow simx, lyc ciax laii qra knuar bagjiux.

“Liw ee bagjiux rix e hyw. Guaw tangx qra liw idi.”

Cnimii :ee suecsia, suar qongw, “Bagjiux byy knuar tihh id~zi-jap dxangx dy’ iarr quanwsir quanwsir :ar. Lanw bagjiux cnimii sngr uac qanjingr, lanw qongw langg’ kacc beh sinr. Qiamw jit xee qniaa duiww penlo .kir, viw bagjiux knuar e diyc iaxx kacc hnuahiw.”

Cnimii :ee qongw, bagqnii u jului siamxsih.

8. a’Gong :a sraiw ticguu-aw

Druar dirr snuax-dingw ee suhu qinaxzit lyhsnuax beh kir sniaa-lai qangxqingx suathuad. Itsimx-it’ir beh tniax kaisi, jngtauu ee sinwsu tnix ciauxciauw aw qngx dyrr cutmngg, sir lenw, snax lenw iacc nng lenw :ee, erdangr sraiw dinxdang :ee jiauu cutdong. Narr cniuw diyc taujingg vaii ee ixaxui, qongxx kacc tangx did diyc qacii qapp hokkir.

Vorvinn m bad tniax quer suhu qangxqingx, tniax jingwlangg decc hanw, a’Gong :a ticguu-aw sraiw lehh iarr laii duewlo.

“Lanw vaiwtog lehh, hro guaw uaw ciax hyw bor? Guaw beh kir sniaa-lai tniax kaisi.” Jit xee kuekax :ee qra jit xee sraiw sir-lenw :ee qojniaa.

Ciax-dingw :ee simqnuax gni, iumngg cuix lehh didtaur sraiw .kir.

Ciax jauw .kir, aurviah duer jit daii kiaa nng-lenw :ee. Kuekax :ee iurqycc uaw kir qra iongtog. Iuguann ho’ngg cniaw qah srii.

“Liw narr byy sna’ kiwhiamm, guaw tangx jair liw laii kir, guaw iarr beh kir sniaa-lai tniax kaisi.”

A’Gong :a ciyr tauu ciyr bin huangingg ix ee dangpnua. Bersux decc kiyh kxeh, lo nirr, venrnarr duw diyc lau :ee, iur :ee, duardo iacc puawsniur :ee, a’Gong :a dy’ e uaw kir qa’ngg mng bai.

Ticguu-aw banrsyy-s., en’ lo qycc vutsii tingg lyc laii jair kxeh, u junxsii qnuaw qaur derdniuu laii qongw, vaii be diyc din kiarqaugenr.

“Suhu cud jixsi, qongxx ciax-dingw jre zuxx je langg :ee tangx jre zuxx taujingg.”

Iong'imqix hongwsangr ee sniax bingg duw bingg. Jidsidig, derdniuu langsniax hirhua qunw. Jit daii ticguu-aw binrdingw jre qaxx muaw ~ ~, a’Gong :a duarvan aw duarvan qra sraiw .zip .kir.

9. Liac hii :ee

Sraiw qo’ pxangg, liac hii :ee hnuardua. Qinaxzit byy buanw jai. U qraur cri bow cri qniaw dro snax dxngr, liac hii :ee krox si’aw, quadiau si tiongwlok :ee.

“Qiur langg or!”

Jit jiah qipangg-aw dirr haixdiongngx quairqyx. Pangjunn ee juxlangqax et ciuw huah himm huah how.

Liac hii :ee tniax diyc sniax, knuar diyc ngiaw, jiksii uat jit xee hiongr. Nng jiah junn uaw qaxx berdangr qycc uaw, h.-hiongqongg-q., juxlangqax qra vunrbin ee qimginn jugik vniax duiww tyxhaixjunn .kir, jit dre suar jit dre. Tingwhau siongrr suacbuew xee iarr suaw .quer, juxlangqax qinw brangg brangg  kxangr kir hijunn-aw.

“Jin’ duiwvutju. Guaw ee junn-aw sniu’ ser jiah, jair be ngiaa.” Liac hii :ee qongw.

“Liw qra liw hiaxee hiii, hee, qux, vih danr hetdiux suacc berhiangw? Guaw cinwcaiw jit dre juvyw dyrr tangx brew liw qui’ junjai.” Juxlangqax rinr, cuir kiaur qo’ vingg.

Huanxhongx, liac hii :ee qniasimx, katqinx qra junjai ciax lyc haiw. Tingwhau siongrr auwbuew jiah hii-aw iarr huedngw duarhaiw, liac hii :ee muaw srinx dang qnua, jit xee simqnuax iuguann qniacuah.

“Qiamw jit senx langg, liw ving’anx dachnua u vycbin.”

Qongw suah, liac hii :ee domx jit sniax tiaur lyc haiw. Qniax qaqi siuu be qaur, iarr qniax knuar diyc junn dimbongg cnicamw qxingw, liac hii :ee itbi siuu, m qnaw uat tauu.

10. quexjiw Dig :a

Rearkar binrdingw jiauu quexjiw, longxx jairjangg sik :ee, a’Dig :a jaxkixvox ciax cutmngg, buerjingrr daur, qui’ ciax ee quexjiw sriaux qaxx kangx ~ ~.  a’Dig :a ee quexjiw, bylun snuai-aw, lxaii-aw, siquex iacc derpylyy, dagg jiongw dy’ dnix qaxx naxx camx bit. Singxlixlangg  harhisenx qycc dit dxngg dit do, cinwtauu u jiog, langkeh qra qauquanx jit vaiw ingxingw dyrr venr juxqowkax.

Jnilag-aw vaxbiw. Singx tec quaw kir qiawqimx, cunx :ee, a’Dig :a anwsngr kaix go kox brew jit jiah juann qxex, snax koginn liac jit buew hii, go qakginn qnrua jit quanr siyjiuw iaxx u tangx jau snax sxenw.

Rearkar kangx ciax jin’ kinx lat. a’Dig :a naxx qniaa naxx krox si’aw. Lo nirr, knuar diyc jit xee ginxaw kuu dirr tokax, sinkuvnix jit kax caiwkingx, lairdew juann vueling’aw. a’Dig :a hnowgenn qniaa uaw .kir, jiacc knuar diyc ginxaxlangg bagsaiw lrauu bagsaiw dih.

“Beh uaw daur :ar, guaw cair byy jongw bre .kir, aurjig e huat guaw byy vng tangx jiac, qycc e qra guaw pah qaxx vnuar siyw siw.”

Ginxaxlangg naxx qongw naxx cngc. a’Dig :a tniax diyc pnirtauu sngx, lakde-aw zimm go qakginn qra ix ee cair jongw brew .kir.

Kacc kir, duw diyc jit xee obasang qux diamr lorvnix, vindnax liongw vingg ee navogcair iauxx jit tong tiap qaxx jiamx jiamx.

“Guanw angx puawvni dyw kiaur kiaur diamr bincngg qui’ guehzit. Qinaxzit bre-cair-jnii narr tanr byy qraur cue sensnix idi, jit diauu mia qniax juer e hiux .kir.”

A’Dig :a tniax diyc auqngw dni, ranr beh brew hii-aw :ee ngua brew navok jit vindnax, "hnic" jit sniax, jin buxlat jit xe ciuw hnair kir qaur rearkar binrdingw.

Sinkux ginqag-aw kingling-kiangliang. Qok qok qxex dirr tauqaur li ix byy quiw vo lo. Tniax diyc angngex-aw mocmoh qiyr, rearkar iurqycjaiww dongwdiam.

“Ginxaw iauxx bue dorjer. Gunw angx dingw guehzit aw surqor cniciyh siw. Qui’ ejaiw iaxx tanr byy qraur brew gulinhunw.”

Siauwlenn qnuaxhu bagkox angg qiwqir. a’Dig :a tniax diyc bagsaiw damm bagqnii. Qui’ langw ee qylecair jongw bauc, a’Dig :a qra lakde-aw cunx :ee jongw hro :ix.

Rearkar qiongbeh sag be qniaa, viw jaxkiw ciax quexjiw cutmngg ee sii iauxx kacc dangrdauw. Kavo naxx qniaa, qnua naxx crid, quexjiw Dig :a qinaxzit jiac cair byy jiac cyx.